⚜ Социалист Лэжьыгъэм и Л1ыхъужь, РСФСР-м и Къэрал саугъэтым и лауреат, Къэбэрдей-Балъкъэрым и ц1ыхубэ усак1уэ К1ыщокъуэ Алим дунейм зэрехыжрэ илъэс 24-рэ щрикъум ирихьэл1эу пэк1у щек1уэк1ащ.

⚜ К1ыщокъуэм и ц1эр зезыхьэ уэрамым тет Налшык къалэ администрацэм и гупэм къит фэеплъым деж, гъэ къэси хуэдэу, ц1ыхушхуэ щызэхуэсат. Абыхэм яхэтт жылагъуэ, политикэ 1уэху зезыхьэхэр, гъуазджэмрэ щэнхабзэмрэ я лэжьак1уэхэр, лъэпкъ интеллигенцэр, усак1уэм и благъэхэр, 1ыхьлыхэр, ныбжьэгъухэр, и усэхэр ф1ыуэ зылъагъухэр.

⚜ Зэ1ущ1эр и к1эм щынэблагъэм, К1ыщокъуэ Алим и фэеплъым удз гъэгъахэр тралъхьащ. Зэхыхьэм хэтахэр к1уащ Алим къыщалъхуа, щыщ1алъхьэжа Щхьэлыкъуэ къуажэм, абы дэт усак1уэшхуэм и фэеплъ музейм. Аращ щахъумэр усак1уэм къыщ1эна хьэпшыпхэр, сурэтхэр, тхылъхэр.

✅ Конференцым и лэжьыгъэм хэтщ УФ-м и Президентым и полномочнэ лӀыкӀуэу КИФЩӀ-м щыӀэм и дэӀэпыкъуэгъу Валиев Айдамир, Кавказ Ищхъэрэм ис Муслъымэнхэм я зэзыгъэуӀу советым, Шэшэн республикэм и муслъымэнхэм я ӀуэхущапӀэм я унафэщӀ Межиев Сэлахь, Кавказ Ищхъэрэм, Мэзкуу, Санкт-Петербург, Ставрополь, Краснодар крайхэм, Кърымым, Къалмыкъым, Ростов областым, Тэтэрстаным, Адыгейм, Башкортостаным, Къэрэшей-Шэрджэсым, нэгъуэщӀ щӀыпӀэхэм къикӀа дин, къэрал къулыкъущӀэхэр, студентхэр, жылагъуэ лэжьакӀуэхэр.

✅ Конференцыр ирегъэкӀуэкӀ КъБР-м и Муслъымэнхэм я ӀуэхущӀапӀэм и унафэщӀым и къуэдзэ Сыжажэ Алим.

КъБР-м и муслъымэн ӀуэхущӀапӀэмрэ Ислъам щэнхабзэмрэ щӀэныгъэмрэ зыщӀэгъэкъуэнымкӀэ фондымрэ къызэрагъэпэщауэ, республикэм щэкӀуэгъуэм и 11-13-хэм щокӀуэкӀ "Урысейм и Ӏумэтыр зым тетыпхъэщ" урысейпсо щӀэныгъэ конференц. ХьэщӀэхэр "Азимут" хьэщӀэщым къоблагъэ.