الشاعر حسن لعيبي الحريشاوي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 3 Monate her
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 Woche her
لاستشهاد الامام الحسن العسكري عليه السلام
الدنيا عالت بيك مولاي شكثر
ودوم طبعك. حمد للباري وشكر
ياامامي العسكري
★★★★★
جيش انته من العباده والعلم
بصولة الايمان أبد ماتنهزم
الميمنه بيها العباده تعتصم
الميسره بيها علومك تزدحم
ناشر جيوش المعارف كل كتر
ياامامي العسكري
★★★★★
معدنك نور وعلى الظلمه سطع
الناظرك يلعسكري نادم رجع
سلسله من معرفه أتزيح البدع
جبل صبرك ماتضعضع. وانصدع
الريح متهز الجبل ماينكسر
ياامامي العسكري
★★★★★
حسين انته ابمنطقك تنطي درس
صرختك چلمة رفض لاموهمس
مايشوف الضوة الماراد الشمس
وبينت معناها من بعت النفس
الباع لله الروح حتماً ينتصر
ياامامي العسكري
★★★★★
لورحت مولاي عايفلك أثر
ناتجك نور الامام. المنتظر
عدل يمليها بعد جور وخطر
ينطوي الباطل بساعات الظفر
ياشمس منك ضهر نور البدر
ياامامي العسكري
★★★★★
ثوره تبني بلاهواده من الفكر
اسست دوله كريمه وتنتظر
عينت قائدها حازم مقتدر
انذرته للاسلام. صابر تفتخر
الكتب كلها بوصف موضوعك سطر
ياامامي العسكري
الشاعر حسن لعيبي الحريشاوي
لاستشهاد الامام الحسن العسكري عليه السلام
لفت يم داره المنيه عاشر اولاد الزچيه
ياگمر غاب بشبابه
عَذَّبْ الشيعه غيابه عاشر اولاد الزچيه
★★★★★
ماجزه ثلاثين عمره نهبوا اسنين الشباب
العسكري شگد عانى منهم عمر خلص بالعذاب
اعتقالات ورقابه وكل حرس لازمله باب
صفت ترعبهم صلاته ولويرتل بالكتاب
دوروا فرصه قريبه
افعال شرهم موعجيبه
السم على صبره إجابه
عَذَّبْ الشيعه غيابه عاشر اولاد الزچيه
★★★★★
لارقابه اتهمه چانت هذا من سابع محال
چان علموعود خايف قتل لورهن اعتقال
اسرار ال الهادي عنده صاحب الحق والكمال
هوه يملي الارض رحمه بعد كل جور وضلال
بزود يبني وبعزيمه
دولة الحق الكريمه
لهجة حسين بخطابه
عَذَّبْ الشيعه غيابه عاشر اولاد الزچيه
★★★★★
المعتمد زاد بغروره الرحمه قَلَّتْ بالظمير
وأصلا الرحمه بعيده عنه والباطن خطير
شلون يوصل للمعالي الشانه بالدنيا زغير
الشوك ميوالم الجنه وينه من شم العبير
بهلشكل رايد حياته
تگضي تعذيب وشماته
مؤلم وينزف اصوابه
عذب الشيعه غيابه عاشر اولاد الزچيه
★★★★★
هلعداوه موجديده من عهد سالف قديم
حاربوا طه وعترته وكل نهج طاهر قويم
بوجه ابوالمهدي بحقدهم خلوا الدنيا جحيم
يوم صوبهم ابعلمه اصواب حازم بلصميم
تبچي سامره وحزينه
مثل مكه والمدينه
مظلم الكون بمصابه
عذب الشيعه غيابه عاشر اولاد الزچيه
★★★★★
تنحجب شمسك امامي مو الك هذا الغروب
ناحل وچبدك تگطع من عظم جرحك تلوب
وسفه يابوالحجة تالي مهجتك بالسم تذوب
وتدعي للمهدي السلامه بأسم عَلَّام الغيوب
جروح مابيها سكون
لاتطيب ولاتهون
اي وحگ ربنا وكتابه
عذب الشيعه غيابه عاشر اولاد الزچيه
الشاعر حسن لعيبي الحريشاوي
لاستشهاد الإمام الحسن العسكرى عليه السلام ( ميمر)
نزلت اتنوح الأملاك. للعسكري ابسامره
★★★★★
وَدَّع علومه العسكري واسراره
للحجه ودموع الحزن تِجَّارَه
خايف عليه لاتنكشف اخباره
دار العلم والايمان فارگها گلبه بحسره
★★★★★
بگلبه جرح. علدين ليغيرونه
وعلمهدي لادربه العده يكشفونه
سم بالحشا چتال غَيَّر لونه
ما وصل عمره ثلاثين گصروا بالسم عمره
★★★★★
اصلاح البشر أهل الغدر يرعبهم
يوم الحسن أهل البلد ينصحهم
ضد الحكم كل نصح صار بظنهم
مرفوض ليش المفروض المن الله نازل امره
★★★★★
خطين مايتلاگن بخط واحد
درب الضلاله بدرب مؤمن عابد
حاكمهم على النور اصبح حاقد
الشوك يجرح لو شاف ورد الجنان وعطره
★★★★★علشجر حاقد من يلم احجاره
طبع الشجر ماينطي غير اثماره
هذا الإمام العسكرى وآثاره
من آثاره غصن الريحان آخر اطياب العتره
★★★★★
يا ويل حقد المعتمد واعوانه
اتمادى على آل المصطفى بطغيانه
بهذي فعلته الدين هز اركانه
واشفرق ال العباس علكسر ضلع الزهره
★★★★★
المهدي ظل ابغربته ولوعاته
شاف الدهر ماتنحزر حالاته
يوم الغفه روح الاسلام وذاته
بالسم گضه نحبه ومات لوعة افراگ ابصدره
الشاعر حسن لعيبي الحريشاوي
لاستشهاد مُسْلِمُ بْنُ عَقِيلٍ رَضِيَ اللَّهُ عَنْهُ (ملمع) بَيْن قَوْسَيْن فُصْحَى
(نبكي قَتِيل الكوفه)
(ذو المهجة الروؤفه )
(واَمسلماً وامسلمآه)
★★★★★
منْ الله كَرَامَه وَنِعْمَه
مُسْلِم سَفِيرٌ الرَّحْمَه
خَيْرٌ وَشَرَف لِلْأُمَّه
رَاح . ابصموده وَعَزْمُه
لحسين ناذر دَمه
إصْلَاح . الْجُمُوع ايْهمَه
(أهل الْهَوَى وَالْكُفْرِ )
(تسلحوا بِالْغَدْرِ . )
(وامسلماً وامسلمآه )
★★★★★
رَاح وَتحَمَل غُرْبَه
وَأَيَّام ضيج وَصَعْبَه
يدْرِي بمخاطر دَرْبَه
ميهمه تَالِي الْحَسبَه
وشلون يگضي نَحْبَه
لِلدَّيْن رَاحَةٌ گلبه
(لم يَخْش مِنْهُم حربا)
(لوقطعوه إرَبا . )
(وامسلماً وامسلمآه )
★★★★★
وَصَلَت رَسَايل كَثْرَه
مِن الگوم لَبَن الزَّهْرَه
كلنه نَسِير ابأمره
وكلنه فده للعتره
مُسْلِم گصد يَتحَرَّه
شَاف النوايا الْخَطِرَه
(ما أَخْطَر النوايا )
(كأنها الْمَنَايَا )
(وامسلماً وامسلمآه )
★★★★★
شَاف الخلگ مجْتَمعَه
وبمسعه واحد تسعه
لحَدْ النِّهَايَة اتَّبَعَه
ثاري الخلگ موطبعه
بِالشِّدَّة تَالِي اتخدعه
بِسَيْف الضَّلَال اتگطعه
(خُضَّب بِالدِّمَاء . )
(ملقى عَلَى الْغَبْرَاءِ )
(وامسلماً وامسلمآه )
★★★★★
مِنْ بَعْدِ هاي الشِّدَّه
وآلآف خَانُوا عهْدَه
بالحومه مُسْلِمٌ وَحْدَهُ
يتمنه چان وَقَصْدَه
منهو لحسين يگصده
وَعَن الْمَسِير أيردَّه
(بلوَعةِ الْحَنيْنِ)
(يبكي عَلَى الحُسينِ)
(وامسلماً وامسلمآه )
الشَّاعِر حَسَنٌ لعيبي الحريشاوي
نعي بصوت. مسلم المطيري
لشهادة مسلم بن عقيل رضي الله عنه
الناعي من وصل لأرض المدينه
ينادي وين ابوالسجاد وينه
گله حسين يلمجبل علينه
شعندك من خبر يلمعتنينه
يگله وللدمع عينه رهينه
بمسلم خانت ارجال الظغينه
مسلم بالحبال امچتفينه
ولاواحد من الوادم يعينه
لعالي القصر مسلم ماخذينه
ابوطاهر عضيدك ذابحينه
وعلى الغبره امدد عايفينه
تخوصر منكسر گلبه ولينه
للكوفه بحزن يرفع يمينه
يودع مسلم ابنوحه اوونينه
حميده تعنت العمها حزينه
يعمي والدي شومايجينه
المايسله ولاعنه سلينه
اظن عمي العساكر غادرينه
مسح دمعاتها ودمعته ابعينه
يگلها حسين يبنيتي الحنينه
يريحة فاطمة وشوفة سكينه
امگدر ياحميده اليمر بينه
اصبري وعاقبات الصبر زينه
ابوچ البطل ناذرهن اسنينه
النصرتنه ولجل مذهبه ودينه
الشاعر حسن لعيبي الحريشاوي
لاستشهاد الامام محمد الباقر عليه السلام
يابحر الفضل (وزن نصاري )
يابحر الفضل يامنبع النور
بعيوني المدامع لجلك تفور
يبو الصادق يمظلوم
اليوم الدين مهظوم
بعيوني المدامع لجلك تفور
★★★★★
يانور الهداية وشمعة الدين
ياثاني بدر من نور الحسين
لجلك كل جرح يندار جرحين
يامنهل عذب شفت الأمريين
يبوالصادق يمولاي
يبن الماشرب ماي
يوم الطف غريب وگلبه مكسور
★★★★★
كلمن حاربك وانت السلامه
مايجني ابد غير الندامه
شخصك من سطع نور الامامه
شالوا حقد عدوان الكرامه
كلمن حاربك صار
حطب ملموم للنار
وعلى الباغي النوايب لازم ادور
★★★★★
يلبطف شفت مولانا لوعات
من عدوان ماترحم وشمات
عساكر للعلم نظمت حملات
نهج حسين شامخ بيك مامات
تشهد دوم الايام
عزمك يبني الاسلام
وعلم آل النبي بكل بلد منشور
★★★★★
الطمعوا بالمناصب والإمارات
المعارف شافت من الگوم ويلات
صارت بس عناوين وشعارات
گضيت ايامك وياهم معانات
صاروا حرب للدين
گوم الذبحوا حسين
أمية بچفها صار الدين منحور
★★★★★
ينعاك الشرع والدين مولاي
ياطيب عهد للخلگ وفاي
الناس بدون رايك مالهم راي
بيك الموت عنهم صار حداي
الصادق عاش الايام
بعدك حزن وآلام
گلبه من القهر واللوعه مفطور
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية?.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك ??.
التواصل مع @ahmed_alziwar0
قناة خاصة بتلحين القصائد
https://t.me/+PZwpTt2HLXcvUQZh
------------------------------------------------------
بمناسبة استشهاد الامام
محمد الباقر عليه السلام
چم محنه شفت ياسيدي الباقر
على بلوه زمانك والقدر. صابر
يقيت بدمع ساچب
على فراگ الحبايب
على بلوه زمانك والقدر صابر
★★★★★ شسولف علمصايب من اعددهن
عليك بكربله من اتوالمن كلهن
سهام الماخطه جدك سهم منهن
لفن بالموت غير الموت ماعدهن
اخذ عمرك كدرها
يهد أجبال اثرها
على بلوه زمانك والقدر صابر
★★★★★ سودأيام مرت مامثلها ايام
من اهل الضلاله ولوعة ألحكام
لگيت سيوف شرهم تذبح الاسلام
ولگيت اعياد من طف كربله للشام
شفت اهلك ضحايه
وشفت ضعن السبايه
على بلوه زمانك والقدر صابر
★★★★★
سلامي عليك يانور وضوه الگمره
يافخر الهواشم باقر العتره
حبنه عن علوم ومبدء وفطره
بمكان السيف علمك علظلم ثوره
اوضاع الماردتها
ابعلمك غيرتها
على بلوه زمانك والقدر صابر
★★★★★سلامي أعليك امام الخير والتقوه
ياحجه على اهل الدنيا ياصفوه
بلغت النصح وأصبرت علبلوه
فهمت البشر هلدنيه ماتسوه
بدون الله وكتابه
واهل بيت النجابه
على بلوه زمانك والقدر صابر
★★★★★ الله للامامة اختارك وخلاك
يلي نطيت ربك ميزك ونطاك
دنياهم مثلها تصوروا دنياك
وياهم مارحت همه الاجو وياك
صرت قطب الهدايه
وتحديت الرزايا
على بلوه زمانك والقدر صابر
الشاعر حسن لعيبي الحريشاوي
قريبا يم نشر برنامج محرم
لاتفوت فرصة الاشتراك بالقناة
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 3 Monate her
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 Woche her