Яхши ўғлим бор дея, ишонма: уйлантирмасдан...

🌱Яхши қўшним бор дея ишонма: катта дардга йўлиқмасдан...

🦜Яхши танишим бор дея ишонма: бошинг балога кирмасдан...

🔅Яхши ишим бор дея ишонма: хасталаниб, тўшакка михланмасдан...

🙈Яхши ака-укам бор дея ишонма: орага моддият кирмасдан...

🌴Яхши ҳосилим бор дея ишонма: омборинг буғдойга тўлмасдан...

❤️Яхши дўстим бор дея ишонма: орага дўст кўринган бириси кирмасдан...

Интернетдан

❄️🍃🌸https://t.me/ulug_el

🌴🌴🌴🌴🌴🌴🌴🌴🌴🌴

**Ёш йигит Каъбада туриб фақат: "Эй тўғриларнинг, ҳаромдан ҳазар қилган бандаларининг ёрдамчиси — Аллоҳим, Сенга ҳамду санолар бўлсин!" — дея такрорларди. Ёнидаги кишилардан бири ҳайратланиб сўради:
— Биродар, нега фақат 1 та жумлани қайтаряпсиз, бошқа сўрайдиган тилагингиз йўқми? Йигит бирпас жим тургач, ўз ҳолатига шундай изоҳ берди:
— Бундан 7-8 йил олдин ҳам зиёратга келганимда, Каъбадан минг тилла танга солинган ҳамён топиб олдим. Ичимда васваса бошланди: "Олтинларни олу чўнтагингга сол. Энди улар сеники, истаганингча сарфласанг бўлади". Лекин бу гаплар шайтондан эканлигини ўз-ўзимга уқтирдим.

Шу асно "Ҳамёнимни йўқотдим, топиб олган борми?" деган овоз эшитилди. Ҳалиги одамдан ҳамённинг таърифини, ичида қанча пул бўлганлигини сўрадим. Гапларидан ҳамён унга тегишлилиги маълум бўлди — омонатни эгасига топширдим. У менга суюнчи деб 30 тилла танга берди. Қўлимда пул билан бозорга йўл олдим ва у ерда бир асир болани мақтаб сотишаётгани устидан чиқдим. Бояги боланинг тоза - покизалиги эътиборимни тортди. Нархини сўрадим, 30 тилла эканини айтишди. Пулни бериб, асир болани сотиб олдим. Орадан бир- икки йил ўтди. Бола менга одоб ва садоқат билан хизмат қилди. Бир куни у билан бирга кетар эканмиз, қаршимиздан уч киши чиқди.

Шунда бола менга "Хожам, сизга бир сирни очай — мен Форс амирининг ўғлиман. Келаётган кишилар эса отамнинг одамлари. Улар мени сотишингизни сўрайдилар, сиз яхши одамсиз, 30 минг олтиндан камига кўнманг. Қўрқманг, улар сизга зарар етказишмайди", деди. Шундай қилиб асиримни ўттиз минг тиллага сотдим. Бу пуллар билан катта тижорат бошладим ва тез орада бойиб кетдим. Шундай кунларнинг бирида яқинларим: "Обрўли бир оиланинг қизи бор, отаси яқинда вафот этди. Сени шу қизга уйлантирмоқчимиз", деб қолишди. Мен рози бўлдим. Тўй бўлди, никоҳ кечаси келиннинг сеплари орасида бир ҳамён диққатимни тортди.

Рафиқамдан: "Бу нима?" деб сўрадим. У: "Отамнинг ҳамёнлари, ичида 970 тилла танга бор. Отам бу ҳамённи бир йили Каъбада йўқотган, топиб берган кишига 30 тангасини берган эканлар. Қолганини эса менга ҳадя қилиб, сепимга қўшганлар". Қарангки, ўшанда Каъбада мен топиб олган олтинлар аслида ҳам ризқим экан. Агар эгасига бермаганимда ҳаром йўл билан келган бўларкан. Демак, тақдирдан ўзгаси йўқ, насибдан бошқаси йўқ..**

❄️🍃🌸https://t.me/ulug_el

Худо жавоб берибди: «Чунки мен аёлни меҳр билан яратаяпман, ҳамма нарсага эътибор беришим керак. Масалан, у осон ювиладиган бўлиши керак. 200 дан ортиқ қимирлайдиган нуқтаси бўлса-да, нафис ҳаракат қиладиган бўлиши керак. Касал бўлса, ўзини ўзи даволай олиши керак. Бир кунда 18 соатлаб ишлаши керак. Унинг иккита қўли бор, лекин у бир пайтнинг ўзида ҳамма фарзандини бағрига боса олиши керак Шундай қучоқлаши керакки, боланинг ҳар қандай оғриғи ўтиб кетиши керак, бу қалб оғриги ёки бош оғриғи бўлиши мумкин».
Фаришта таъсирланиб аёлнинг олдига яқинроқ келибди, унга тегиб кўриб, «Худойим ,у жуда юмшоқ-ку!», дебди.
- «Ҳа, у жуда юмшоқ, лекин унинг кучи ва сабри жуда катта, у нозик кўрингани билан, унинг ичида қандай куч борлигини тасаввур ҳам қилолмайсан...»
- «У ўйлашни биладими?», сўрабди фаришта
- «У нафақат ўйлашни, балки бошқаларни ишонтиришни, теран фикрлашни ҳам билади», деб жавоб қайтарибди Худо.
👇👇👇

ХАНДА

Биринчи талаба иккинчи талабадан сўради:
— Сизнингча, биринчи бўлиб, қайси ваҳший жониворлар пайдо бўлган?
— Илк даврларда Ректозаврлар пайдо бўлган. У ўз заҳира манбаи қилиб Деканазаврларни чорлай бошлаган.
— Деканазаврлар нима билан озиқланган?
— Бу даврга келиб, Талабазаврлар дунёга келган. Улар бир йилда икки марта ўз бошидан оғир кунларни ўтказишган.
Бу давр Сессионлик давридир. Бу даврда кўпчилик талабалар қирилиб кетган. Фақатгина чаққон Талабазаврлар Танказаврлар орқали жон сақлаб қолишган.

❄️??https://t.me/ulug_el

Фикр қилинг...

Бир ўспирин келиб кекса Арастуга деди:
— Мени шогирдликка олинг, иккинчи Арасту бўлмоқчиман!
— Бу бўшанглигинг бўлса сендан Арасту чиқмайди, — жавоб берди унга Арасту.
— Нега бўшангсан дейсиз? Ҳали синаб кўрмадингиз-ку?
— Мен сенинг ёшингда осмонга устун бўламан дердим, аммо бор йўғи Арасту бўла олдим холос...

❄️??https://t.me/ulug_el

ҒИЙБАТ - МОВАРАУННАХРДА?

?Биздаги айрим бир (аёл дегудек бўлсак, анча ҳаққимиз кетиб қолади) хотинлар (аслида “хотин” атамаси қадимий сўғдий тилида “малика” маъносини билдиради) ҳамда “эркаклар” суҳбатининг айнан 95 фоизи ўзга кишиларни ғийбат қилишга, уларнинг нималарни егани, нималар дегани, ва нималарни кийгани таъриф-тавсифига сарфланади.

Ўзи ҳақидаги мулоқотнинг 5 фоизи ҳам нималарни егани-ичгани ҳамда қандай анвойи либосларни кийгани хусусида бўлади.

Шу сабабли ҳам бундан 1000 йиллар муқаддам кўҳна Шарқ дунёсида “Илм – Боғдодда, Бойлик – Шомда, Мурувват – Румда, Ҳикмат – Ҳиндда,
Ғийбат – Мовароуннаҳрда” деган —
биз учун ниҳоятда аччиқ, лекин ҳақли хулосага келинган экан.

❄️??https://t.me/ulug_el

Шифокорларга мавхум иккинчи бир ҳолат, беморнинг кутилмаганда бошланадиган чидаб бўлмас даражадаги кучли бош оғриғидан шикояти эди.
-Б... Бош...иш... Ё...Ёрилади... Бош...имда...ч...чироқ ёняпти. Азоб... Оҳ! Оҳ! Ўч... чиринглар! Ўч... чиринглар б...бошдаги ч...чироқни!.. дея дудуқланиб дод соларди у оғриқ бошланганда. Сўнг аъзойи бадани электр токи ургандай қалтираб, юзлари буришиб-тиришиб талвасага тушар, гавдаси каравот устида ярим газ-ярим газ юқорига отилиб-отилиб кетарди. Бу ҳол бор-йўғи бир-икки дақиқа давом этарди. Шу орада азобда тўлғанаётган бемор кимларнингдир номини айтиб чақирар, “кел” дея ялиниб-ёлворарди. Сўнг оғриқ қандай бошланган бўлса, ўшандай кутилмаганда тўхтар ва бемор ҳолсизланиб, ҳушидан айриларди.
Тоғ йўлидаги автомобиль ҳалокати юзасидан суриштирув ишлари олиб бораётган йўл-патрул хизмати ходимлари, терговчиларнинг бемор билан суҳбатлашишларига рухсат берилди. Албатта , бу ерда Тоҳир Кабировичнинг айби йўқ, аксинча у жабрланувчи эди. Ҳайдовчи эса фалокат туфайли оламдан кўз юмган. Хуллас, қисқа расмиятчиликдан сўнг бу ишга якун ясалди.
Орадан ўн-ўн беш кун вақт ўтди... Тоҳир Кабировичнинг эса кайфияти жуда тушкун, кўнгли чироқ ёқса ёришмас эди. Шифохонада якка-ёлғиз ётган маҳзун кунларда у оппоқ шифтга термулганча, нималарнидир ўйлаб, нималардандир азобланар ва шифокорлар оддий тилда “приступ” деб атайдиган ҳолларда яна худди юқоридагидек жунбушга келар, титрар, қалтирар, кимларнидир кучли овозда чақирар, ўзини ҳам шифокорларни ҳам қийнарди.

Жарга қулаётган машина эшиги илкис очилганда орқа ўриндиқда мудраётган Тоҳир Кабирович салондан отилиб чиқиб ёнбағирдаги харсанглар устига тушган, бироқ зарб жуда кучли бўлмаган эди.Харсанг устидаги икки қаричча келадиган қалин қор, Тоҳир Кабировичнинг эгнидаги қалин пўстин зарбни бироз бўлса-да юмшатганди. Ияги харсангга қаттиқ урилганда бир қатор тишлари синган, жағ суяги ёрилган, мия чайқалган. Кўкрак суяклари эзилган, мускуллар лат еганди. Бош чаноғининг чап томонидан мия қопқоғини михсимон қаттиқ жисм тешган, мия қопқоғини ярим сантиметр ёриб кирган қаттиқ, ўткир жисм миянинг ўта муҳим, бошқарув фаолиятига оид қисмларига жароҳат етказгандай эди... Ташхиснинг мужмаллиги боиси шунда эдики, қайта-қайта текширишлар натижасида ҳам бош мияда жароҳатнинг изи яққол сезилмас, лекин беморнинг руҳий ҳолати кескин ўзгарган эди.
Жонлантириш бўлимидан уни алоҳида палатага олиб чиқишди. Тоҳир Кабировичнинг боши, юзи бинт билан ўраб ташланган эсада, оёқ-қўли бутун, иситмаси тушган, қон босими меъёрида, эс-ҳуши жойида эди.
Бироқ кўзлари... Даволовчи врач ҳам унинг кўзига узоқ қарайолмас... Бу кўзлардан аллақандай совуқ, баданни тешгувчи муздай нур тараларди! Беморнинг укалари, хотини, болалари ҳам оппоқ бинтлар орасидан муз парчасидай ялтираб турган кўзларни кўриб, ортга тисланиб кетишди.
-Во, ажабо! Ахир акамнинг кўзи бунақа эмасди-ку! Шу одам акамми ўзи?!- Кичик ука аста каттаси қулоғига пичирлади... Оғиз бўшлиғидаги жароҳатлар туфайли Тоҳир Кабирович яхши гапираолмас, лекин хотини, болалари ва укаларини яхши таниб, аранг бўлса-да, улар билан ҳол-аҳвол сўрай олди.