?? **ЎЗБЕГИМ

✍ Ўзбекистон Қаҳрамони, Ўзбекистон халқ шоири Эркин Воҳидов шеъри

?? Ўзбекистон халқ ҳофизи Шерали Жўраев мусиқаси ва ижроси**

???
? www.facebook.com/evohidov
? https://t.me/erkinvohidovijodi
? www.erkinvohidov.com

?? ШУКРКИМ, КЕЛДИ ИСТИҚЛОЛ

Агарчи исмим Эркин,
Эрки йўқ, банди кишан бўлдим,
Кўзим боғлиқ, дилим доғлиқ,
Тилим йўқ, бесухан бўлдим.

Кўриб ҳайратга тушди
Бу жаҳон ҳоли паришоним,
Бамисли анкабут сўрган -
Чибин, пажмурда тан бўлдим.

Муаззам Сайҳуну Жайҳун -
Лабида ташна лаб қолдим,
Кийинтирдим жаҳонни,
Жисми урён, бекафан бўлдим.

Чекибдур Бобуру Фурқат
Ватан ҳажрида афғонлар,
Мен эрсам, ваҳ, не ғурбатким,
Ватанда беватан бўлдим.

Олисда, оҳ диёрим, деб
Соғинган, эй ватандошим,
Дема сен ўзни бебахт,
Бахти йўқ аслида ман бўлдим.

Шукрким, келди истиқлол,
Умидим рост қил, Аллоҳим,
Ки, шояд беқафас булбул
Каби соҳиб чаман бўлдим.

Ишончим бор, Ватан, бир кун
Келар чин нурли давронинг,
Дегайман шунда чин Эркин,
Чин инсон қайтадан бўлдим.

✍ **Ўзбекистон Қаҳрамони, Ўзбекистон халқ шоири Эркин Воҳидов, 1991 йил

???
? www.facebook.com/evohidov ?https://t.me/erkinvohidovijodi ?** www.erkinvohidov.com

Telegram

Erkin Vohidov ijodi

Саҳифада Ўзбекистон Қаҳрамони, Ўзбекистон халқ шоири Эркин Воҳидов ҳаёти ва ижодига оид маълумотлар бериб борилади. ШОИР ФАОЛИЯТИ УШБУ ЯНГИ КАНАЛДА ЁРИТИЛА БОШЛАНДИ.

✨**СУЛТОНМУРОД

Султонмурод давлатманд одам эди. Сахий, маърифатли бой эди. Совет ҳокимияти унинг мол-мулкини мусодара, ўзини элдан бадарға қилди. Бор-йўғидан, ватанидан мосуво бўлиб узоқ элларга жўнаб кетар экан, Султонмурод алам ичида шундай сўзларни айтди.**

Шафқат этмай бахтим қаро қилганлар
Шафқатга зор, бахти қаролар бўлгай.
Мени ватанимдан жудо қилганлар
Ватанда ватандан жудолар бўлгай.
Ҳеч қачон, ҳеч ерда ҳеч кимсага, бас,
Талаб олган моли буюрган эмас,
Ер-сувимни олган нобакор ул кас
Ер устида ерга гадолар бўлгай.
Соҳиблик мулк — обод, соҳибсиз — вайрон.
Эгасиз биядан соғилар айрон.
Юз йил «Хўжасизлик қайдан?» деб ҳайрон
Халойиқ тутгани яқолар бўлгай.
Бунда гаплар кўпу ишлар бўлгай оз,
Эл маъруза егай ва кийгай қоғоз,
Юртнинг эгалари мудом ваъдабоз,
Ишларида юз минг хатолар бўлгай.
Ерида заҳр унар бўлгай бу ўлка,
Жафоларга кўнар бўлгай бу ўлка,
Камоли беҳунар бўлгай бу ўлка,
Дўконида ўтмас матолар бўлгай.
Бенамоз, бехудо, бедин бандалар
Устидан шайтонлар қилгай хандалар,
Имон, эътиқоди парокандалар
Бошида кичкина худолар бўлгай.
Ҳукумат! Қотилинг ўзингдан чиқар,
Адил чинорларинг қўпорар, йиқар,
Лак-лак сургун қилар, зиндонга тиқар,
Бошингда туганмас жазолар бўлгай.
Юртбошилар оқил эса, ҳойнаҳой
Эл ҳоли бунчалар бўлмас эди вой,
Инсон бой бўлмаса халқ бўларми бой?
Саволим авлодга нидолар бўлгай.

Султонмурод шу сўзларни айтиб, отга қамчи босиб, Олатоғдан ошиб Қашқарга равона бўлди...

✍ Ўзбекистон Қаҳрамони, Ўзбекистон халқ шоири Эркин Воҳидов, 1989 йил

*?*??
? www.facebook.com/evohidov ?https://t.me/erkinvohidovijodi ?** www.erkinvohidov.com

Ўзбекистон Қаҳрамони, Ўзбекистон халқ шоири Эркин Воҳидовга бағишлаб Ўзбекистон Ёзувчилар уюшмаси томонидан 2024 йил, 31 майда ўтказилган хотира тадбири (3-қисм)

https://youtu.be/1fTK-NinFv8?si=nY2bjsr13m6nb1G1

YouTube

Эркин Воҳидов хотира тадбири. 2-қисм. 2024 йил 31 май.

? КИЧКИНА КАТТАЛАРГА
Мартаба берганда феъл ҳам берса кенг,
Адлу мурувватдан қилмаса жудо.
Даргоҳи катталар бор бўлсин, лекин
Кичик катталардан асрасин худо.

Сен бирор эшикка бош уриб борсанг,
Юз бор ҳақ бўлсанг-да битмаса ишинг,
Билки, кўкси ичра қалб эмас, харсанг,
Кичкина каттадир учраган кишинг.

Сен олим бўлсангу ихтиро билан
Лол қилгудек бўлсанг агар дунёни,
Сенга йўл очгунча бир имзо билан
Кичкина каттанинг узилар жони.

Тадбиркор бўлсангу эл нафи учун
Бир тадбир ўйласанг, изласанг чора,
Улар топар албат ечилмас тугун,
Суягинг қолгунча қилар овора.

Аскар қасам ичар бўлмоққа фидо,
Табиб қасам ичар бахш этмоққа жон.
Кичкина катталар онт ичар аммо
“Фалон бўлай, сени қилмасам сарсон”.

Чинор бўлсанг, улар кемиргувчи қурт,
Пўлат бўлсанг, улар емирувчи занг.
Эй тангрим, эл унмас, қад кўтармас юрт
Кичик катталарга инсоф бермасанг.

Ҳеч кимса бўлмаган дунёга устун,
Уқбога зар олиб кетмаган одам.
Каттаю кичикнинг бошида бор кун
Келар, ахир кичик катталарга ҳам.

Мен шеър айтдим, холос, не ҳам қилай ман,
Не илож, изтироб жонга ўт қалар.
Фақат кўнглингизга имон тилайман,
Диёнат тилайман, кичик катталар.

*✍️Ўзбекистон Қаҳрамони, Ўзбекистон халқ шоири Эркин Воҳидов, 2000 йил*

*?*??
? www.facebook.com/evohidov ?https://t.me/erkinvohidovijodi ?** www.erkinvohidov.com

☺️ Қизиқувчан бола

Ўзбекда бўладиган бола бошидан маълум деган нақл бор. Халқимизнинг суюкли шоири Эркин Воҳидов болалик чоғларида жуда идрокли, ақлли, қизиқувчан бўлган. Ҳар қадамда “Бу нима?”, “У нима”, “Нега бунақа?» дея савол беравериб, катталарни безор қилган. 
Бўлажак шоирнинг сержаҳл, тажанг бир амакиси бор эди. Ўша одам бир куни уйга гўшт олиб келади. Кичкинтой Эркин дарҳол амакисини сўроққа тутади:
– Бу нима?
– Гўшт. 
– Қанақа гўшт?
– Қўй гўшти. 
– Уни нима қиламиз?
– Овқат қиламиз?
– Қанақа овқат?
– Уфф! Ош қиламиз, ош! Бор энди, кўп бошимни қотирма!
Болакай яна қайта-қайта сўрайвергач, безор бўлган амаки қўлидаги гўштни жаҳл билан деворга отиб уради. 
– Э бўлди-да энди, тирранча!
“Тирранча” шундаям бўш келмайди:
           – Амаки, гўштни деворга ёпадими?.. 
              Амаки беихтиёр кулиб юборади.

✍  Шодмон Отабекнинг "Дўрмон ҳангомалари"дан

*?*??
? www.facebook.com/evohidov ?https://t.me/erkinvohidovijodi ?** www.erkinvohidov.com

☺️ УятчанликБу қалтис дард,
Зийрак бўлинг,
Белгилари аёндир:
Бош сал эгик, қўл кўкракда,
Тил чучук, юз алвондир.

Уларга кўп дуч келганман,
Кўнглим дарҳол сезади.
Уятчанлар одоб билан
Юрагимни эзади.

Мана, унга қаранг!
Хушрўй,
Мўмингина боладир.
Порахўрмас, қўлингизни
Қайтаролмай оладир.

Дўкондор ҳам кўп уятчан,
Қизил қоғоз қасдида
Бош кўтармас.
Икки кўзи
Пештахтанинг остида.

Бу — отадир,
Аслида у
Оталикка яролмас.
Дада, дея чопиб келган
Боласига қаролмас.

Ҳамкасбим бор —
Соҳиб зиё,
Эл дардини туёлган.
Лекин ҳақ сўз айтмоққа у
Катталардан уялган.

Бу амалдор кўтарилган
Кимларгадир суялиб.
Трамвайда юрмайди ҳеч
Халойиқдан уялиб.

Унга сира иш тушмасин,
Бағринг қонга бўялар.
«Хўп» дегани тортинади,
«Йўқ» дегани уялар.

Мулойим зот сеҳргардир,
Нақд қурбони бўласиз.
Кулиб туриб пичоқ урса,
Раҳмат айтиб ўласиз.

Уятчанлик эга шундоқ
Киши билмас қувватга.
Бир уятчан бутун элни
Қўя олар уятга.

Биз улардан кулсак, ичда
Улар биздан кулади.
Бу касални йўқ қилмасак
Жуда уят бўлади.

✍️ Ўзбекистон Қаҳрамони, Ўзбекистон халқ шоири Эркин Воҳидов, 1988 йил

*?*??
? www.facebook.com/evohidov ?https://t.me/erkinvohidovijodi ?** www.erkinvohidov.com

Facebook

Log in or sign up to view

See posts, photos and more on Facebook.

? Болаларни шайтонлардан қўрқитмангиз...

✍️ Ўзбекистон Қаҳрамони,  Ўзбекистон халқ шоири Эркин Воҳидов шеъри.

? Қўшиқни Ўзбекистонда хизмат кўрсатган артист Рустам Ғоипов  ижро қилган.

*?*??
? www.facebook.com/evohidov ?
https://t.me/erkinvohidovijodi ?** www.erkinvohidov.com

G‘azalnavis shoir yodi

Bugun Yozuvchilar uyushmasida O‘zbekiston Qahramoni, xalq shoiri Erkin Vohidov xotirasiga bag‘ishlangan adabiy-maʼrifiy tadbir hamda “Faust” va “So‘z latofati” kitoblarining taqdimoti bo‘lib o‘tdi.
Tadbir avvalida uyushma vakillari, ijodkorlar Farobiy qabristonini ziyorat qildi. Shundan so‘ng jarayon Adiblar xiyobonidagi shoir haykali poyida keng jamoatchilik ishtirokida gul qo‘yish marosimi bilan davom etdi. Kechaning asosiy qismi uyushmaning katta zalida o‘tkazildi.
Tadbirni uyushma raisi Sirojiddin Sayyid ochib berdi. Unda O‘zbekiston Qahramoni Ibrohim G‘afurov, “Jahon adabiyoti” jurnali bosh muharriri Ahmadjon Meliboyev, O‘zbekistonda xizmat ko‘rsatgan madaniyat xodimi Eshqobil Shukur, O‘zbekistonda xizmat ko‘rsatgan jurnalist Ashurali Jo‘rayev, shoir nomidagi ijod maktabi direktori Nigora Mannopova, shoir Rustam Mirvohid, Erkin Vohidovning o‘g‘li Xurshid Vohidov va boshqalar so‘zga chiqdi.
Tadbirda shoir hayoti va kechinmalari, sheʼriyati, adabiyot va jamoat olamidagi o‘rni xususida so‘z bordi. Uning sheʼrlari, g‘azallaridan o‘qildi. Taniqli tarjimon Nikolay Ilin ustoz sheʼrlarining rus tiliga qilgan tarjimasidan namuna o‘qidi. O‘zbekiston xalq shoiri Sirojiddin Sayyid, Qoraqalpog‘iston xalq shoiri Rustam Musurmon Erkin Vohidov xotirasiga bag‘ishlov sheʼrini aytdi.
– Yaqinda “So‘z latofati”ning to‘ldirilgan va qayta ishlangan uchinchi nashri chiqdi, – dedi Xurshid Vohidov. – Unga otamning Ona tilimiz haqida turli yillarda yozgan risolalari, matbuotdagi chiqishlari ham kiritildi. Asar yangi boblar bilan boyitildi. Ushbu kitob Boku shahrida ozarbayjon tilida chop etildi va u yerdagi taqdimotda ishtirok etdik. Davlatimiz rahbarining adabiy islohotlarga qaratayotgan eʼtibori va otamning ijodiga bo‘lgan eʼtirofidan, uyushma vakillaridan minnatdormiz.
Gyotening “Faust” asari Erkin Vohidov tarjimasi bilan qayta yangi nashrdan chiqdi. Unga Mirzo Kenjabek va Nosirjon Jo‘rayev muharrirlik qilgan. Mazkur kitob “Adabiyot” nashriyotida 1000 nusxada chop etildi.
Tadbirda so‘zga chiqqanlar Erkin Vohidov benazir, bemisl ijodkor, o‘lmas sheʼriyat sohibi ekanini taʼkidladi.

Zulayho Ahmadjonova

#Китоб_тақдимоти

❇️ Ташкилотчилар ардоқли шоиримиз Эркин Воҳидовнинг Алмаз Улви Биннатова томонидан озарбайжон тилига ўгирилган "Сўз латофати" китобининг тақдимотидан сўнг.

Чапдан ўнгга Нигора Умарова, китоб муҳаррири, озарбайжонлик олима Шаҳло Мажидова, таржимон Алмаз Улви Биннатова, шоирнинг фарзанди Хуршид Воҳидов, Яшнар Қосимов, Рустам Мирвоҳид, Хаял Ризо