İbnul - Cəvzi (رحمه الله) demişdir:

"Kim ölümündən sonra da əməlinin kəsilməsini istəmirsə, qoy elmi yaysın."

ət - Təzkira (55)

https://t.me/islamisehife

✍️İbn Qeyyim (rahiməhullah) demişdir:

"Qəza ilə (insanın başına gələn hadisələrlə) razılaşmaq səadətin, qəzadan (insanın başına gələn hadisələrdən) qəzəblənmək isə bədbəxtliyin səbəblərindəndir."

📚Mədəric əs\-Səlikin, 2/201

https://t.me/islamisehife

*🌿Təqva ilə silahlan❗***

✍️Bir kişi Əbu Həzim Sələmə ibn Dinara (rahiməhullah) dedi:"Sən ibadətlərə çox ciddi yanaşırsan."

Əbu Həzim (rahiməhullah) isə ona belə cavab verdi : "Mən ibadətlərə necə çox ciddi yanaşmayım, artıq, məni pusquda gözləyən on dörd düşmən vardır! Onlardan dördü: məni fitnəyə salmaq istəyən şeytan, mənə həsəd edən mömin, məni öldürmək istəyən kafir, mənə nifrət edən münafiqdir. Yerdə qalan onu: aclıq, susuzluq, isti, soyuq, geyimimin olmaması, qocalıq, xəstəlik, kasıbçılıq, ölüm və Cəhənnəm odudur. Mən yalnız tam bir silahla onların hamısı ilə mübarizə apara bilərəm. Onlarla mübarizə aparmaq üçün təqvadan daha üstün bir silah tanımıram."

📚Hilyə əl\-Övliya, 3/231

https://t.me/islamisehife

?Ey qırx yaşına çatmış!!!

✍️İbn Hibban (rahiməhullah) demişdir :

"Bir kəs qırx yaşına çatdıqda, carçı səmadan onu belə səsləyər : yola düşmə vaxtı yaxınlaşıb, azuqə hazırla."

? Rovdatul\-Uqalə, 52

?Yəni : ölüm yaxınlaşıb, saleh əməlləri çoxalt.

✍️ən-Nəvəvi (rahiməhullah) demişdir :

"Nəql edərdilər ki, Mədinə əhli qırx yaşına çatdıqda, özlərini ibadətə həsr edərdi."

? Riyadus\-Salihin, 84

https://t.me/islamisehife

*?Böyük nemət olan Sübh namazının iki rükət sünnəsini qaçırma*

✍️Aişə (radiyallahu anhə rəvayət edir ki, Allah rəsulu ﷺ demişdir :

"Sübh namazının iki rükət sünnəsi, dünya və onun içindəkilərdən daha xeyirlidir."

?Muslim, 725

?Yəni : Axirətdə bu namaza görə verilən savab, əcr dünya və onun içindəki bütün nemətlərdən daha xeyirlidir. Allah rəsulu ﷺ bu iki rükət namazı heç vaxt tərk etməzdi.

https://t.me/islamisehife

Allah üçün ziyarət etməyin fəziləti.

Ənəs (Allah ondan razı olsun) rəvayət edir ki, Peyğəmbər ﷺ demişdir: “Hər hansı bir bəndə öz qardaşını Allah rizası üçün ziyarət etməyə getdiyi zaman səmadan bir carçı belə deyir: “Xoş gəldin. Sənin üçün Cənnət uğurlu oldu”. Allah Öz Ərşinin səltənətində isə belə buyurur: “Qulum Mənim üçün (qardaşını) ziyarət etdi, ona ziyafət vermək Mənə aiddir. Mən ona Cənnətdən başqa bir ziyafətə razı olmaram”.

Əbu Yəalə, 4140. əl-Albani “Silsilətul-Əhədisis-Sahiha”da (№ 2632) səhih olduğunu bildirmişdir.

Əbu Hureyra (Allah ondan razı olsun) rəvayət edir ki, Peyğəmbər ﷺ demişdir:

“Adam öz dostuna baş çəkdikdə, yaxud onu ziyarət etdikdə¹ Allah ona belə buyurur: “Xoş gəldin, gəlişin də uğurlu oldu. Sən Cənnətdə özün üçün bir yer tutdun ”.

ət-Tirmizi, 2139; İbn Macə, 1443; əl-Buxari “Ədəbul-Mufrad” 345. əl-Albani hədisin həsən olduğunu bildirmişdir.

(1). Əslində, “baş çəkmək” və “ziyarət etmək” kəlmələri, eynimənalı kəlmələrdir. Lakin ərəbcə çox hallarda “baş çəkmək” xəstəyə, “ziyarət etmək” isə sağlam adama aid edilir, “xəstəyə baş çəkdi”, “dostunu ziyarət etdi” kimi ifadə edilir. Burada Peyğəmbər ﷺ “yaxud” deməklə, “baş çəkməyi” xəstəyə, “ziyarət etməyi” isə sağlam adama aid etmişdir.

https://t.me/islamisehife

Qasim ibn Muhəmməd ibn Əbi Bəkr əs-Siddiq (Allah onlardan razı olsun) demişdir:

Bir kəsin, üzərində vacib olan Allahın haqqını bilərək yaşaması, onun üçün bilmədiyi şeylər barəsində danışmasından daha xeyirlidir.

(əd-Də'rimi fi - Musnədihi 111)

https://t.me/islamisehife

? Allaha kamil qulluq Ona itaət və boyun əymə ilə olur

✍️İbn Qeyyim (rahiməhullah) demişdir :
"Həqiqətən Allaha olan qulluğun tamamı, zəlillik və boyun əymə məqamını kamilləşdirməklə olur. Məxluqat içərisində Allaha qulluq baxımından ən kamili, Allaha zəlillik, boyun əymə, itaət baxımından daha kamil olanıdır. Qul həqiqi Himayədarı Allaha hər baxımdan zəlildir. O Allahın izzətinə, qəhr etməsinə, rəbliyinə, idarəçiliyinə, ona yaxşılıq etməsinə, nemət verməsinə möhtacdır".

? Miftəh Dərus\-Səadə 1/289

https://t.me/islamisehife

⚠️Müsibətlərə, sıxıntılara səbir edənə verilən üç böyük fəzilət

1) Saysız-hesabsız  mükafat verilər

✍️Uca Allah buyurur : "Yalnız səbir edənlərə mükafatları saysız-hesabsız veriləcəkdir".
? əz-Zumər, 10

2)Allah onun dərəcəsini ucaldar

✍️Allah rəsulu (sallallahu aleyhi və səlləm) demişdir : "Həqiqətən Allah  qul üçün əməli ilə yetişə bilmədiyi yüksək bir məqam yazmışdırsa, (onu o yüksək məqama çatdırmaq üçün) Allah onu ya cəsədi ya malı yadakı övladı ilə sınağa çəkər".
? Əbu-Davud, 2686

3)Uca Allah onun günahlarını bağışlayar

✍️Allah rəsulu (sallallahu aleyhi və səlləm) demişdir : " Mömin kişi və qadın özünün, malının, övladının başına gələn müsibətlərlə o qədər imtahana çəkilər ki, hətta Allahla qarşılaşdıqda onun heç bir günahı qalmaz".
?Tirmizi, 2323

*? Qeyd olunmuş bu fəzilətlər, yalnız o kəs üçündür ki, onun  başına müsbət gəldikdə Allaha təvəkkül edər, müsibətə səbir edər, bunun Uca Allah tərəfindən bir sınaq olduğunu bilib, bu acı qədərə boyun əyər.
Allahım! Qəzzada və digər yerlərdə sıxıntıda, əziyyətdə olan, zülmə məruz qalmış müsəlmanlara yardım et! Onların bu sıxıntılarını günahlarının kəffarəsi, dərəcələrinin ucalması üçün səbəb et! Həqiqətən Sən qullarına qarşı ən rəhimli olansan!*

https://t.me/islamisehife