🟥🟥🟥🟥🟥🟥

15- iyunga qadar OʻzDJTUda barcha talabalardan yakuniy imtihonlar olib boʻlingani bois, koʻpchilik talabalar yozgi taʼtilga chiqib, oilasi bagʻriga qaytib ketishdi. Shu boisdan universitetga qarashli 7 ta talabalar turar joyidagi koʻplab oʻrinlar boʻshab qoldi.

Shu kunlarda yuz bergan mudhish hodisa sabab universitetda tahsil olayotgan talabalarni nazoratga olish, ularning xavfsizligini taʼminlash niyatida talabalarni imkon qadar bir joyga jamlash maqsad qilindi.

Shu bois, hozirda oʻquv yili yakuniga qadar, talabalar turar-joyidan foydalanayotgan talabalarning xavfsizligini taʼminlash maqsadida universitetga qarashli, bitta hududda joylashgan ikkita TTJdagi talabalarni bittasiga koʻchirib oʻtkazish va ularni doimiy nazorat qilish ishlari yoʻlga qoʻyilmoqda.

Aziz talabalar vaziyatga toʻgʻri baho berishlaringizni, bu jarayonlarni notoʻgʻri talqin qilmasliklaringizni va jarayonlarda biror muammoga duch kelsangiz, avvalo, universitet rahbariyatiga murojaat qilishlarini soʻraymiz.

Murojaat uchun telefon raqami: (97) 777 99 26 Otabek Ibragimov Oʻzbekiston davlat jahon tillari universiteti rektori matbuot kotibi – axborot siyosati masalalari boʻyicha maslahatchisi.

O’zbekiston davlat jahon tillari universitetining qadrli jamoasi, professor-o’qituvchilari, xodimlari va talabalari!

Barchangizga bagʻrikenglik, muruvvat, doʻstlik va hamjihatlik kabi olijanob fazilatlarni va ezgu qadriyatlarni o’zida mujassam etgan qutlugʻ ayyom — Qurbon hayiti muborak bo’lsin.

Mana shunday fayzli va barakotli kunlarda sizlarga tinchlik-xotirjamlik, sihat-salomatlik, oilaviy baxt tilayman.

Ilohim, barcha pok niyatlarimiz amalga oshsin!

O’zbekiston davlat jahon tillari universiteti rektori Tuxtasinov Ilxomjon MadaminovichBiz ijtimoiy tarmoqlarda:
Telegram | Instagram | Facebook | Sayt