*Бар ту бинамо-м то ки худро,
Резам ба раҳи ту хоки худро.

Хокам ба раҳи туву ба ин раҳ
Магзор ту пойи поки худро.

Аз ҳаҷри ту мурдаму бихонам,
Бар ман бирасон ё ки худро.

Як лаҳза ҷудоият нахоҳам,
Кас кай талабад ҳалоки худро?

Эй шоҳи бутон, тараҳҳуме кун,
Ин ошиқи синачоки худро*.

✍️ Ҳасан Сулаймонӣ
📆 2018, Тошканд

💎 @hofi_shoir

**7-уми ноябр — Рӯзи гиромидошти Абдураҳмони Ҷомӣ

✍️ Тарҷеъбанди Ҷомӣ
🎙 Қироати Ҳасан Сулаймонӣ💎**@hofi_shoir

3-юми ноябр - Зодрӯзи Устод Фарзона *Бо ин ҳама тағйир, ки дар даври қамар шуд,
Хуршед дигар, моҳ дигар, чарх дигар шуд.

На, на, маҳу хуршед ҳамонанд, ки буданд,
Дар чашми ману чашми ту тағйири назар шуд.

Гуфтӣ, ки ҷавонӣ паси сар шуд, дигар, афсўс,
Бар ман паси сар шуд, ба ту, сад шукр, ки сар шуд.

Беҷон шудам аз ваҳм замоне, ки ба гўшам
Аз шарфаи пои Малакулмавт хабар шуд.

Аз ҷониби ту муждаи милоди нав омад,
Пажмурдагули парфиканам ғунчаи тар шуд.

Як бори дигар ҷони қадим оби бақо хўрд,
Як бори дигар нахли куҳан тозасамар шуд.

Барномаи навро бидеҳ оғози муборак,
Бархез зи хоби абад, эй дил, ки саҳар шуд*.

✍ Устод Фарзона

*💎*** @hofi_shoir

*Он шӯх, ки ҷӯз куштани мо пеша надорад,
Аз рӯзи қиёмат магар андеша надорад?

Ҷоне ба саломат набарад кас зи нигоҳаш,
Теғи назарашро табару теша надорад.

Ҳар санг, ки дорад ба дилаш кӯҳ чӣ бошад,
Ваҳши дили бераҳми варо беша надорад.

Одоби вафодориву оини муҳаббат
Ҳаргиз маталаб з-ӯ, ки чунин кеша надорад.

Ҳар дам зи ӯ захме ба дилеву ба умедем,
Зеро, ки ба дунё бадие реша надорад.*✍️ Ҳасан Сулаймонӣ**💎 @hofi_shoir

28-уми октябр — Зодрӯзи Устод Хоҷа

Аз ишқи ту то ишқи Ҳақ

Бонги хурӯси субҳаму қу-қу ба қо-қо мешавам,
Мансур «Анал-Ҳақ!» гуфту ман
бонги «Анал-Ло!» мешавам!
Ман бе ту танҳо мешавам,
ман бо ту якто мешавам,
Ту дар дилам ҷо мешавӣ,
ман дар дилат ҷо мешавам!
«Ман!» мешавам,
«Мо!» мешавам,
«Ҳу!» мешавам,
«Ҳо!» мешавам,
«Ё!» мешавам,
«Ло!» мешавам,
чашму сару по мешавам,
Ман боз эҳё мешавам,
ман аз ту гӯё мешавам!
Ман ман наям,
ту ту наӣ,
ман дар туам,
ту дар манӣ!
Ин нест кори манманӣ,
ман аз ту ҷӯё мешавам!
Ман аз тулӯъи Офтоб,
чун шеър иншо мешавам,
Дар меҳри ҳар як фарди Ҳақ,
чун барқ илқо мешавам,
Аз ишқи ту то ишқи Ҳақ
ман боз гӯё мешавам!...

✍️ Шоир Хоҷа

💎 @hofi_shoir

ای روی تو ماه عالم آرای همه
وصل تو شب و روز تمنّای همه
گر با دگران همچو منی، وای بَمَن
ور با همه کس همچو منی، وایِ همه

Эй рӯйи Ту, моҳи оламоройи ҳама,
Васли Ту шабу рӯз таманнойи ҳама.
Гар бо дигарон беҳ зи манӣ, вой бар ман!
В-ар бо ҳама кас ҳамчу манӣ, войи ҳама!

✍️ Шайх Абуисмоил Абдуллоҳи Ансорӣ

💎 @hofi_shoir

#Оромиш

*🎻 Антониё Вивалди
🎼 "Зимистон"*

(Дар иҷрои Давид Гарретт)

💎 @hofi_shoir

Баҳои "5" ба волидон!

Аксарияти падару модарон дар поёни рӯзи кории вазнину пурмашаққат хаставу бемадор ба хона баргарданд ҳам, баъд аз хӯрдани хӯроки шом ва каме истироҳат ҳамроҳи фарзандони мактабхони худ зуд ба иҷрои вазифаи хонагии онҳо шурӯъ ва соатҳо бо онҳо дарс мекунанд.

👉 https://ovozi.uz/60612/

Telegram | YouTube | Facebook | Site

‎عاشقانه | ОШИҚОНА
✍️Афшин Ядуллоҳӣ | افشین یداللهی
@afshinyadollahi @afshinyadollahi_real_fan_page
🎙️@firuz_abdumominov
📽️Videographer: @shokhrun_aslanov_ 🙏