Termiz tumanida yangi ish o‘rinlarini yaratish bo‘yicha yig‘ilish bo‘lib o‘tdi
O‘zbekiston Respublikasi Prezidentining 2024-yil 9-yanvardagi “2024-yilda yangi ish o‘rinlarini tashkil etish va aholi bandligiga ko‘maklashish dasturini tasdiqlash to‘g‘risida”gi qaroriga asosan Xalq deputatlari viloyat, tuman Kengashlariga hududlarda yangi ish o‘rinlarini yaratish va aholi bandligini ta’minlash bo‘yicha 2024-yil uchun bandlik dasturini muhokama qilish hamda belgilangan vazifalar ijrosi ustidan deputatlik nazoratini olib borish maqsadida Termiz tumanida yig‘ilish bo‘lib o‘tdi.

Yig‘ilishda xalq deputatlari viloyat Kengashi kotibiyati mudiri Saydulla Abduraimov, xalq deputatlari tuman Kengashi kotibiyati mudiri Akmal Avlyakulov, Termiz tumani Kambag'allikni qisqartirish va bandlik bo'limi boshlig'i Yangiboy Davlatov, xalq deputatlari tuman Kengashi deputatlari hamda ijtimoiy soha tashkilot, muassasa va korxonalar rahbarlari ishtirok etdi.

Har bir sohada yaratilayotgan ish o‘rinlari, tumanda olib borilayotgan ishlar tanqidiy-tahliliy muhokama qilinib, tegishli tashkilotlar tomonidan amalga oshirilishi lozim bo‘lgan vazifa va topshiriqlar bo‘yicha chora-tadbirlar rejasi belgilab olindi.

Telegram | Facebook | Instagram | Web-site