زوار جينه مشايه.. زوار نرفع الرايه
        ................
1_يلعشت بينه.. ها يغالينه..
مشي اتعنينه.. وجينه حضرتك..

بلعشك هايم.. زاير وخادم..
اتعنه يلكاظم..اتوفي شيعتك..

العشك جايبهم.. علجسر كلهم..
اتهل مدامعهم.. كلهه كصدتك..

زوار  اودكو الثايه.. زوار نرفع الرايه
    ....................
2_زحوف وفينه.. الحضرتك جينه..
اودمعته ابعينه.. الشيعي وعتنه..

ساكن ابكلبه.. يا ابو طلبه..
دنيته غربه.. وانته موطنه..

رايتي اترفرف.. كاصدك يزحف..
ودمعه ماينشف.. ابابك انحنه..

زوار واحنه وفايه.. زوار نرفع الرايه
        .................
3_لطميه شيعيه.. اضهور محنيه..
ياهوه الريه.. وجينه للصحن..

نعتني البابك.. دمع بمصابك..
نشتم اعتابك.. سيدي ونون..

احنه زوارك.. نبقه انصارك..
نوصل الدارك.. ابدمع الجفن..

زوار انعشكك اهوايه.. زوار نرفع الرايه
         ..................
4_الرايد امرادك.. كله من زادك..
تضج بغدادك..يا ابو الرضا..

مايعوفونك.. يليعشكونك..
لا مينسونك.. عهد رافضه..

اي وحك صبرك.. نكصد انصرك..
موسى يلعمرك.. بلسجن كضه..

زوار وبينه الكفايه.. زوار نرفع الرايه
        ..............
5_انته ابو الكلفات.. اتهون الشدات..
قاضي الحاجات.. وسيد العشك..

والله منعوفك.. نكصد انطوفك..
ابابك اضيوفك..والكلب يدك..

يا مبدائنه.. اوياوسيلتنه..
تسري وي دمنه.. وشوك نحترك..

زوار والك عنايه.. زوار نرفع الرايه

كلمات خادم اهل البيت
         مصطفى الغريباوي

ابهيده ويه الجنازه اولا تشيعوهه..
فوك الروس انصاره يشيلوهه..
        ..................
1_ياجناز ويه الكاظم ابهيده..
اولاتلجم اجفوفه اولا تجر كيده..
خل اتودعه الشيعه اوتبوس ايده..
اويحضر للمصاب ايجفنه اوليده..

الساده اليوم الجنازه يحملوهه..
فوك الروس انصاره يشيعوهه
           ................
2_غريبه اجنازته فوك الجسر ضلت..
اولا حضرت عمام اولا اهل ونت..
اديه الطاهره امن الكيد ونحزت..
وعليه الرافضه ملجومه ونفجعت..

الدمعه اليوم علكاظم يهملوهه..
فوك الروس انصاره يشيعوهه
        ...............
3_ياجناز اجو ناسه يحضرونه..
عزيز الروح هذا الي يعشكونه..
راح الجان بلشده يريدونه..
ياوسفه الحنين اتغمض اعيونه..

حيل اصدورهم كصدو يلطموهه..
فوك الروس انصاره يشيعوهه
          ...............
4_عله هونك يمن شيعت والينه..
نشبع شوف منه اليله خلينه..
ماتنشف عله الكاظم بواجينه..
عزيز اوحيل فكده اهواي ياذينه..

عليك اجروهم كامو يلجموهه..
فوك الروس انصاره يشيعوهه
          ...............
5_من سجن السجن وسفه كضه عمره..
شامخ ضال مابين ابد كسره..
امام الرافصه والنحلف ابصبره..
بمصابه انتعنه انواسي بلزهره..

من شوفته الشيعه لاتحرموهه..
فوك الروس انصاره يشيعوهه

     كلمات خادم اهل البيت
      مصطفى الغريباوي

شور لشهادة الامام الكاظم عليه السلام

عله الغريب اه وويلي.. عله الغريب اه واويلي
..................
1_ابسجن اضلم عشت ياسيد النور..
مثل الحسن جبدك ويلي مفطور..
بس الفرق نعشه شابع اسهام..
ونعشك عالجسر مولاي مشمور..

يبو طلبه.. اوماشفت ضوى عينك..
يبو طلبه.. ابسجن كضيتهه اسنينك
............
2_ابسلاسل كيدو جفك حرامات..
مثل ام عون والراحن والسبيات..
يشتموك ويشتموهن يمولاي..
طف سجنك ولكن ماكو خيمات..

مثل زينب.. الكيد الباقي بجفوفك..
مثل زينب.. ينوح اليذكر احروفك
.............
3_عليك اتسيل حكهه دمعة العين..
يمن كضيت عمرك بالزنازين..
يلفوك الجسر نعشك يمولاي..
ثلث تيام جنه نعش الحسين..

ثلث تيام.. نعشك باقي وشحاله..
ثلث تيام.. محد غسله اوشاله
..............
4_بعيد امن الاهل وسفه يخلونك..
وبطاموره مولايه يسجنونك..
البغضو علي جدك يا اسد بغداد..
مارحموك يالغالي ويسمونك..

عله امصابك..ماتنشف مدامعنه..
عله امصابك.. ضل اينوح واحدنه
................
5_يسابع دره يلدومك عشت بينه..
عليك اتسيل مولايه بواجينه..
واحنه ابكل رجب عالعهد تعرفنه..
مشايه الك كلنه تعنينه..

نجي نزورك.. يامولاي مشايه..
نجي انزورك.. ورفت سيدي الرايه

كلمات خادم اهل البيت
مصطفى الغريباوي

فزاعي

يمعصومه.. حكج من تونين..
عله الكضه العمر كله ابزنازين..
حكج من تونين يمعصومه
..............
1_نون وياج ها بنت الاجواد..
ويستاهل الونه باب الامراد..
يهد الحيل يومك يسد بغداد..

وكل بغداد ننصبهه صوواين..
يمعصومه حكج من تونين
...............
2_متربه اعمامته وعلجسر خلوه..
ثلث تيام جا وين اليشيعوه..
ميت والحديد ابجفه عافوه..

غريب ومات يشبه جده الحسين..
يمعصومه حكج من تونين
..............
3_بطلنه الدمع لا نهمل ادموم..
عله الجبده انمرد والطاح مسموم..
اوياج انوح يامعصومه هليوم..

الله يساعده اليفكد عزيزين..
يمعصومه حكج من تونين
............
4_كل شيعة علي صاحت ووييلاه..
شيخ الطايفه راح اوفكدناه..
يهد الحيل كلش يوجع اجفاه..

وتون وياج بمصابه النساووين..
يمعصومه حكج من تونين
..............
5_شلون ايروح ذاكه البي يحلفون..
وسف كضه العمر مولانه مسجون..
عله الروس الروافض خل يلطمون..

وخل تحضر عزا كل الموالين..
يمعصومه حكج من تونين
..............
6_ذب اعماته وصب الرضا ادموع..
ضل محني الضهر بفراكه مفجوع..
تره افراك الابو ياكل بلاضلوع..

وتعنت حضرته تمشي الملايين..
يمعصومه حكج من تونين

كلمات خادم اهل البيت
مصطفى الغريباوي

‏مقطع صوتي من مصطفى الغريباوي

نخيته وعتنيت الكاظميه..
اوماقصر ابو جفوف السخيه
................
1_الما الهن علاج ودوهنن وادم..
سهلات وعلي ويكضيهن الكاظم..
العليل اليعتني الصحنه يرد سالم..
مو حكي امن اصيحن بيك اضل هايم..

الكاظم خاليه مارد اديه..
اوماقصر ابو جفوف السخيه
..................

2_وكفت اكبال بابه ودمعتي ابخدي..
وحجيت الضامه بوصط الكلب عندي..
كتله يبو طلبه الدنيه شو ضدي..
اهمومي ثكال وانه غيرك شعندي..

حلهن كتله يامولاي اليه..
اوماقصر ابو جفوف السخيه
..................
3_الضاكت دنيته والروحه مهمومه..
كلوله تعنه الابو معصومه..
حلال الثكال ابن الوصي دومه..
وكلهه الناس ضلت تحجي بعلومه..

ابن الطاهره الزهره الزجيه..
اوماقصر ابو جفوف السخيه
.................
4_مشدوه العقل وبالي الف حسبه..
اولا ماقصرت حليتهه الصعبه..
وطن صحنك واحس ابدنيتي غربه..
الف شكرا جزيلا ها يبو طلبه..

انته الي تسهل اكبر قضيه..
ماقصر ابو جفوف السخيه
.................
5_اكصد لبو طلبه بحضرته وطوفه..
ومن اتبوس بابه جرحك اتروفه..
هذا ابن الكرم وفضاله معروفه..
اليكصد خاليه ماترجع اجفوفه..

اونعم سداد شيخ الرافضيه..
ماقصر ابو جفوف السخيه

كلمات خادم اهل البيت
مصطفى الغريباوي

قصيده لشهادة سيدتي ومولاتي فاطمة الزهراء عليها السلام

وويلاه يافاطمه.. وويلاه يافاطمه
...................
1_شيعتج بمصابج تون..
ننحب نضل طول الزمن..
ونواسي بحسين وحسن..
ونادي حماي الحمه..
وويلاه يفاطمه.. وويلاه يفاطمه
...................
2_موحكه كل شيعي انفجع..
علمحسن وكسر الضلع..
وبمصابج ايهل الدمع..
ومو دمع لا يبجي دمه..
وويلاه يفاطمه.. وويلاه يفاطمه
....................
3_اهل الضلم وسود كلب..
ضلموج وبلايه سبب..
علنو عله حيدر حرب..
اهل السقيفه الضالمه..
وويلاه يفاطمه.. وويلاه يفاطمه
.................
4_يم الحسن بمصيبتج..
نتمنه نبجي ابحضرتج..
وننصب مواكب خدمتج..
وتبجي الارض ويه السمه..
وويلاه يفاطمه.. وويلاه يفاطمه
...................
5_يم الحسن طول العمر..
علضلع نبجي المنكسر..
بلكلب يومج ضل جمر..
يلطاهره ويلعالمه..
وويلاه يفاطمه.. وويلاه يفاطمه

كلمات خادم اهل البيت
مصطفى الغريباوي

‏مقطع صوتي من مصطفى الغريباوي

شور لشهادة السيده فاطمة الزهراء عليها السلام

السلامُ على فاطمه.. السلامُ على فاطمه
...............
1_جيتج وكلي اذنوب ناديت..
ومرضاج يلزهرا تمنيت..
عن كل ملذاتي تخليت..
وطالب رضاج..

وانتي الحنينه الماتردين..
واحد لطم صدره عله حسين..
احسبيني خادم ياضوه العين..
انه النخاج..

ابخيرج اوفضلج وانتي متفشليني..
لاجئ يزهره ابخيمتج دليني..

السلامُ على فاطمه.. السلامُ على فاطمه
.............
2_لو باب ينسد يم الاطياب..
انتي التفحتيلي الف باب..
اتذكريني وتحسبين الي احساب..
شكرا الج..

يلماتركتي الرايد ايتوب..
وانه النزعته ثوب الذنوب..
من الخدم ياريت محسوب..
اوتوسلج..

غلطان والمجلسج كاصد نادم..
وبسمج يزهره انه ذاك الهايم..

السلامُ على فاطمه.. السلامُ على فاطمه
.............
3_سيدتي ماعندي غيرج..
عبدج يبت طه واسيرج..
يلشامله الوادم ابخيرج..
مولاتنا..

لاجئ العطفج يلكريمه..
يلخدمتج سوتلي قيمه..
سيدة الكون العظميه..
زهرائنا..

ائخذي بئيدي يلي متخذليني..
ما اسوه بس ابعطفج اتسويني..

السلامُ على فاطمه.. السلامُ على فاطمه
..................
4_مثل الخيم كلبي يوج نار..
وجروح بيه كلش اكبار..
اذكر ضلع بي نبت بسمار..
وابجي ونوح..

ياسيدة كل هاي الاكوان..
حزنج ابد مامر عله انسان..
يلصار دارج دار الاحزان..
وكلج جروح..

عمرج كضه يم الحسن مضلومه..
مهضومه ياسيدتي مهضومه..

السلامُ على فاطمه.. السلامُ على فاطمه
.............
5_افضالج اهوايه عله الناس..
مولاتنا ياتاج علراس..
بسمج تضل تلهج الانفاس..
يم الحسن..

لوما وجود ينمحي الخير..
يمسويه للتقدير تقدير..
دنيانه غربه نعرف اتصير..
وانتي الوطن..

الدرب النجاة اودومج ادلينه..
خدامج وانتي الي ماتنسينه..

السلامُ على فاطمه.. السلامُ على فاطمه

كلمات خادم اهل البيت
مصطفى الغريباوي