تعال ومر علي حته لو رمضان
اشوفك عيد كبل العيد وافطر
حتى صيامي يفرق عن الاسلام
حسب جيتك يجوز يطول اشهر
تعال شعطلك ما جيتني شبيك؟
انا وبينات وشارعنا ننطر
كل ساعة اطلع اسمع صوت ع الباب
ثاري الباب ضل بروحه يسطر

اريد انسانه تفهمني
اريد انسانه من اتاذه
وابجي هواي ماتسئلني تشبكني
احن من امي اليه تصير
وتضمني بكلبها وماتمل مني
وكون احساسها من صدك يوصلني
من اتعب تنتجيلي من ابجي تغنيلي
من اتمرض بحبها تداويني
بين عيونها تحطني
واحطنها بوسط عيني
اريد انسانه ماتتكبر وتنغر
اريد انسانه عدها العشك خط احمر
تلزم ايدي اذا شايب ارد واصغر
اريد انسانه من ابتعد عنها سبوع
تتفطر

وبعد ما اكتب عليج
وكمت امسح بالقصايد
وكل صورج شككتهن
حالهن حال الكواغد
وحتى لو تلكين غيري
انهَ ميعوضني واحد

من تمرنه بيوم مرنه بطيب
لتمرنه بجرح ما ننشفي منه
لتمرنه بحزن كل ليله نصب دموع تره المرنه قبل يكفي ويوفي

من تنعزل عنهم لأن
ماتعرف حساسِك شنو
لاضاِيج وِلا فرحان
مَحد مزعلك بالبشر
بَس ليش كلبك زعلان؟
يردون منكِ اجوبه
متغير ومهمل صرت
بَس بالأخير انتَ انسان!
تِحتاج روحك تبتعد
كِل ماكِبر حجم الحرك
يِسافر بعِيد الدخان