أشد أحـروفهن وعگدهــــن أنعگدن
ويتبده الورد مـــن كل كتر يحچن...
ويلملم ضــواه الفرح مــــــثل الماي
وأيام السنه المافرحـــــن أيفرحن...
لحد مــافتشت بيهن وشـــفت العيد
وحروف الشعــــر مــاقبلن أيگعدن...
وتوضيت بعلي وبين بشعري الحيل
وبمولــد الباقــــر گامــــــــن أيأذنن...
وخضر شوفي كلش والسمار أنشال
وبمولد الهـادي أتحـــزمـــــن فزعن...
وصليت أبفرح حدمالگيت الشيب
بحروف الشعر وبراسي هــم طلعن...
ولتمن وراحـــــــــت بالهن موجـود
وبهاي الولاده شگد حــــــزم شدن...
الدعاء الفرج من شدن حزمهن زين
وعجل يابوصـــــالح سيدي يدعن...

مبارك لنا ولكم ولادة الأمام الباقر،،ع،،
والأمام الهادي،،ع،،نسئل من الله أن يمن علينا بالتوفيق لخدمة محمدوآل محمد.

✍️أبوحسين السرگودي...?️?️?️

سرفنن عالخد ردنهن..يم علي الهادي
أدموعنه وطوح ظعنهن..يم علي الهادي
والجرح يتحزم•••حتى نروي المئتم
يم علي الهادي???يم علي الهادي

°°°°°°°°°°°°°°°°°°°°°°°°°°°°°°°°°°°°°°°°°
أنسرفن اردان المدامع لأن نهوه الحظره
ومايبس على الخد أثرهن عاش مثل الجمره
ونوگف ونلگه بجرحنه أتعيشلك چم ذكره
وحگ أحرورة مصابك بينه عايش تقره

المجلس اليجمع شملهن..يم علي الهادي
أدموعنه وطوح ظعنهن..يم علي الهادي
بنفس سمك ننسم•••حتى نروي المئتم
يم علي الهادي ???يم علي الهادي
°°°°°°°°°°°°°°°°°°°°°°°°°°°°°°°°°°°°°°°°°
وحنه متكضنه المسافه أبكل وگت نتعنه
ياجرح وضا صموده وعاش مثل الجنه
أنلثم أوجوه الحوائج من نجيك بمحنه
لأن يومك نار يوگف كربلائي الونه

والجروح أيزيد ونهن..يم علي الهادي
أدموعنه وطوح ظعنهن..يم علي الهادي
ياهوه الله الينشم•••حتى نروي المئتم
يم علي الهادي ???يم علي الهادي
°°°°°°°°°°°°°°°°°°°°°°°°°°°°°°°°°°°°°°°°°
نعيش غربت چف ضريحك من نشوف الگبه
نطيح مثل أخيام عمتك وحگ حزن الكعبه
لبست أسود بس عليكم هم تعيش أبغربه
وتفرح أبكلمن يصلي وگصته تهوه التربه

والترب بيكم نشمهن..يم علي الهادي
أدموعنه وطوح ظعنهن..يم علي الهادي
ودم ضواكم سلم•••حتى نروي المئتم
يم علي الهادي ???يم علي الهادي
°°°°°°°°°°°°°°°°°°°°°°°°°°°°°°°°°°°°°°°°°
وحنه كل أزياره يمكم والعزه ظل عامر
ياجرحنه اليم مصابك ما عرف يكابر
الهسه متحزمهه أبالمهه أبصحنك المنابر
وچفوف عمك أبو الغيره بحضرتك مناير

الشيعي بس هوه العرفهن..يم علي الهادي
أدموعنه وطوح ظعنهن..يم علي الهادي
والنضرهن ينعم•••حتى نروي المئتم
يم علي الهادي ???يم علي الهادي
°°°°°°°°°°°°°°°°°°°°°°°°°°°°°°°°°°°°°°°°°
وهاي خدمه وكل عمرنه أنعيش بس مانلگه
مثل هاي الخدمه نعشگ ياضوانه وعشگه
حتى جفن العين يوگف مانريد أنطبگه
يدري عدنه عيون ألكم ماتحب الفرگه

والصور يبقى رسمهن ..ياعلي الهادي
أدموعنه وطوح ظعنهن..ياعلي الهادي
وعشنه بيكم ننعم•••حتى نروي المئتم
ياعلي الهادي ???ياعلي الهادي
°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت،،ع،،
أبوحسين السرگودي...???

قال الأمام علي الهادي،،ع،،
?الجاهل أسير لسانه?
•••
هاي  دنيه  وبيهه  فك  باب الرهان
وصير واعي ومو أسير أبهل ألسان
•••
الجاهل أيئسره  لسانه أبكل  ضرف
والأمام   الهادي   وصف   هالوصف
وهذا  قول  وأنت  فسر  كل  حرف

ورتل أفعالك سور هذا الزمان
•••
لا.. أتخلي  أفكارك  أيغطيهه ضل
وعيش حلمك حتى تعرف تكتمل
ولا.. تعاملهم   مثل   أهل   المثل

حتى تشتم رحمة الله أبكل أذان
•••
خلي   دينك  يكبر  ويسمه  دين
وبضواك  أخلاقك أتصفن اليقين
علم  ألسانك تعيش  بروحه عين

مو أتسير نسمه بچفوف الدخان
•••
وبذكر صــــاحب القول النحچي  بيه
أوبسمــــه يتيــمـــــم ألسانه اليعتنيه
كون يتعاهــــــــــد مـــثل لطمة  أديه

العاهدت صدره بمجالسهم بيان
•••
كون  تتعاهد  لسنه  أبكل  دعــاء
ذكر  أبوصالح  يرف مثل  اللــواء
والله  مايحرمنه من  هذا العــزاء

وبعزاء حسين يرزقهن مكان
•••
خادم أهل البيت،،ع،،
أبوحسين السرگودي...?️?️?️

لسان حال مولاتي السيدة زينب،،ع،،
•••
#قصيدة_صوت_أمي_

•••
يايمه يايمه فاطمه يايمه
•••
أحـومن والجــرح بالباب أشوفنه
وشوف أثر دمـچ لگط چن حـــنه
وطـوفــــن وگعتچ وعيوني تدنه
العتبت بابنه وبيه انه ألــــف ونه
يايمه يايمه أمالمه يايمه
يايمه يايمه فاطمه يايمه
•••
وطب للبيت ولگه البيت مترادي
ثچيل أفراگچ وتوه الألـــــم بادي
وشيلمه الجرح لوطوح الحـــادي
يبضعه وبيچ نشتم ريحة الهادي
يايمه يايمه أبياسمه يايمه
يايمه يايمه فاطمــه يايمه
•••
زغيره والدمــــع مـافارگ أرداني
اوحشة بيتنه اتبين حــــزن ثاني
ادور والوجــــــع يم كل كتر باني
خيم واليل فرهد ضحكت اخواني
يايمه يايمه املثمه يايمه
يايمه يايمه فاطمة يايمه
•••
اوين التفت توگف صــــــورتچ يمي
وجرح فرگاچ إحسه أمحزم أبأسمي
بنفس النعش شالـــو چثتچ وحلمي
غريبه الدنيه اذا مـابيهه صوت أمي
يايمه يايمه أمحزمه يايمه
يايمه يايمه فاطمــة يايمه
•••
كل مـــــاشم بخورچ روحي تتعذب
أشوفـچ والگبر مـــــثل الهوه يگرب
وجيچ أبلهفت ألــــي أيدور ويتعب
ويفز كل ضوه بيچ أيصيح يازينب
يايمه يايمه أميتمه يايمه
يايمه يايمه فاطمة يايمه
•••
خادم أهل البيت،،ع،،
أبوحسين السرگودي...?️?️?️

نعي لسيدة الزهراء،،ع،،لسان حال السيدة زينب،،ع،،
•••
أشـــد أكوارهـــه روحي وأحشمهه
شلون أتعيش گلي الفارگت أمـــهه
وأنه أسنيني كلهن شيبه من همهه
مـيته أمـــــي ودعائي ربي سلمهه
ودمعتي أتطيح وتسلم عليهه°°
الظلع مكسور بين من حچيهه°°
•••
يالشايل نعـــشهه وين مــــنواها
ردت أشبــع أمسامـر كون وياها
أمــــي الغاليه الماأنســه ملگاهـا
مشت وظلوعهه تلچم أبممشاها
مشت والبيت حافظ كل مشيهه°°
الظلع مـكسور بين مــن حچيهه°°

خادم اهل البيت،،ع،،
أبوحسين السرگودي...?️?️?️

•••
عن قصة البتول••ها يا ترى أشأگول
كسرو ضـلع طفو شمـــــع ياسيدي
ذبحـو طفل انحسبه عدل ياسيدي
           ها يا ترى أشأگول
•••
الگلب يسئل عـــلى المقتل يبو الشيمه يغايبنه
الحزن يشتد ولبسنه أسود حـزن خيمه يوالمنه
الحقدامـــره اجـــــــه بكبره مثل غيمه  يعذبنه
الحقــد أشر الضلــــع يكسر وكبر ضيمه يألمنه

ياچف گدر ينول•••ها يا ترى أشأگول
كسرو ضلع طفـــو شـمع ياسيدي
عدهم سهل صارت قبل ياسيدي
            ها يا ترى أشأگول
•••
الكسر جمره على الزهره الهجــــم وينه نسائلهــم
أجــه بفتوه القتل نزوه قــــــــــبلْ دينه بتعاملهـم
وصل بابك وعــلى إعتابك حـــــقدطينه يسيرهم
الضرب فاطم ألـــــه أتحاكم السمه أدينه تعاقبهـم

وماي الگصص خجول°°°هــا يا ترى أشأگول
كسرو ضلع طفو شمـــع ياسيدي
أباب العدل مال الحمل ياسيدي   
       ها يا ترى أشأگول
•••
وگــع منهـــا جنين ألهــــا علي  باجـــــر يأگدهــــا
الأجو كلهم علم عدهم العـــــــذر ذاكر مشاهدهــا
الصبر ألكم دوه عدكــم الزمـــــــــن داير يأدهــــا
الدفن جرحه بسمه صبحه وعدل ناشر سواعدهــا

وللحگ ترى أصول°°°ها يا ترى أشأگول
كسرو ضلع طفو شمع ياسيدي
راية شمل باچـــر تهل ياسيدي
   ها يا ترى أشأگول
•••
تهل أنت وهلــــــــه ابهلتـه نضـل نهـــــتف ياالمشكر
وتسل سيفك علـــــى كيفك الدمع ينزف نزف منحر
وترد حگك وسبـي اهلــــك النصر موقــف يذل الشر
وتادب أسمه الحچه بكلمه الحچي يعـرف على المنبر

وتحــــرر العقول°°°ها يا ترى أشأگول
كسرو ضلـع طفو شمع ياسيدي
الحسبو سهل مايكتمل ياسيدي
      ها يا ترى أشأكول
•••
البري عدهم عمرجدهم بسقيفتهم على المذبح
الضــــلع كسره شنو أيجبره برسالتهم منو اليربح
الوجــــع بينه وتاذينه بقيادتهـــــــــم منو الاصلح
يذبحـونه ويحــرگونه بمشيأتهــــــم سبي يسمح

الشكك ترى مسؤول°°°ها يا ترى أشأگول
كسرو ضلع طفو شمـــــــع ياسيدي
الباطل طفل والحگ عقل ياسيدي
        ها يا ترى أشأگول
•••
خادم آهل البيت،،ع،،
أبوحسين السرگودي...

#يافاطمه.
•••
علي أيحزم علي وينخاه صبره ياعلي صبره
خلـف الباب ام حـسين وأسمــع لظلع كسره
•••
وجع غيرك تعيشه آتموت بس أنت عدل واجف
تتبده أعله حيلك نار  ويحــرگك حچي الشايف
ترجف رجفت الفنجان علــى الحبيته أذا خايف
للينجرح دمــــع العين يضمد كل  جــــرح نازف

ويلملم بگايه الحيل ويعرف بالگلب جمره
خلف الباب أم حسين واسمع لظلع كسره
•••
وانه المنكتل والبير يعـــــــــرف شنهي سالفتي
أضم أدموعي وسط الماي البير أمـأنه عاطفتي
أدموعي آمنگبه آمنطيح يروحي ياألــــم شفتي
بعدني بدفنت الزهراء ولحيتي ابسرعه شيبتي

والدافن عزيز اليل يخنگ واهسه بحسره
خلف الباب ام حسين واسمع لظلع كسره

•••
بكل نضره ألي بالبيت أشوفن جــــرحـــي يبرالي
بعتبت بابي ألوح الگاع وخلفلله علــــــى أخيالي
يكضني وانه حيلي أيموت موتت غالــي يم غالي
وأگومن وانتچي اعله الباب چـني أملاگي چتالي

وبكل خطوه حيلي أيصيح عونچ فاطمة الزهره
خــــــلف الباب أم حــسين واسمـــع لظلع كسره
•••
آمن أطب البيت بيه أيدور وگتي ودمعي يتبده
أشوف الحسن آبلاصــوت يبچي ودمعته بخده
وشوف حسين گام وطاح تثگل حيرته الوحـده
وزغيره زينب اعلــــه الأخ وفگد الأم ترى شده

حياة الجرح يم ملچوم وجع روحك ترى ايفسره
خلف الباب أم حـــــسين وأسمـــع لظلع كسره
•••
بيت النفس چـــان البيه تشمه وتستلذ روحك
هسه الحزن عــم البيت وأنت أمحزم ابنوحك
وأنت ابياكتر ترتاچ تخــــــاف أتفزز اجروحك
وأنت أبهــاي مدري أبذيچ تحذر كلش ابوحك

تضم الآخ فوگ الآخ مثل ألي يضم ذكره
خلف الباب أم حسين وأسمع لظلع كسره
•••
قصتي قصه ويه الباب كل مـــــــاشــــــوفه يتكرر
كسر الظلـع والبسمار الخلــــــــه أحــــلامي تتكسر
الخلاني أريد الموت بعــــــــد الزهره كلشي أخسر
وعلي أيحزم علـي ضليت وكل لحظه الجرح يكبر

يم كل أباب أحس بالنار وروحي التنعصر عصره
خلـــــف الباب أم حـسين وأسمــــــع لظلع كسره
•••
خادم آهل البيت،،ع،،
أبوحسين السرگودي...

ياصاحب الزمان.
•••
دورت السمـــــــــه واليل عنك والحچي أتبده
يبو صـــــــــالح يعينك كون الله بشدتك شده
يمته؟؟ وأستحي امن الأخ تلچمك كلمة المده
واهل الشام نفـــس الشام نزيز احقادهم بعده
جرحنه مانقيسه اوياك شعده السولف اشعنده
المهــم سالـم اشعدنه أنموت يبن المابرد وعده
بس خلــينه نبچي اوياك لحـــسين الدمع وده
•••
خادمكم
أبوحسين السرگودي...

أضع بين ايديكم نعي ورثاء لزعيم المقاومه الشريفه ملاحضه النعي متعدد الاوزان.
•••

شيبيت الادمـــوع بعــــــــــــيونه شيبيت الادموع
وكل ساع الاظلوع يطگهن كسر كل ساع الاظلوع
شوصار مگطوع درب الحچي شوصــــار مگطوع
وتبدت العين ويه الخـــــــــــــــــبر وتبدت العين
چـن يوم الحسين عشنه الجرح چن يوم الحسين
وهالفرع الدين بيومك صـــــــدگ هالفرع الدين
…
يسيد حـــسن وين أتريد واحـزام الحرب توه
شديته وزرعـــت الخوف بصدور العدو عبوه
قالقهم قلـــق مــــــــولاي تگوه تفگتك تگوه
تطگهم والقـدس وياك صاحت طگتك تسوه
هسه القدس بيها اليل آشد من قسوة القسوه
ليلة وحشه بيها اليوم وحـــزنت قبة الصخره
وملتويه عليك الگاع لـــــويت منكسر ضهره
لو ميتين گبلك كون المــــــيت ينقبل عذره
انت والمشه وياك فرحه الفــــرحت الزهره
صدگ ادبتو اسرائيل وعلي بعقولكم شذره
•••
كون اليموت ايمــــوت هـسه
ولا ينذبح بالخـــــوف حــسه
حلـــوه الشهاده أتگول عرسه
للموت مـــــــــــتعني ويريده
وشبعت بچي حتى القصيده
يومك ثچيل اوبيه مــــچيده
وشحالـــــــه المشعيله واحد
مثلك شهـــــــم والنوب قائد
ياابو الكل واحــــــــد مجاهد
نرثيـــــك بيش اليوم نرثيك
ونلچم لو مــــــــرانه طاريك
ولصور نركض من نحاچيك
•••
گوم گوم والـــــــغاره دگت ياشهم گوم
گوم گوم والفزعه تـــعرف بيك جيدوم
گوم گوم بيومـك ترى أتگبعنه الاهموم
گوم گوم ولبست احبابك سود الاهدوم
•••
ماننساك لا واليل والراحـــــــــــــــــت سبي بهزل
ودمعنه اعليك گام اينوح مقـــــــتل يقره بالمقتل
يالملبس الشجاعه أعگال زلمـــــــه وقاتلت محتل
رحت بس روحت النعناع عطرك هم وگف عالتل
حسين ابراسك انت ايعيش امـــودع بالله يمعدل
•••
ابوحسين السرگودي...

ياسعيد ابن جبير___ياسعيد ابن جبير
•••
راسك للذبح يترتل ابرمــــــــــــحك
چبير ومــــــابرد مثل الجمر جرحك
گطعو راسك وخضر شمـس صبحك
وتفرهد رايهم وعـــيونك أتصلي
•••
تفرهــد رايهـــــم يمحــــــزم الشيمه
أنت أشرتلت شـوكل حـــــرف خيمه
أضن لحسين مجلس نحرك أيجيمه
واليقره لحسين أيكون مـــــتعلي
•••
قريت ودمـــــــعتك تتوضه بالعبره
وماتنسه الحــــسين أمعاهد الزهره
يذبحونك ونحــــرك بس نعي يقره
زحمه ايشوفني حسين انه متخلي
•••
شلون أتخله عنه وعن خدمته شلون
وانه الرمـــح هــوه الصار اليه أمتون
واگــــــف والذبــح رديتله أنت أتهون
اذا مــــو للحــــسين أبدنيتك شلي
•••
وِبزغ گبرك نهــــــــار وبيومك اتوج
زيارة وهـــــــالزياره اصبحت منهج
كل عــــــام اليمرگبرك ترى ينحج
ومواكبنه اعله دربك خيرها أيدلي

•••
ومواكبنه اعلـــه دربك خضرة وادم
تتحـــــــــــزم ابغيرة العامك القادم
وتزرعلك مواقـــــــــف همة الخادم
وبياض الوجهّ بيدك گمت تشتلي
•••

•••
✍️خادم اهل البيت،،ع،،
أبوحسين السرگودي...?️?️?️