ابو ذيات الزهراء عليها السلام

كسر ضلعج ييمه شلون بسمار

زادي والشرب بعدج صار بسمار

ردت طيفج يمري بحلم  بسمار

نمتي بالكبر  وكطعتي. بيه

قبلج  ريت. المقدر.  يجدماي

عسى مشلول ماتخطي يجدماي

نار الوجرت ماضن  يجد ماي

ع امي مشتعل جانون  بيه

بقلم العلويه ام رائد زوين

استشهاد الزهراء ع

اول حزن ضلعچ تره يالزهره تدرين
طف كربله ايتاني بده زينب والحسين

اويلاه اويلاه يافاطمه المظلومه

گلبچ لمن محسن سگط انه ادري مفجوع
لحسينچ وزينب وجب تتهامل ادموع
ابدارچ تكسر بس ضلع بس باچر اضلوع
مو بس دمع الهم دمه صبيها هالعين

اويلاه اويلاه يافاطمه المظلومه

يالزهره طحتي امن الالم والضلع مكسور
اوليدچ تره مو بس ضلع كل جسمه منحور
باچر يطيح امن المهر وگليبه مفطور
بعشرة حوافر ينسحگ ودومه صوبين

اويلاه اويلاه يافاطمه المظلومه

يومچ صعب بس اخبرچ مختلفه الاحزان
يالزهره حيدر غسلچ ضمچ بالاكفان
يتغسل ابدمه السبط واچفانه تربان
بعاشر محرم فاطمه ابعينچ تشوفين

اويلاه اويلاه يافاطمه المظلومه

باب النبي صح احترگ لاچنه بس باب
مستوره ظليتي وسگف ظل فوگ الاحباب
اليا بر تهيم ابنيتچ لو شبّت اطناب
حرمه واهلها امذبحه تنطي الوجه وين

اويلاه اويلاه يافاطمه المظلومه

يم الحسن لمصيبتچ تتفطر اجبال
يالزهره بخدودچ طبع من چف الانذال
باچر هذوله ابكربله بيديهم احبال
ما تنصفع زينب فقط تتگيد ايدين

اويلاه اويلاه يافاطمه المظلومه

الشاعر اياد الديراوي

إذا احتشمت النساء خجلت أعين الناظرين
وإذا غض الرجال أبصارهم
احتشمت النساء خجلاً !

لما مرضت فاطمة بنت رسول اللهﷺ رضي الله عنها مَرَضَ الموت الذي توفيت فيه...

دخلت عليها «أسماء بنت عميس» رضي الله عنها تعودها وتزورها...

فقالت «فاطمة» لـ «أسماء» والله إني لأستحيي أن أخرج غدا (أي إذا مت) على الرجال فيرون جسمي من خلال هذا النعش .

وكانت النعوش آنذاك عبارة عن خشبة مصفحة يوضع عليها الميت ثم يطرح على الجثة ثوب ...

ولكنه كان يصف حجم الجسم....

فقالت لها «أسماء» أو لا نصنع لك شيئاً رأيته في الحبشة ؟؟؟

فصنعت لها النعش المغطى من جوانبه بما يشبه الصندوق ودعت بجرائد رطبة فحنتها ثم طرحت على النعش ثوباً فضفاضا واسعا فكان لا يصف

فلما رأته «فاطمة» قالت لـ «أسماء»: سترك الله كما سترتني

سبحان الله تستحيي وهي ميتة مكفنة في خمسة أثواب

ماالذي سيظهر منها
ومن الذين سيحملونها ؟؟

وهل هو موقف فيه فتنة ⁉️

لله درُّها تستحي وهي ميتة ...

فما بال الأحياء لا يستحون ⁉️

فكم من شفّ حجابها أو أخرجت خصلتها وخصّرت العباءة ولونتها .. وتكسرت في مشيتها وعلت ضحكاتها وفاحت رائحة عطرها ... ومات حياءها ؟؟

بل أين من تقول للمحتشمات إنهنّ معقدات⁉️

فهل فاطمة معقدة ⁉️

إذا كانت معقدة فهنيئاً للمعقدات ‼️

لأن الله سبحانه وتعالى قد أرسلَ ملكاً من الملائكة لمحمد صلى الله عليه وآله وسلم برسالة عظيمة ..
وبشارة من أعظم البشارات ..يقول فيها سبحانه :
” بشِّر فاطمة أني كتبتها هي سيدة نساء أهل الجنة ”
[ صححه الألباني ]

قال عليَُه الصلاة والسلام
( الحياء لا يأتي إلا بخير )

لطميه للزهراء سلام الله عليها??

راحـــت أمـــي ومـــاتـــرد الــبـيـتـها
كـــون تــسمــع ونــتـي الـونـيـتـهــا
صـحـت ردي الــدارچ 
               لا أضـيـع اخـبـارچ
              چــنــي مـاحاچـيـتـها
        ومـــاتــــرد الــبــيــتـــهـــا

////////////////////////////////////////

راحت وما گالت شلون ابتعد
      واليطب للمگبره ماضن يرد
      بالله گل لمّي يحفار اللحد
       اخاف تبطين وتبطلين النشد
وأنه عيني اعله الدرب
               ولاتگطعين الگلب
    تـهـيم روحـي وبـلـصبر رديـتـها
     چـــنـــي مــاحــاچــيــتــهـــا
      ومـــا تـــرد الـــبــيــتــهــا
//////////////////////////////////////////

تهيم روحي وگلبي بلفرگه نچوى 
  شلون اطب يُمّه ولبيت بلا ضوى
   چـنى مـخنوگه ولا شـم الهوى
  وچنه نحچي ونگعد ونمشي سوى
  والله حــلــوه الــوالــده
             مــن تـگــلي شـرايـده
   بـعـد عـشرتنه مـنمـس حـلـيـتـهـا
        چـــنـــي مـــا حـاچـيـتـهـا
      ومــــا تــــرد الــبــيــتـــهــا
/////////////////////////////////////////

راحت أمي وراح كلشي وياها
   الدنيا ظلمه ومحزنه بلياها
  أبـد ما نـفرح بـعد بـچفاها 
    لمن ترجعلي وأنه اتلگاها
  أدري مـاتــرجـع بـعد
             ولا هي مطيتني وعد
        للـمگـابـر يا دهر وديـتـهـا
     وچــنــي مــا حــاچــيـتـهـا
         ومــاتـــرد الــبـيــتــهــا
///////////////////////////////////////////

وين أخذ أمي الدهر من عيني
   يادموعي اعله المشت عينيني
  يمه وياچ أرد أموت اخذيني
    لا تـهـمـين الضـعن  تانيني
  غـمـضـت أمـي عـيونها
           وراحــوا يـدفـنونـها
وأنـه بـدموع الـيـتم نـاديـتـهـا
   وچــنــي مــاحـاچــيـتـهـا
        ومــا تــرد الــبــيـتــهـا

___
بقلم شاعرة اهل البيت ع المله
أم ريام دخيل الركابي...

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ?
? قصيدة فلة وفزاعية ( لفاطمة الزهراء ع ) ?
-------------------------------------------------------

يابوية رد بالوالدة
ما اگدر لفرگاها

اسمعني بوية ياعلي
رد الزجية الليلة الي
اخلافها المنزل خلي
لو مشت وين الگاها

لو مشت وين انشوفها
امي اشحلات اطيوفها
شلون ابگبرها انعوفها
و گلبي بحزن ينعاها

يا بوية ردلي بالنعش
كلبي على الزهرة انخمش
شلون للدار من ادش
يوحش ترا مبناها

وحشة المباني عالمشت
يا ريت وياها متت
اهروش گلبي اتگطعت
امي اريد اوياها

وياها  خذني  للگبر
ماريد اعيش بهالعمر
شمحلاته وياها السمر
اتوكلنا من يمناها

ماكو مثلها احنينة
وياج اگلها اخذينة
يحبيبة لتخلينة
يكتل تراهو اجفاها

-------------------------------------------------------
تمت بقلم خادمة اهل البيت ع ✍آلــشــا؏ـرة  رغــد ام وسام  الفرطوسية
ذمة عدم حذف الاسم وغير مبرئ الذمة كل من ياخذ من الكلام

نعي للام

انه للمكبره يمه اجيتج
وكعدت اكبال كبرج كابليتج
شلون ارجع ييمه وخالي بيتج
ومن ضيم الكلب آنه نخيتج

???????????

اجيت وخاطري يا يمه مكسور
انه زغير وخافن طبت الكبور
وضل البيت من فركاج مهجور
ولو سولف الج جا كلتي معذور

???????????

ييمه العيد ما ريده يجيني
ولو فكيت حزني عاتبيني
من كبرج اكعدي وكابليني
انه بيا طور اسمعنج ونيني

???????????

انه شلي بعد وبجية العيد
من الياخذني الج والمكبره بعيد
وعفتيني ييمه بدارج أوحيد
ولا كلتي الولد من أمه شيريد

???????????

وما كلتي ييمه ولا حجيتي
هم وصيتي بيه من مشيتي
يبعد اهلي ييمه وبعد بيتي
انه على الباب أتاني وما أجيتي

???????????

أنتي الوالده وحكج عليه
لاكن ليش ما وصيتي بيه
ييمه وداعتج لو صح بديه
أون يم الكبر صبح ومسيه

???????????

شفتي الدهر يمه شسوه بينه
منو يسوه العتب وتعاتبينه
يمنون يا يمه علينه
ولا جنه سويه احنه ربينه

???????????

عندي حجي وما ردت اكوله
خوان يا خوان ذوله
عفتيني ليش من الطفوله
كبرج ارد أمد طولي أويه طوله

???????????

انه تمنيت ييمه للكبر باب
لطب يمج واسمعج ذاك العتاب
وأمد طولي أويه طولج حدر التراب
واكلج كلبي ما يتحمل مصاب
يمه يا بعد روحي ييمه

???????????

بعد ذاك الدلال وضحكتج ذيج
تراب اللحد غير كل معانيج
ردت الموت بيه يمر ولا بيج
يغطيني التراب ولا يغطيج

???????????

شلون انسه التعب يا يمه وارباج
وما حسبه عمر لو ما كضه أوياج
انه حنيت يمه الذاك ملكاج
يا حيف التراب شلون غطاج

???????????

اذكر ييمه من دلالج
والتابوت مدري شلون شالج
جنت امرافكج وانظر خيالج
وترد روحي الي من اكعد اكبالج
يا بعد روحي يا يمه

???????????

انه اخلافج بعد بالدنيه شلي
ويتمني الوكت من دون حلي
انتي اهلي ييمه وماتو اهلي

????????????

صحت يمه صحت وبعالي صوتي
جيت اشكي الج من ضيم اخوتي
انه بهالعمر وتمنيت موتي
انه تنخيت من يسمع نخوتي

????????????

لو تدرين يا يمه شتمنيت
يحظرولي مجان اوياج يا ريت
ولو ادري ييمه الج ما جيت
شيردج بعد وياي للبيت
يمه يا بعد روحي يا يمه

اللهم صل على محمد وآل محمد

*?مجلس_ومحاظرة_بحق_الامام_الحسن_العسكري?*

?ديباجه?

?بِسْمِ اللَّـهِ الرَّحْمَـٰنِ الرَّحِيمِ?
صلى الله عليك ياسيدي ومولاي يارسول الله وعلى ال بيتك المظلومين 
صلى الله عليك ياسيدي ومولاي ياابا عبد  الله
يارحمة الله  الواسعه وياباب  نجاة الامه
ياغريب يامظلوم كربلاء
ماخاب من تمسك بكم سيدي  وأمن من لجأ اليكم
ياليتنا  ياليتنا  كنا معكم سادتي  فنفوز والله فوزا عظيما
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
♦️القريض(طور الدرج)♦️

وأنشَدَت الأملاكُ فيهِ المَراثيا
         بِشَجوٍ  وسامِرآءُ  تنحبُ عاليا
وإذ دُكَّتِ الأرَضونَ والسبعُ فوقَها
         وزَلزَلَ موتُ  العسكريِِّ الرواسِيا
ومِن قَبلُ في ظُلَمِ الغياهِبِ مُودَعٌ
           وذاقَ مَراراتِ السجونِ مُعانِيا

✍سمير الصالحي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
♦️ابوذية♦️

إله ثغر الفرح مايوم            بَسَم
وضعف عوده صفه ينلظم      بسم
حسافه العسكري ياناس       بالسم
يذبل جبده ويلاكَي المنيه
........
الزمن مايرحم الزينين         يو جار
وصديقه ايصير كلمن شين     يوجار
العدو ابجبدة ابو المهدي       يوجر
نار السم  يخليهه سريه

✍ياسر العارضي
--------------------------

**نعي للأمام العسكري عليه السلام

المهدي يون ويصيح يابه
يصعب ابوه عليه غيابه
مسموم ومفارك احبابه
❥━──➸➽❥?❥━──➸➽❥?
مسموم الحسن مهدوم حيله
والمهدي كاعد يتجيله
وايوادعه ابهايه الليله
❥━──➸➽❥?❥━──➸➽❥?
مسموم ليش الحسن هليوم
والحجه كلبه عليه مالوم
الله يعينه شايل اهموم
❥━──➸➽❥?❥━──➸➽❥?
المهدي يهل دمعه سجيبه
وامصيبته والله مصيبه
شايل ابوه ومن يجيبه
❥━──➸➽❥?❥━──➸➽❥?
سامره هليله حزينه
المهدي اعله ابوه ايجر ونينه
بيده كعد غمضله عينه
❥━──➸➽❥?❥━──➸➽❥?
ون الحسن ونات ونات
وعليه المهدي يجر حسرات
الله يعينه يوم ابوه مات
❥━──➸➽❥?❥━──➸➽❥?
هليله سامرا ارتجت
وعله الحسن بحزان ونت
باب العلم والدين سدت
❥━──➸➽❥?❥━──➸➽❥?
المهدي يون وشلون حاله
ابوه وينازع اكباله
الله يعينه يوم شاله
❥━──➸➽❥?❥━──➸➽❥?
الله يعينه اهمل العين
من شاف ابوه ايجر بلاونين
كلبه عليه انجسم نصين
❥━──➸➽❥?❥━──➸➽❥?

تـــمت والـــــفضـــ?ـــل لله تعالى
بقلم ✍ الشاعره أم محمد الكناني**

**نعي للامام العسكري ع

مسموم مسموم مات العسكري يا ناس مسموم
مالوم مالوم كلبه امن المصايب حيل مالوم

ريض يجناز كلها تصحيلك  ريض يجناز
شال ويالعزاز مو تدري الفراح شال ويالعزاز

من تكعد اوياه. يمحلات الابو من تكعد وياه
ويصيح ويلاه. يبجي المهدي ضل ويصيح ويلاه

ويدير بالماي.  يغسل ضل ببوه ويدير بالماي
متعذب اهواي.  يناس العسكري متعذب اهواي

وعيونه عالباب. مشه بنعش الابو وعيونه عالباب
كله امن الأحباب. تره ضيم الكلب كله من الأحباب

لمن يونون يكطعون الكلب لمن يونون
ماظن يردون النامو بالكبر ما ظن يردون

خربها التراب ليش اخدودهم خربها التراب
ما حاسب احساب يكطعون المشو ما حاسب احساب

دعمن يالعيون. صحت اشمالجن دعمن يالعيون
واشلون بشلون جبت العمر كله اشلون بشلون

ثجيلات حنين المهدي وجروحه ثجيلات
حرامات المثل المهدي يتعذب حرامات

الشاعر
تحسين الخفاجي**

محبة النــــاس رزق عظيم من اللـــــه وكنز ليس له ثمن

حتى لو أنفق المرء عليه كنوز الدنيـــا قال الله تعالى : ﴿لو أنفقت مافي الأرض جميعـــــــــاً ما ألفت بين قلوبهم ﴾ اللـــــــــهم ألف بين قلوبنا وسدد خطانا وارزقنا من الخـــــــير ما ترضى لنا وارحم موتانا وشافي مرضانا
برحمتك يا ارحم الراحمين..
«اللـــــــــهم آميـــــــن»