محفل ولادة الأقمار المحمدية
👇👇👇👇

صارت صدك يابو الوفه رايح يوفاي
عايفني يايمه الولد وانه انظرك جاي
        هاك استمع .. ون الدمع
      رايح يوفاي .. رايح يوفاي
-------------------------
انظر دمعتي اعلى الوجن / يايمه اصبنها بحزن /بعدك يغالي
لاتمشي عني امروتك / تنزف اجروحي بفركتك/ وتعذب احوالي
درب الهجر كلش صعب / لوعني يرحل بيه محب/
يكثر سؤالي
امك وعيني اعلى الدرب / نيران بكليبي تشب /
واسهر ليالي

سهرانه وانتظرك تجي وتريح البال
وتزيله همي البي احس جن ثكل الجبال
        ماينجرع .. ون الدمع
       رايح يوفاي .. رايح يوفاي
-----------------------------
ردت ادخل بوسط الضعن/ واحجيلك اهموم الكلب/
لو فاركتني
يالفصلت طولك نجم / شايل على اغصانك حلم/
شو عذبتني
ارد انظر الوجهك بعد / مو كلبي للفركه استعد /
ما ودعتني
ما حسبت هذا الامر / يخلص بها اللحظه العمر /
يالدللتني

ودعني بس مو بالعجل لاترحل بساع
باجر بلياك العمر من عدي احس ضاع
        ويطفي الشمع .. ون الدمع
       رايح يوفاي .. رايح يوفاي
---------------------------
اسمع وصيتي لو رحت / والكربله هناك اوصلت /
ياضوه العين
زينب ييمه بذمتك /لاتبطي عنها امروتك /
اوصلها بالحين
لو رحت ضامي وللنهر /وكليبك بنار استعر /
عاين للحسين
لاتشرب الماي ويضل /عطشان ابن خير العمل /
افديله جفين

ماي النهر ذبه بفخر وارجع للخيام
لو كلك ارجع وانتظر كله والأيتام
        لاتستمع .. ون الدمع
    رايح يوفاي .. رايح يوفاي
----------------------
لو طحت ضامي وعالنهر /لاترد للخيمه بعذ ر/
وتخيب الامال
لو كطعو اجفوفك بعد / لاتخلف الزينب وعد /
وحضرها بالحال
من ينبت بعينك سهم / لاتنظر الصوب الخيم/
وتشوف الحبال
لاترجع اله وجربتك / متروسه ماي بيمنتك/ وتشرب الاطفال

بجفوفك الماي ويضل حدر الوطيه
يدري بحساسه النهر عطشت رقيه
        وبها الوضع .. ون الدمع
       رايح يوفاي .. رايح يوفاي
----------------------------

يايمه اوصيكم بعد / لو موعد الفركه اقترب/
وتودعونه
لحسين لتكولون اخي / نادوله حاضر سيدي /
وتسمعونه
لو شفتو الكوم اهجمت / وحسين وحده بكربله/
اتناصرونه
احسين مهجت فاطمه / لو وحده خلاه الدهر /
لا تتركونه

وزينب ييمه بلا اهل تبكه وحيده
تنادي على اضهور الهزل يبن الصميده
        ماينكطع .. ون الدمع
    رايح يوفاي .. رايح يوفاي
-------------------------------
لخادم أهل البيت ع
كرار عبد الحسن المحمداوي

الى سيدة الوفاء ام الاقمار الاربعه سيدتي ام البنين عليها السلام

محتار ابوصفچ والله      
قــدمتــي ولـــدچ لله
يالطاهره        يالصابره    
مثلچ وفــه ما شفناه
*
اجمع كل شي عنچ واصفن واحتار
وأفكــر بيــچ لكــن تعجــز الأفكــار
ليش اختــارچ الله بحكمتـه الجبـار
مــره تكــونين انتـــي لحيدر الكرار

محتار بسرچ هــل الكــون      
ظل سرچ مخفي ومكنون
عن هالبشــر      يمْ الگمــــر    
مثلچ وفه ما شفناه           
قدمتــي ولــدچ لله

• النــذر لله كــل شي وهــم نــذر عمــره
  حتمــاً ربنــــا  يــرفــع للبشــر  قــــدره
  وأنتي انطيتي كل شي لفاطمه الزهره
  والــزهــراء وجـــــه البـــاري وســـــره

قــدرچ رب العـز عـلاه       
بحسين وكــرّم معنــاه
بيـچ الوفـه     أعظم صفـه    
مثلچ وفــه ما شفناه           
قدمتــي  ولــدچ  لله
*
مثلـــج يــا مــره  بــالكــون شبهتها
تضحي أربع بنين وتفــدي ضـــرتها
وترد لحسين تجري بحسره دمعتها
مــا مثلـــچ ابـــد يالحــره ســوتــها

ضحيتيهم لجــل الدين     
رخصتي دمهم لحسين
بطف كربله    فــوگ الفله    
مثلچ وفــه ما شفناه         
قدمتــي  ولــدچ  لله

مثلـــج خادمــه لـحســين مـا شفنـه
تضحي أربـع ولــدهــا يعـــود تتمنـه
ومــن شافت بشــر ظلت تجـر الونه
عــوف الاربعــه وردلــي خبــر عنّــه

عن حسين انطيني إخبار     
بوليدي جاوبنــي شصــار
گلها بحزن      ظلت توّن     
مثلچ وفــه ما شفناه           
قدمتــي  ولــدچ  لله

**

لهاي التضحيــه الباري كــرامه انطــاچ
بــاب الحاجـــه يم الاربعـــه اختصـاچ
مــا خــــاب اليهل أدمـــوعه وتنعنــاچ
مـــن تنخينه بالحاجــه يگلـــچ هـــاچ

مو عن صدفه  لا هيهات    
من صرتي باب الحاجات   
المد يمنته      بعز حاجته    
مثلچ وفــه ما شفناه
قدمتــي  ولــدچ  لله

• تـــرد الزهـره باچــر يالوفيــه الــدين
  بالمحشر اتدنگ من تجي الصــوبـين
  طبــق بي  الخـــلايق تنظــر الچفـين
  تـرد ذاك الوفــه ام الحـسن وحـسين

وتنـــادي يم العبـــاس     
بيچ الوفه بس ينقاس   
تگول بفخر     يم الگمر   
مثلچ وفــه ما شفناه
قدمتــي  ولــدچ  لله
*

الشاعر
موسى البديري

كلبي المجروح   يمه
الفركاك  اينوح   يمه
بيه اشسوه فركاك   وديت اربعه وياك

ودعتك و**نار الحزن تجويني
ومن فركتك ما كمت اشوف بعيني
ينطيك كلبك تمشي وتخليني
يحسين لجلك كبريت ابنيني

وادري ايوفون   يمه
وراح ايضحون   يمه
كل الولد تفداك   وديت اربعه وياك

يحسين ا**سمك يسري ويه الانفاس
جنت امن اشوفك انسه وجه العباس
عطر الحبايب احله من عطر الياس
تدري بغيابك يبني شيبت الراس

يمته الغياب   يمه
ايدكون الباب   يمه
ضل ابالي ذكراك   وديت اربعه وياك

ارجع ي**يمه وشوف عكبك حالي
لمن عفتني ضل مكانك خالي
ام البنين وحسرتي بدلالي
اشلون اصبر وعن عيني راح الغالي

بهجرك يحسين   يمه
بجيت العين   يمه
ضلت روحي ترجاك   وديت اربعه وياك

يا دنيت**ي وروحي وحياتي وعمري
وانته الهوه يحسين عندي اليسري
حدب ييمه امن المصايب ضهري
كل يوم اذكرك والمدامع تجري

بصدري الالام   يمه
وظلمه الايام   يمه
لا تنسه وانساك   وديت اربعه وياك

عف**توني وحدي وبيه تغلي النيران
والبيت بيكم كل وكت يزهر جان
كمت انتظر طارش يدك البيبان
ما ينحمل ياروحي فكد الوليان

كل لحضه اشتاك   يمه
ما بيه افراك   يمه
تدري بكلبي يهواك    وديت اربعه وياك

يحسين ع**كبك كلي شيخلصه الليل
وانه ادري باجر صدرك اترضه الخيل
طيحت اخوك بكربله اتهد الحيل
ودم نحرك اشكد عالترب راح ايسيل

ايدوسون اعليك   يمه
وتنهض ما بيك   يمه
وتطحن جسمك اعداك   وديت اربعه وياك

تمت
تحس**ين الخفاجي

من عيني  .  يزهراء
تدريني   .   يزهراء
.
هذا اني بخدمتج وفديلج سنيني
الما تبجي المصابج اله اعميها عيني
يـوم اليتركوني اهلي انتي تجيني
يوم المالي امعين رايح تحضريني
حضريني  . يزهراء
تدريني   .   يزهراء
.
ابجيلج و بجيج بالمجلس سويه
امصايبكم اهواي خن نسوي عزيه
مضلومه ام حسين الزهره الزجيه
املاك السمه تنوح والدمعه جريه
تاذيني   .  يزهراء
تدريني  .  يزهراء
.
وجداني و ظميري بسمك رددينه
لطميه اعله ضلعج يالزهره  قرينه
للموت ما نعوفج شيعه و عاهدينه
نقسملج بالحسين و بحيدر ولينه
نظريني   .  يزهراء
تدريني  .   يزهراء
.
الغايب يزهراء مـا ناسي مصابج
تلهب جمرت الثار ابنج واعله بابج
ومـن يعلن فقاره يفنيها  ابثوابج
عل محسن تونين لو ظلعج عذابج
اسنيني   .  يزهراء
تدريني   .   يزهراء
.
رايح يعلن السيف و عيونه اتجاره
كلمن قصر وياج مـيعوفه فقاره
يبني كبرج و راح ايعلي المناره
مـن كـل الولايات نتعنه الزياره
شوفيني  .  يزهراء
تدريني  .   يزهراء
.
.
حسن صالح العيساوي