‏ربما كان أقصى مايريده موسى - عليه السلام ناراً تضي له ظلام الليل ، أو بيتاً يضيفه في تلك الليلة الباردة : { لعلي آتيكم منها بقبس } ولكن شاء الله أن يهبه أعظم عطاء : { نودي يا موسى إني أنا ربك }
كما قيل : أنت تحلم بقمر ولا تدري أن الله قد أعد لك مجرة بنجومها .

- انت عارف إن شهر شعبان مختلف ؟!
= لا ياراجل ! .. أيوة طبعًا عارف انه مختلف ..
وعارف ان ده شهر غفلة ..
وكمان الأعمال بترفع فيه لربنا ..

- طيب بتعمل ايه بقه في شهر الغفلة ده ؟!
بص أنا عارف انك هاتقولي :
"رجب شهر البذر وشعبان شهر السقيا"
ومضى رجب وما أحسنت فيه .. والحاجات دي
صح ؟

- اه صح ..
وهقولك كمان إنك لازم عشان تستعد لموسم العتق في رمضان ..
عشان ربنا يعفو عنك وتكون من الفائزين ..
فانت محتاج تستغل شعبان لتظبيط عباداتك وأورادك وأخلاقك ..
وإلا رمضان ممكن يضيع عليك ..
وانت عارف انه "خاب وخسر من أدرك رمضان ولم يُغفر له" ..

= المشكلة إني عارف بس مش مركز وتايه ومش باخد خطوة !

- انت محتاج يا صديقي "يقظة"
تنظر لحالك وتوهانك وعدم استعدادك ..
او عدم اكتراثك لقدوم موسم زي رمضان ..
وتنزعج !!
ايوة تنزعج من نفسك وغفلتك الشديدة دي ..
وتحاسب نفسك ..
وتقف وقفة ترتب فيها أولوياتك ..

• ابن القيم بيقول :
" فأول منازل العبودية .. اليقظة ، وهي انزعاج القلب لروعةِ الانتباه من رقدة الغافلين " 💔

• يقظة القلب من الغفلة اللي هو فيها ..
هي أول منزلة في طريق العودة لربنا ..

احنا محتاجين حتة "انزعاج القلب" دي ..
إن القلب ينتفض .. وينتبه
ويتوقف ليصلح الخلل ..
قبل نهاية الطريق !

#رسايل_شعبان

شعبان دخل نعمل ايه؟؟!!

دخول شعبان معناه إنك خلاص على بعد خطوات من رمضان فلازم تستعد كويس .... هقولك شوية حاجات تستعد بيها
1️⃣ التوبة من كل ذنب ...لو بتعمل أي ذنب لازم تسيبه فورًا وتتوب منه ...ده انت في شهر رفع الأعمال
2️⃣ تاني حاجه الصياااااام
النبيﷺ كان بيصوم في شعبان أكتر من أي شهر لإنه شهر رفع الأعمال إلى الله فيرفع عملك وانت صايم
غير ان ده كمان هيسهل عليك صيام رمضان
👈 واللي عليها أيام من رمضان لسه ماصامتهاش ...تلحق تقضيها سريعا ده دين في رقبتك لازم تسديه
3️⃣الصلاة ...
طبعا انت محافظ على الفروض في وقتها جماعة للرجال وفي تول وقتها للنساء...الكلام ده طول السنة المفروض
لو مش محافظ عليهم يبقى لازم تلحق نفسك وتحافظ ده عمود الدين
في شعبان بقى ...هتزود كمان صلاة السنن ...12 ركعة سنه مؤكده النبيﷺ كان بيحافظ عليهم دايما(٢ قبل الفجر +٤ قبل الظهر +٢بعد الظهر+٢ بعد المغرب + ٢ بعد العشاء )
4️⃣ قيام الليل والوتر
ولو بركعتين بعد العشاء ..عشان تتعود عليه وماتفصلش بعد كام يوم من رمضان
5️⃣ قراءة القرآن
لو مقصر طول السنة ومش بتقرا قرآن ...في شعبان لازم تفتح مصحفك وتبدأ تقرا وتعملك كمية محددة تقرأها كل يوم وكل شوية تزودها ..عشان تقدر تثبت في رمضان
6️⃣ ركعتين ضحى
من الشروق لحد قبل الظهر ..تطلع بيهم صدقة عن كل مفاصل جسمك
7️⃣ الصدقات ...ولو بالقليل
8️⃣ من أهم الحاجات اللي لازم تعملها في شعبان ...انك تشوف الناس اللي مقاطعهم وتراضيهم...
بتكلم عن القطيعة والخصام ..مش بتكلم عن حد بتتجنب التعامل معاه بدون خصام
مهم اوي عشان تكون من المغفور لهم باذن الله في ليلة النصف من شعبان

#كاريكاتير_رسايل
#رسايل_شعبان

#بتحب_النبي ؟! (3)

واللي بيحب حد .. دايمًا بيجيب في سيرته ?
واللي بيحب النبي صلي الله عليه وسلم .. دايمًا هيفتكره ويصلي عليه ??

لو بتحب النبي حقيقي
لازم هيكون ليك ورد في الصلاة عليه ??

- صلاتك علي النبي صلي الله عليه وسلم تجارة رابحة مع الله
عن أنس بن مالك رضي الله تعالى عنه، أن النبي صلى الله عليه وسلم قال: ((من صلى عليَّ صلاةً واحدةً، صلَّى الله عليه عشرَ صلواتٍ، وحُطَّت عنه عشرُ خطيئاتٍ، ورُفعَت له عشرُ درجاتٍ))

- صلاتك علي النبي هتكون سبب ف شفاعته ليك يوم القيامة
عن عَبْدِ اللَّهِ بْنِ مَسْعُودٍ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: ((أَوْلَى النَّاسِ بِي يَوْمَ القِيَامَةِ أَكْثَرُهُمْ عَلَيَّ صَلَاةً))

- لو تكاثرت عليك الهموم وأسرفت على نفسك بالذنوب ملكش حل غير الصلاة على النبي صلي الله عليه وسلم

يقول أبي بن كعب رضي الله عنه: (( قُلْتُ: يَا رَسُولَ اللَّهِ إِنِّي أُكْثِرُ الصَّلَاةَ عَلَيْكَ فَكَمْ أَجْعَلُ لَكَ مِنْ صَلَاتِي؟ فَقَالَ: «مَا شِئْتَ». قَالَ: قُلْتُ: الرُّبُعَ، قَالَ: «مَا شِئْتَ فَإِنْ زِدْتَ فَهُوَ خَيْرٌ لَكَ»، قُلْتُ: النِّصْفَ، قَالَ: «مَا شِئْتَ، فَإِنْ زِدْتَ فَهُوَ خَيْرٌ لَكَ»، قَالَ: قُلْتُ: فَالثُّلُثَيْنِ، قَالَ: «مَا شِئْتَ، فَإِنْ زِدْتَ فَهُوَ خَيْرٌ لَكَ»، قُلْتُ: أَجْعَلُ لَكَ صَلَاتِي كُلَّهَا قَالَ: «إِذًا تُكْفَى هَمَّكَ، وَيُغْفَرُ لَكَ ذَنْبك))

كل دي أجور وأكتر منها كمان لو ليك حال في الصلاة على النبي صلي الله عليه وسلم

تيجوا كلنا نتعاهد من النهاردة نعمل ورد ذكر للصلاة على النبي ؟❤

#رسايل_في_حب_النبي

[ على منهاج النبوة (7) ]

شتم رجلٌ أبا بكر الصديق والنبي جالس ، فلم يرد أبو بكر على الرجل بشيء، فجعل ذلك النبي الله يعجب ويتبسم ..
فلما زاد الرجل في الشتائم والوقاحة، رد عليه أبو بكر بعض قوله، فغضب النبي وقام، فلحقه أبو بكر فقال له: يا رسول الله كان يشتمني وأنت جالس، فلما رددت عليه بعض قوله، غضبت وقمت ..!
فقال له النبي : «إنه كان معك ملكٌ يرد عنك، فلما رددت عليه بعض قوله، وقع الشيطان، ولم أكن لأقعد مع الشيطان»

ثم قال: «ثلاث كلهن حق ما من عبد ظلم بمظلمة فيغضي عنها لله عز وجل إلا أعز الله بها نصره وما فتح رجل باب عطية يريد بها صلة إلا زاده الله بها كثرة وما فتح رجل باب مسألة يريد بها كثرة إلا زاده الله عز وجل بها قلة
»

• إذا فشلت في رفع أحد إلى مستوى أخلاقك فلا تدعه ينجح في إنزالك إلى مستوى أخلاقه ، عندما تحارب خسيسًا بسلاحه تتساوى معه، وإن رد البذاءة بالبذاءة بذاءةٌ أيضًا ، ولو أن كل صاحب فضل نزل إلى مستوى سفيه جاء يباريه لم يبق على هذه الأرض صاحب فضل !

• ليسَ عليكِ أن تخوضَ كل معركةٍ تُفتح أمامك، ولا أن تشترك في كل جدال تُدعى إليه، ثمة معارك النصر الوحيد فيها أن لا تخوضها منذ البداية!
تجاهلْ وتغاض ، فإن التجاهل من خُلق الأنبياء :
"فأسرَّها يوسف في نفسه ولم يِبدها لهم"

#رسايل_في_حب_النبي

‏عليك أن تجتهد لآخرتك.. فلن يقرأ القرآن بعد موتك عنك أحد، ولن يصلي عنك أحد، ولن يتصدق ويدعوا دوماً عنك أحد، فأعد لتلك اللحظة عملا صالحا يجعل قبرك روضة من رياض الجنة

يا رب نسألك حسن الخاتمة

**[ ومضات من حياة النبي ﷺ (4) ]
• وفاته ﷺ :
- توفي رسول الله ﷺ يوم الاثنين الثاني عشر من شهر ربيع أول من العام الحادي عشر من الهجرة ، وله من العمر ثلاث وستون سنة .

- وكان وقت الاحتضار أن أسندته السيدة عائشة - رضي الله عنها - إليها ، وطلب أن يستاك بالسواك ، وكان يدخل يديه في الماء فيمسح بهما وجهه ويقول: "لا إله إلا الله إن للموت لسكرات " ، ثم نَصَب يده، فجعل يقول: "في الرفيق الأعلى" حتى قُبِض ومالت

- عن أنس قال: لمّا ثَقُل النبي ﷺ جعل يتغشاه الكرب، فقالت فاطمة رضي الله عنها: واكرب أبتاه. فقال: ليس على أبيك كرب بعد اليوم، فلما مات قالت: يا أبتاه، أجاب ربا دعاه! يا أبتاه، جنة الفردوس مأواه! يا أبتاه، إلى جبريل ننعاه! فلما دفن قالت فاطمة رضي الله عنها: أطابت أنفسكم أن تحثوا على رسول الله ﷺ التراب؟!

- لما توفي دخل عليه أبو بكر - رضي الله عنه - فقبله بين عينيه وقال : "طبت حياً وميتاً يا رسول الله"

- لما أدرج ﷺ في أكفانه وُضع على شفير القبر ثم دخل الناس أرسالاً يصلون عليه فوجاً فوجاً لا يؤمهم أحد ، ثم دُفن صلى الله عليه وسلم

- قال أنس - رضي الله عنه- : " لما كان اليوم الذي دخل فيه رسول الله ﷺ المدينة أضاء منها كل شيء، فلما كان اليوم الذي مات فيه أظلم منها كل شيء، وما نفضنا أيدينا من التراب إلا وقد أنكرنا قلوبنا" .

- ويختص النبي ﷺ ببعض الخصائص مما يتعلق بوفاته منها :
أنه يقبر حيث يموت، وأن الأرض لا تأكل جسده، قال –صلى الله عليه وسلم-: (إن الله حرم على الأرض أن تأكل أجساد الأنبياء) رواه أبو داود وصححه الألباني.#رسايل_في_حب_النبي ﷺ**#رسايل

#قرآن_الصباح
#الشيخ_البنا