♔صرخة"العقيله لكافة"الالحان المنبريه ترحب بخدام الحسين
@jj_a94👈معرفي للاستفسار واني خادمكم
https://t.me/Alaqilajjmm
وهذا رابط القناة 👆🏻
ٲيـن قلبڪِ ؟
ترڪتـﮫُ هُنـاڪ🕊"
حـيث الحُحـسـين
فـي ڪربـلـاء 🌿❤️.!
بأدارة الملا احمد الشغانبي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 day, 21 hours ago
الى جنات الخلد
اي قصيدة عدكم تحتاج للحن انا خادمكم
@jj_a94 مراسلتني عبر المعرف
نعي زينب (ع) تخاطب الحادي
...............................................
يحادي اسرع بممشاك
مر بينه اعله والينه
تطشر بالحوافر راح
خل انلم ابوسكينه
شفنه الدم على التربان
واصبعه وطايحه عينه
من كثر البجي والنوح
شهگه بعد مابينه
يحادي ومر على العباس
بلكي ولن يفز لينه
خل انعاتب الكفال
ونگله انوب ذلينه
وينه الرد نظر يعكوب
يرد للگمر جفينه
ويردله اعيونه خل يشوف
اشسوه الحبل بيدينه
يحادي اشما اركبها
تطيح اطفالنه امن النوگ
هزيله النوك يالحادي
وعلينه مااشوف اتلوك
جانت نوگنه هيبه
محميه وهوادج فوك
هسه ابلا غطه وناوي
بينه اتطب يحادي بسوك
اتستر بعد بيمن
عبايه وصفت كلها احروك
ويحادي بعد مابينه
لوعه الطبت الديوان
وحده بوحده گمنه انلوذ
تدري مخدره النسوان
صرنه بعين كل الشام
ابد ماجان بالحسبان
وسفه مخدرة عباس
تالي بولية العدوان
((#حي_على_المشايه **))
……………………………………………………………
صوت أذّن حيَّ عل مشايه
بالسمه وخل رايه تحضن رايه
گلوب مو رجلينه
تعتني الـ والينه
يله يالوفّايه •••• يله يالوفّايه
……………………………………………………………
كبّرت تكبـيرة الحـب و العشـگ
اگلوب صفت بالدرب طبگت طبگ
حسين آ يحسين بسمك ظل يدگ
يا امامي ابحافر و شابع سحگ
كون اجيك وبيدي شايل راسي
هاي بس هي التريح احساسي
نحرك امذينيه
تعتني الـ والينه
يله يالوفّايه •••• يله يالوفّايه
……………………………………………………………
بلف حجه و عمره مشيك ينحسب
يم حبيـب ابدفتره اسـمك منكتب
ابهذا مشـيك تعتـبر جـايب عذب
اتشرّب ابعبد الله بيدك يالمـحب
الزاير اهل البيت يعتبرونه
السوط دون ارقيه لاح اموتنه
امروي گلب اسكنيه
تعتني الـ والينه
يله يالوفّايه •••• يله يالوفّايه
……………………………………………… ......……
مـا اريـد افـياي مـاريدن سـتر
باللهب حرگيني يا شـمس الضـهر
صبغي وجهي بلون چويات الجمر
حـسـين ثلث ايام حـدرج منصهر
الگاع من امشي و احس تچويني
اعـليها نام ابلا قميـصه احسـيني
ادموع الك هلينه
تعتني الـ والينه
يله يالوفّايه •••• يله يالوفّايه
……………………………………………………………
بالمواكب حيل يعصرني الالم
بالاكـل و المـاي تنگل هـالخدم
ابالي تحضر زينب وكل الحرم
مـحد اتلگـاهن و ليـهن كـرم
ارقيه حافي وتنظر بعيناها
محد ابشربة عذب روّاها
الراس تدمع عينه
تعتني الـ والينه
يله يالوفّايه •••• يله يالوفّايه
………………… ........................................
عالزياره و دوم مكتوب المنع
عـل اليزور و چـفه لازم ينگـطع
لو ضريبه من الذهب صار الدفع
ابـد مـا قـل العـدد زاد الـجمع
لا نظام و داعش و كارونه
عن عشگنه وابد ما منعونه
ابخطر ما همينه
تعتني الـ والينه
يله يالوفّايه ••• يله يالوفّايه
……………………………………………………………
طلعَ الضـعنُ علينا و بيه حـزن
امبين من السوط مهدول المتن
يلـه يـا زوار وي زيـنـب نـون
من بجيها ام عون مجروح الجفن
ليش ماكو وياكم ازغيرونه
ويـن بتكم يالاهل خبـرونه
بالعدد حسبينه
تعتني الـ والينه
يله يالوفّايه ••••• يله يالوفّايه
……………………………………………………………
✍️ ( سيد خضر الزاملي )**
ليلئ. تنادي
ومنين اجيب النوم انا العيني
__
لا لـيـلي ليل الناس لا تغمض العين
تـاه الـفكر والراي يبني رحت وين
وانـه تـعبت برباك تدري الربه دين
وافـيـني حگ رباي يا ضنوة حسين
ليلئ تنادي. ومنين أجـيـب الـنـوم أنـا لـعـيني
_
ظـلـيـت انا بلا راي وعيوني تربى ضـنـوتـي چانت بيك يا ثمر گلبي
يـاولـيـدي من فرگاك تيّهت دربي
وانـه تـعـبت برباك يشهد لي ربي
ليلئ تنادي
ومنين أجـيـب الـنـوم أنـا لـعـيني
__:
مـحـتـاره بأمري اليوم والدمع فجر
مـايـنـطـفي الدلال نيرانه تسعر
يـابـنـي الصخر لبچاي حن وتفسر
ولامـن جـواب ترد لأمك يالأكبر
ليلئ اتنادي
ومنين أجـيـب الـنـوم أنـا لـعـيني
____
لا تـنـسمع نخواي لا أسمع جواب
لا تـنـطوي يا ليل أرد اعتب عتاب
مـظلم عليّ مريت ليش البدر غاب
وحـشه السهر ياليل بغياب الأحباب
ليلئ تنادي
ومنين أجــيـب الـنـوم لـعـيـنـي
__
يـاولـيـدي نـايم وين دسمع ونيني
امـك وانـادي عليك شو ما تجيني
يـاولـيدي شنهو الحال بينك وبيني
مـتـحـيـره وانـخـاك لاتخليني
ليلئ. تنادي
ومنين أجـيـب الـنـوم انـا لـعـيني
_
يـاوليدي گلبي إنصاب والدمع همّال
جـار الـزمـان ويـاي وتغير الحال
ياوليدي مادري شلون ضعني تره شال
يـاهـو اليرد نخواي والحمل لو مال
ليلئ تنادي
ومين اجيب الـنـوم انـا لـعـيني
_
عبد الرسول الكربلائي
يـاولـيـدي خـل الماي لا تطلب الماي
كـل خـوفـي مني تروح وتگطع حشاي
دهـري ذبـني عبدالله ياشمعة ضوه عيوني
هاك إخذ ماي العين ....... يابني وسلوتي
خـل أفـرح بدنياي....... وإنت فرحتي
خـل أبتسم وارتاح ....... واشتم وردتي
ردتـك لـيوم الشيب........ وتلم كبرتي
دهـري ذبـني عبدالله يا شمعة ضوه عيوني
بـالگلـب صار رباك....... يامدلل أمك
گلبي المهد وحشاي.......بيه چنت أضمك
كـل غـالي ماغليك....... وحملت همك
من بعد تعبي شلون...... للموت اسلمك
صـدگ يا بعد الروح ..... ما نمت ليلي
ولـو يـمـر بيك الريح ..... يحزن دليلي
ومـن تـربـي تربي وياك.... همتي وحيلي
يـا شـمـعـة الإيـمـان.... يالتضويلي
گلـبـي الـذي ربـاك.... شنيّمه الليل
يـاولـيـدي خليه وياك... يتهادى ويميل
لـو ردت مـنـي تروح.... يتهدم الحيل
ودم نـحـرك المصيوب.... من عيني يسيل
مـرت عـلـيّ سـاعات.... وتحملتها
چانـت تـمـر چالـطيف.... وموالفتها
بـسـوگ الدلال الروح .... لجلك بعتها
يـاوليدي لأجل رباك.... روحي حرگتها
مـحـتـاره بين أثنين.... ودموعي تنصب
ومـن گلـبك المعطوب .... گلبي تعطب
مـا اگدر لـفـرگاك... فرگاك اليصعب
فـراگك يـخـلد نار..... بالگلب تلهب
گلـبـي انـرمى بسهمين.... وتقاسمه الهم
سـهـمك وسهم حسين.... لاچنه أعظم
بـالـتـضـحـيه للدين.... تعلم وأعلم
مـن عـالـم الـتكوين.... أمري وتحتم
الشاعر عزيز الكلكاوي الكربلائي
اي قصيدة عدكم تحتاج للحن انا خادمكم
@jj_a94 مراسلتني عبر المعرف
((انذبح ضامي))
أكره روحي من اسمع على مودي انذبح ضامي
ابـــــو أخيام الكلتها النار خاطر توگف اخيامي
شســــوي الروحي وتوافيك يريت وأذبح أيامي
لا منــــي انگطع خنـصر ولاجسمي صبح دامي
لامنـــــهوب صيواني
ولا مّــــذَبحه أخواني
ولا بالهيمه أشاهدهن
بناتي وجمره بلسـاني
عمت عيني يبو اليمه
عليك الخيـــل ملتمه
وانته اتعـالج بروحك
الهوى ماتكدر اتشمه
يبو اليمه عمت عيني ...
"""""""""""""""""""""""""""""""""""''''''''''
عگبك مــــاتلمنه بيوت يابوّ بيوت مهدومه
من گالو شمس وتراب عاري مسلبه هدومه
شمسوي وتدوسك خيل وانته الروح مالومه
غريب ولا ألك عَـوآن وحيد وضال بالحومه
غـــريب ولا ألك ناصر
گــــــوه بروحك اتكابر
مره اتصد على اعيالك
مره تشگف الحـــــــافر
جثيره جروحك بحالك
واجاك بسيفه چتـــالك
يالتزحف على خدودك
تـــــريد تروح لعيـــالك
يبو اليمه عمت عيني ...
"""""""""""""""""""""""""""""""""""''''''''''
زينب نادتك يحسين صعبه (الــها) تطلعها
دمعتك گلــــتلها الخيل نــار يگول مدمعها
يبن امــــــي لفتنه الگـــوم مانگدر نرجعها
على خدود اليتامه شلون مطبوعه أصابعها
تعال ألحـگ يبو الاكبر
تعال الضعـنك أطــشر
على التله بگلب شايـط
وشفت السيف والمنحر
يبن امي عمـت عيني
تهت ياهــــو اليدليني
اليطگني ما أگولن آخ
فلـــــــت بينك وبيني
يبو اليمه عمت عيني ...
"""""""""""""""""""""""""""""""""""''''''''''
من ذاك الجمر والنار وسياط العده البيهن
أجلك بالثغيب الحــار يهلبت لن تحاچيهن
لاذن بالركــــض يحسين ياچويات رجليهن
وعَمتهن تصــيح أعليك يخويه وين أوديهن
يـــــريدنك وگــــوملهن
بصدرك ريتك تلمـــهن
لو بس كلمه من عندك
يخويه وفـــدوه كلمــهن
يســــالب منهن الفكره
زهــــره وگادت بزهـره
البـــــويه شيبت عدهن
فدوه الچويه بس نضره
يبو اليمه عمت عيني ...
"""""""""""""""""""""""""""""""""""''''''''''
جزه بيك الجرح يحسين وجروحك غدن حنه
عطــــــشان وتعب واليك وأبــد مابيك عالونه
ماخلــــونه نوصــــل ليــك وأحــــنه نريد نـدَنه
دلينه عــــلى العبــــاس وأحنــــه نــروح نتعنه
نريد نروح للكــــــافل
عجيد الگوم ابوفاضل
ونگله الـــــسده علينه
نركض والجرح كاهل
نريد نگــــــله كـافلنه
ترى من الركض متنه
ومن نار الخيم تدري
يبو الغيره تطَـــشرنه
يبو اليمه عمت عيني ...
عبد زينب
محمد الابراهيمي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 day, 21 hours ago