*🫧الحمدلله تمت المحاضرة الرابعة مع القصيدة المفضلة*🦋

صار فترة يمكن نهاية ال١١ اسمع سوره النور كل يوم وتصدف بليل مرات...
وهسه أدركت هلشي لان اسمع سور عشوائية مو ع تعيين بيومي فـ هسه حسيت هالسورة أثرت بـ آيات بشكل ماعرف شنو هو بضبط لكن الها أثر چبير..
مثلًا او يمكن أن تخليني اشوف كلشي حوليي ع حقيقته ومثل ما هو واتقبل كل شعور يمر بيه حتى الحزن مدايأثر عليه سلبًا وارحب بي بصدر رحب... بدون ميأثر ع مهامي وحياتي ب اي جانب

اهوااااك وتمنى لو انساك
وانسىىىى روحي وياااااك ♥️

?رسالة لسوادس فقط ❗️****

سوادس؟؟
شلونكم
اعرف كمية التعب او الألم او يمكن الحماس وشغف والسعادة مالية كلبكم لان قربتوا تحققون احلامكم... او يمكن قمة الألم... المهم كل هذا مشاعر تتغير من َقت لاخر حسب مزاجكم وحسب روتينكم... انتوا تتحكمون بمشاعركم شلون تكون..

المهم أجيت ماريد اكلكم سوا كذا وتركوا كذا.. اعرف كمية النصائح والحچي عنكم هوايه..
أجيت بس اطمنكم ان كل هذا راح يخلص ويعدي هذه فترة مو عمر مو حياتك هذه جزء من حياتك واذا كلولك السادس يحدد مصيرك لاء ميحدد مصيرك يحدد رحلتك الدراسية الاعدادية نجاحك بالحياة مو بالمعدل ولا حياتك الذهبية بالمعدل انت مجرد دتمر برحلة دراسية حالها حال ١٢ سنه عدت لحظة ( انت عديت ١٢ سنة؟؟ واوو والله العظيم بطل ١٢ تعرف شنو ١٢ سنة عمرك هذا حياتك هذه انت كضيت ١٢ سنة منها دراسة ووخطوة خطوة وصبر وخلصن!!!!!

هذا السادس هذا؟؟؟ ميخلص؟؟

مينتهي.؟

اني آيات مريت بفترة بسادس مو فترة الصراحة طول السادس اني اگول (( يارب هم تخلص؟؟ هم تصير ذكريات وهم تعدي)) هي عدت بس الي ماعدا شي واحد

النتيجة.. المعدل لسه ويايه وطول العمر حيبقى وياي ♥️

هو مارح يحدد نجاحي بالحياة بس راح يرافقني طول العمر..
فـ اريد اكلكم سووا الي عليكم وزيادة اتعبوا استمتعوا بسهر وحرمانكم من النوم... استمتعوا بالماده الصعبه وتحدوها

تحدوا الاهل الي يحبطون والي يسمعوكم كلام محبط خلوهم حافز الكم... الناس الاساتذه الساميين الي يشجعون بطريقة كلش بشعة من الكلام السلبي تحدوهم...

كل شخص استهان بيكم اكسروا بنجاحكم?.

اتركوا الناس السلبية حتذا صديقي حتذا اقاربي حتذا عزيز كلبي مجرد ميسمعني كلام سلبي ويحبط بيه اتركه هي سنه وحده اتحملها علمود مستقبلي.

اللون وارسم واتمرن واباوع افلام واشحن طاقتي وارجع ادرس اطلع زيارة واتونس كل هذا ضروري حتى عقلكم يتنشط إذا بس دراسة دراسة يصيبكم ملل بنهاية المطاف...

اهم نقطة بس هاي سنة فدوا اسمعوها بعدين شتردون تسون سوا

درجاتكم لحد يدري بيها حتى الاستاذ نفسه لتخلي يدري ابوسكمممممممممممم
لتخلون احد يعرف شكد تدرس ولاتعلم احد احچيلكم من تجربة احچيلكم من كل كلبي ونصيحة لوجه الله هذه وحلال ثم حلال ثم حلال والله العظيم ادرسوا لنفسكم وبس ولاتشاركون بدرس هو أول وتالي وزاري وهذا بس دخول وزاري مايحتاج تبرز عضلاتك كدام الاساتذة والمدرسات لان همه لا يقدمون ولا يأخرون الحچي الحلو بالوزاري ?.
حتى أهلكم لاتكلولهم درجاتكم (اهو آيات لا تعقديها هذوله اهل يحبون الخير اي حبيبي روح أكلها الف عافيه) اهل على عيني وراسي من يفرحولك هم يحسدوك بلا ميدرون المهم اتحمل بس هاي سنة تختفي عن الاضواء وانت شجع نفسك واسندها....

:::الدعاء ::::::
الدعاء يغير الأقدار شكد متكدرون ادعوا
استغفروا هوايه هوايه وخلوا محبس تسبيح ويا كتبكم كلما تعبتوا حسيتوا بملل استغفروا ومثل مكتلكم الدعاء يغير الاقدار ادعوا هوايه رب يصبركم ويقويكم ويكتبلكم الي بي خير....

لاتحچون اهدافكم لا أحد لاتبرزون بالمحاضرات ولا تخلون استاذ او استاذه تعرف انتوا شطار ولا طالب ?الموضوع وزاري ميحتاج يشوفوك شكد انت واو.

المراجعة المراجعة المراجعة

كلما ينطوك ورقة قبل لتقراها ارجع للي قبلها راجعه هذا شي إذا تلتزم بي
راح يخليك تراجع الكتاب قبل الوزاري بـ ٣ ايام ??

السنين السابقة موشرط مستواك مو شرط.. اكو طلاب مستواهم خمسينات شدو حيلهم بسادس طلعوا تسعينات واوائل وحتى اهلهم نصدموا منهم

واكو طلاب اوائل سختوا او حصلت ضروف وياهم او او... بسادس الثمانين موصلها..

سادس يعتمد على دراستك اليوم لا امس ولا باجر اليوم ياعزيزي اليوم اذا درست اليوم كول اني بخير واذا مدرست اليوم تضيع!

ددللوا نفسكم وحبوها هوايه وكونوا انانيين بنفسكم وكرسوا الوقت كله لدراستكم ناموا واكلوا وابجوا وضحكوا يم كتبكم لتعوفوها ابد لان هنه مو ضدكم هنه صديقاتكم الي حيمرون وياكم بكل ضروف واوقات السادس وتوصلون للوزاري سوه
كل التوفيق يارب
هذا بوتكم في حال حتاجيتوا شي @Love501bot

وين اكو تهديد ينتهي بقلب آياتتتتتت

تم بحمدالله بؤس وانهيار ثمن ساعات || Done ?****

لولا الأرض كيف نستند ببعضنا
كيف تحملنا أقدامنا وسط انهيارنا
لولا الأرض كيف نرتمي بـتعبنا ولـمَن؟ ولولا السماء من سيسع همومنا الكثيرة ولولا القمر كيف نطمئن؟ ولولا الله هل سنبقى على قيد الحياة؟

اني مو كلش تمام فراح اخطي خطوات تحسن مني للأفضل واشارك كل حاگه هنا???