Toʻy kuni farz ibodatlarga e’tiborsiz boʻlib, ularni qazo qilishni – kuni boʻyi roʻza tutib, harom narsa bilan ogʻiz ochishga (iftorlik qilishga) oʻxshataman.

Kelin kuyov ilk kechani qazo namoz bilan boshlashi afzalmi yoki nafl namoz bilanmi? Qaysi biri goʻzalroq? Allohning bergan neʼmatiga shukr qilish kerak emasmi?!

Toʻylarda oʻzim koʻp uchratgan holat va gaplardan biri:
— Bugun toʻy endi, shunaqa boʻpturadi.
— Ulgurolmayman.
— Hozir qanaqa qilib?!
— Bu kiyimimda oʻqiyolmayman.
— Hammasini qazosini oʻqivolarman endi, Allohning oʻzi kechirsin, deb qoʻyishadi. Va boshqa shunga oʻxshash yengilgina gaplar...

Birinchi kundan Allohning haqqini ado etolmagan juftlik qanday qilib bir-birining haqqini ado eta olishi mumkin? Allohning haqqi oldida kiygan kiyimingiz, qilgan makiyajingiz-u soch turmaklaringiz hammasi bir tiyin.

Baʼzilar toʻy hashamlarda qaysidir urf-odat (bidʼat-xurofot) bajarilmay qolsa hayratlanib kerak boʻlsa asabiylashishadi, lekin ibodatga kelganda ulardan hotirjami yoʻq. Yuqoridagi yengilgina gaplar bilan qutulishadi.

Qachon tushunchalarni oʻzgartiramiz bilmadim. Alloh taolo barchamizga odamlardan yoki ularning gap soʻzlaridan emas, balki Oʻzidan qoʻrqishni nasib qilsin. Alloh barchamizni hidoyat qilsin.

@dilshod_bahrom

Chat gpt dan ramazon va unga tayyorgarlik haqida savollar bergan edim chiroyli va aniq javoblar oldim👇

Ko’r bizning ahvolimiz