چەواشەی ئەوین

شیعر : جەلال مەلەکشا
خوێندنەوەی دەق : فەرەیدوون ئەرشەدی

مۆنتاژ : Hamed Resh

رۆژهەڵاتی ترین چاو !

فەرەیدوون ئەرشەدی

ئێواران
قاوەییەکی کاڵ،
بە کاتی کازییوە
خۆڵەمێشیی .

مانگ هەبێ
ئابنووسین،
خۆرەتاو لێی بدات
بەڕوویی .

بە گەواهیی ساتەکان،
چاوت،
رۆژهەڵاتی ترین چاوە !

ئاشقانە بڕوانی،
هەنگوینە
دەتکێتە سەر برینی بێ دەرمان .

بێ بەزییانە بڕوانی،
ئاوازێکە
لە قەتران .

وێنەگر : سەیوان فتووحی

https://t.me/Faridoon_Arshadi

بە بەر چاوی ماسیگرە سەرخۆشەکانەوە .

فەرەیدوون ئەرشەدی

بزر دەبم
بە بەر چاوی ماسیگرە سەرخۆشەکانەوە،
لە تاریکترین پڵاسەکانی خەون دا .

دەخوشێم بە ئێوارەی خامۆش دا،
/نینۆکی پڵینگێکی دڵتەنگ/
تا گۆنای مانگی تاریک .

هەڵدەدرێتەوە لاپەڕەی ئاو
لە کتێبی بەرد،
تا ئەوپەڕی تینوویەتیم ،
گەرچی درەنگ .

دەملاوێننەوە بێ سەمەر،
کە دەنگێک بووم رەنگە
لە کۆتایی شێوازیدا،
گۆارایی کانییەک
لە ژێر هەرەسی لووتکەکان دا .

چەمەڕای ئاوابوونی خۆمم،
/ئەستێرەیەکی بێ دەرەتان/
کە نادرەوشێتەوە بەسەر شانی هیچ سۆزێکەوە،
بە سەرپەنجەی دەفژەنانیشەوە !

https://t.me/Faridoon_Arshadi

شەڕ،هیچ گرێیەک ناکاتەوە

فەرەیدوون ئەرشەدی

شەڕ
چڕنۆک لە گۆنای ئاو دەگرێ،
نان دەکات بە بەرد،
دەمارەکان دەشڵەژێنێ
رەنگێکی تر دەدات بە خوێن .

شەڕ
هیچ گرێیەک
ناکاتەوە !
ئادرێسی ماڵی یار دەگۆڕێ،
باوکە شەڕەنگێزەکان پیرتر دەکات
ئاگر بە جەرگی دایکانەوە دەنێ .

https://t.me/Faridoon_Arshadi

لە بن دارمازووەکان دا بۆت دەگەڕێم .

فەرەیدوون ئەرشەدی

دەنگێک نەبوو،
لەرینەوەی سێبەری باڵایەک نەبێ .

شوێن پێیەک نەبوو،
تەنیا گوڵاڵەی هەنگاوێک
بە بناری بێدەنگییەوە .

چرایەک نەدەترووسکا،
جگە بریسکەی چاوی جاسوسێک
لە ژێر پردی نەنوستوو دا .

هەواڵت لە هێشووی قەزوان دەپرسم،
لە ئازاترین فەریکە گوێز،
لە گڤەی ژێر باڵی بازەکەی کۆساڵان .

لە بن دارمازووەکاندا بۆت دەگەڕێم،
لە بنجکی ڕێواس و
لە خەیاڵی شیلانێکی شەرمن دا .

پردەکان وەک جاران
پرد نین .

ئەوینی چ ژیانەوەیەک پەلکێشی کردی
چ خەونێک بەرەو دەسڕێژی بردی؟
لە نەورۆزی سەرشاخانەوە
کە چۆپیت بە بڵێسە دەگرت
بە هەموو بوونتەوە مردی،
مردی تا ژیان ببووژینیتەوە .

پردەکان وەک جاران
پرد نین،
داون، کەمینن !

بە بن سەوڵەکاندا دەگوزەرای
لە نێوان بوون و نەبوون دا
رێگەیەکی تر نەبوو،
ڕێچکەی خوێنێکی گەنج نەبێ .

بۆچی دەبێ خوێنت
تفەنگەکان بالا بەرزتر بکات؟
لە بەر چی مردنت
جوانی بدات بە چاوی نێرگێز،
دلێری ببەخشتێتە پیادەڕەوەکانی شار،
هیوا بباتە کارگەکانی رەنج !؟

ژیانی خۆت بوو ئەو پردەی پێی دا ڕۆیشتی،
یا پاراستنی دڵە هەنارییەکەت؟!

سەر بە ماڵی بەفرا ئەکەم،
بڵێسەی چاوت
لە پێکەنینی چلوورەدا
دەلەرێتەوە .
یەخەی با دەگرم ،
سەرخەوت لە تۆفان دا شکاندووە .

فڕینێکی فڕیوی
بێ پەروا،
بێ کۆتایی .

لە خوێنی خۆت پەریتەوە،
بەڵام
پردەکانی وڵات
وەکوو جاران پرد نەبوون،
کەمین بوون !

لە سێبەری زناران دا بۆت دەگەڕێم و
تۆ،
شقارتە بە شەوی شارەوە دەنێی،
ڕۆژنامەی خۆر
لە کۆڵانە نیوە تاریکەکان دا
بڵاو دەکەیتەوە .
ڕەنگێک دەدەی لە بەربەیان،
ڕەنگێکی
لەمێژە نەبینراو .

چ بوو کە نەگەڕایتەوە؟!
پردەکان ئیتر وەک جاران پرد نەبوون
یا ئاسێ بوونت لە ژیانی نێو خۆڵەمێش؟
دەتویست
ڕێچکەی کوێرەبووی ڕووناکی بشکێنی!؟.

لە مەودای نێوان ژیان و مردن دا
بۆت دەگەڕێم،
وەک ئەوەی بۆ لقێک لە ڕووناکی دەگەڕێم .

وێنەی شەهید " کاوە جەوانمەرد "

لە بن دارمازووەکان دا بۆت دەگەڕێم .

فەرەیدوون ئەرشەدی

دەنگێک نەبوو،
لەرینەوەی سێبەری باڵایەک نەبێ .

شوێن پێیەک نەبوو،
تەنیا گوڵاڵەی هەنگاوێک
بە بناری بێدەنگییەوە .

چرایەک نەدەترووسکا،
جگە بریسکەی چاوی جاسوسێک
لە ژێر پردی نەنوستوو دا .

هەواڵت لە هێشووی قەزوان دەپرسم،
لە ئازاترین فەریکە گوێز،
لە گڤەی ژێر باڵی بازەکەی کۆساڵان .

لە بن دارمازووەکاندا بۆت دەگەڕێم،
لە بنجکی ڕێواس و
لە خەیاڵی شیلانێکی شەرمن دا .

پردەکان وەک جاران
پرد نین .

ئەوینی چ ژیانەوەیەک پەلکێشی کردی
چ خەونێک بەرەو دەسڕێژی بردی؟
لە نەورۆزی سەرشاخانەوە
کە چۆپیت بە بڵێسە دەگرت
بە هەموو بوونتەوە مردی،
مردی تا ژیان ببووژینیتەوە .

پردەکان وەک جاران
پرد نین،
داون، کەمینن !

بە بن سەوڵەکاندا دەگوزەرای
لە نێوان بوون و نەبوون دا
رێگەیەکی تر نەبوو،
ڕێچکەی خوێنێکی گەنج نەبێ .

بۆچی دەبێ خوێنت
تفەنگەکان بالا بەرزتر بکات؟
لە بەر چی مردنت
جوانی بدات بە چاوی نێرگێز،
دلێری ببەخشتێتە پیادەڕەوەکانی شار،
هیوا بباتە کارگەکانی رەنج !؟

ژیانی خۆت بوو ئەو پردەی پێی دا ڕۆیشتی،
یا پاراستنی دڵ هەنارییەکەت
…
….

لە ڕێگای دژواری هەرمان دا
سەرت بەرز .
لە رەنجی رزگاری وەتەن دا
چۆپی کێش .

دەتگرینە باوەشمان
بە هەموو ئازار و خەونتەوە،
من و خاک .

لەسەر رێی کۆچت دا
بێدەنگی رادەگرین
من و ئاو .

بۆ دۆست و هاوڕێم کاک مەسعود فەریقی

فەرەیدوون ئەرشەدی

حەوت ساڵ لەمەبەر :
خەڵاتی یەکەمی شیعر بۆ کتێبی " بەرد"، لە لایەن یەکەمین دەوری خەڵاتی نێونەتەوەیی کتێبی کورد:
( خەڵاتی ئیبراهیم یونسی) .

بەداخەوە ڕێکخەر و چالاکانی ( خەڵاتی ئیبراهیم یونسی) لەبەر هەندێ هۆکاری نادیار، بۆیان نەکرا لە کارە بەنرخەکەیاندا بەردەوام بن .

https://t.me/Faridoon_Arshadi