چەند ڕێنوێنیی ئەمنییەتی
لەپێوەندی لەگەڵ کەناڵە تێلێگرامییەکان

چالاکی کردن لە کەناڵە تێلێگرامییە نەناسراوەکان، ڕەنگە ببێتە هۆی لە مەترسی کەوتن و ئاشکرا بوونی کەسایەتیتان. هێندێک لە ئەدمینی کەناڵە تێلێگرامییەکان بە کەڵک وەرگرتن لە رۆباتە نەناسراوەکان (Bot) دەبنە هۆی لە مترسی کەوتنی ئەندامانی کەناڵەکان و ئاشکرابوونی ژمارە تەلەفوونەکانیان.
لێرەدا چەند خاڵ لەپێوەندی لەگەڵ کەناڵە تێلێگرامییەکان باس دەکەین:
- هیچ ڕۆباتێک بەکار مەهێنن، بەتایبەت باوەڕ بە هیچ ڕۆباتێکی نەناسراو مەکەن.
- کەناڵە تێلێگرامییەکان زیاتر لە ئەدمینێکیان هەبێ.
- ڕەشکردنەوەی چەتەکان، کەڵک وەرگرتن لە ژووری ئەمن، کلیک نەکردن لەسەر لینک و فایلەکان تا لێیان دڵنیا نەبن.
- چالاک کردنی پێناسەی دوو قۆناخی. دانانی ئیمێڵ و پاسوۆردی باش.
- ڕەش کردنەوەی بەردەوامی بەشی کەشی تێلێگرام.
- ئەدمینی کەناڵەکان پێویستە ئەو لینک و فایلانەی هاوبەشی دەکەن، لەبواری ئەمنییەتیەوە چێک بکەن.
- ئاگادار بوون لەو پەیامە ساختانەی بە ناوی تێلێگرامەوە بۆتان دێ.

Telegram channel: @kurdcybar
Telegram Contact: @kurd_cyberi
Instagram: www.instagram.com/kurd.cyberi

شێوازەکانی کارکردی هەژمارێکی ساختە
سەرەتا دەقێکی ئامادە کراو بەمەبەستی بڵاوکردنەوە بۆ ئەمجۆرە هەژمارانە دەنێردێ.
ئەم هەژمارانە لە فۆرمی شارۆمەندێکی ئاسایی دەچنە نێو تۆڕە کۆمەڵایەتییەکانەوە و بەشێوازی جۆراوجۆر کاربەر بۆ لای خۆیان رادەکێشن. پاشان هێڵی سیاسی – ئەمنییەتیی لە پێش‌دا داڕێژراو دەبەنە پێش.
ئەم هەژمارانە دەتوانن مۆنیپۆلاسیۆنی (دەستێوەردان، کۆنترۆڵ و کاریگەری) بیروڕای گشتی لە ڕیگەی دروستکردنی وێنایەکی ساختە لە ڕێژەی پشتگیری یان دژایەتی کردنی بابەتیكی تایبەتی کۆمەڵگە بکەن. ئەم کارە زۆرکات لە ڕێگەی تەکنیکەکانی وەک بردنەسەری ساختەی ژمارەی لایک، هاوبەشکردنی بابەت و دانانی کۆمێنت ئەنجام دەدرێ.
تایبەتمەندییەکانی هەژمارێکی نائەمن:
١- چوونە نێو باسە گرینگ و هەستیارەکان و بەلاڕێ‌دا بردنیان.
٢- شناسایی شوناسی کاربەران.
٣- بڵاوکردنەی بابەتی سەرنج ڕاکێش بەمەبەستی ڕاکێشانی کاربەر.
٤- کەڵک وەرگرتن لە وێنای کەسایەتییە بە ناوبانگەکان بەمەبەستی زەربەلێدان لێیان.
٥- دروستکردنی ناکۆکی و دووبەرەکی.
Telegram channel: @kurdcybar
Telegram Contact: @kurd_cyberi
Instagram: www.instagram.com/kurd.cyberi

هوشداریی "گووگل پلەی"

🔷سیستەمی ئەمنیەتیی "گووگل پلەی" (google play) بە نیشاندانی هێمایەک، هوشداریی بە کاربەرانی سیستەمی ئەندرۆید داوە کە ئەپڵیکەیشێنی "بلە" سیخوڕی لە زانیاریی سەر گوشییەکانیان دەکا.
ئەم هوشدارییە لەلایەن قەڵخانی ئەمنییەتیی گووگل پلەی بڵاو بۆتەوە کە ئەرکی ئەم بەشە لێکۆڵینەوەیە لە ئەمنییەتی بەرنامەکان و پاراستنی دەیتای کاربەران. گووگل پلەی باس لەوە دەکا ئەپی "بلە" هەوڵ دەدا تا سیخوڕی و دزی لە زانیارییەکانی وەک: SMS، وێنە و ڤیدیۆ، پەیامی دەنگی، مێژووی پیوەندییەکان و هتد بکا. لەم پیوەندییەدا داوای لە کاربەران کردوە بە هیچ شێوەیەک ئەم ئەپە بەکار نەهێنن.
پێویستە بڵێین "بلە" کاروباری بانکیش ئەنجام دەدا و لەم پێوەندییەدا دەستی بە زۆر زانیاریی بانکیی کاربەران رادەگا. لە حاڵێکدا بەپێی پرۆتۆکۆلە جیهانییەکان هیچ ئەپێکی (پەیام رەسان) هەقی ئەنجامدانی کاروباری بانکیی نیە.
تیمی "کورد سایبەر" پێشتریش ڕایگەیاندبوو بە هیچ شێوەیەک ئەپ و بەرنامەکانی دروستکراوی نێۆخۆی ئێران بەکار نەهێنن.

Telegram channel: @kurdcybar
Telegram Contact: @kurd_cyberi
Instagram: www.instagram.com/kurd.cyberi

نەورۆز و ئاگر، هێمای دیرۆکی دێرینمان، هێمای ژین و ژیانەوەمان،
لە هەموو کورد پیرۆز بێ.

جامانەی شۆڕش و خۆڕاگری لە کوێ بێ، ئێمە لەوێین.

Telegram channel: @kurdcybar
Telegram Contact: @kurd_cyberi
Instagram: www.instagram.com/kurd.cyberi

بڵاوکردنەوەی فایلی بارگاوی
لەژێر ناوی زانیاری و هەواڵی ساختە

لە چەند ڕۆژی ڕابردوودا بەسیجی سایبێریی ڕێژیم لەژێر ناو و زانیاریی ساختە، هەروەک لە وێنەکەدا دیارە، فایلێکی لە جۆری فۆرمەتی ئەندرۆید (.APK) - (apk.بەپەلە)، دروست کردوە و لە نێو تۆڕە کۆمەڵایەتییەکان بڵاویان کردۆتەوە و راستەوخۆ بۆ زۆرێک لە هاوڕێیانیان ناردوە.
ئەمجۆرە هەوڵانە رەفتاری سایبێری – سیخوڕیی هەمیشەیی ڕێژیمە بەرامبەر بە شۆڕشگێڕان و خەڵکی ئێران.
هەروەک پێشتریش ڕامانگەیاندبوو، بە هیچ شوێک ئەمجۆرە فایلانە مەکەنەوە. بۆ هەر جۆرە بابەتێکی لەمشێوەیە تیمی تایبەتی (کوردسایبێر) ئاگادار بکەنەوە.
چەند خاڵ لە مەترسییەکانی ئەم بەدئەفزارە:
- دەسراگەیشتن بە لیستی کۆنتاکتی مۆبایلەکەتان.
- بەکارهێنانی کامێرا و میکرۆفۆن بەبێ ئیجازەی بەکارهێنەر.
- دەستڕاگەیشتن بە مێموری سەر مۆبایل لە جۆری SD Card.
- ناردنی هەر جۆرە زانیارییەکی سەر سیستەمەکەت بۆ کەسی سێهەم و دەسڕاگەیشتنی ئەم کەسە بە سیستەمەکەت.
Telegram channel: @kurdcybar
Telegram Contact: @kurd_cyberi
Instagram: www.instagram.com/kurd.cyberi

پەیامی ساختەی یارانە

🛑 لە بەرەبەری "٢٢ی ڕێبەندان" و هەڵبژاردنەکانی مەجلیس، ڕێژیمی دابراو لە هەموو ڕەواییەکی جەماوەری، بۆ ڕاکێشانی سۆز و سرنجی خەڵک بۆلای خۆی، دەستی کردوە بە دابەشکردنی یارانەی نەختی و (کالا برگ الکترونیک).
ئەم یارانەیە بەشێوەی پەیام بۆ خەڵک دەچێ. بەڵام لەگەڵ ئەمجۆرە پەیامانە، بە ڕێژەیەکی زۆر پەیامی هەڵگری لینکی بارگاوی بۆ خەڵک ناردراوە.
ئەم لینکە هەروەک لە وێنەکە دیارە لینکێکی (spam) سیخوڕییە کە بەهیچ شێوەیەک نابێ بکرێتەوە.
ڕێژیمێکی تێرۆریست و جینایەتکار، تەنانەت لە دابەشکردنی یارانەیەک کە نرخی کیلۆیەک پیازی نیە، بە لەژێر پێ نانی هەموو بەها مرۆییەکان، تەنیا لە بیری پاراستنی دەسەڵاتی ڕەشی خۆی دایە.
Telegram channel: @kurdcybar
Telegram Contact: @kurd_cyberi
Instagram: www.instagram.com/kurd.cyberi

بڵاوکردنەوەی بەد ئەفزارێکی مەترسیدار
🛑لە چەند ڕۆژی ڕابردوودا بەسیجی سایبێریی ڕێژیم پڕۆگرامێکی لەسەر فۆرمەتی جۆری ئەندرۆید (.APK) (apk.وێنە)، وەک لە وێنەی سەرەوە دیارە، دروست کردوە و بە بڵاوکردنەوەی لە نێو تۆڕە کۆمەڵایەتییەکان و ناردنی بۆ کەسانی تایبەت لە هەوڵی بارگاوی کردنی سیستەمەکان دایە.
داوا لە هەموو لایەک دەکەین بە هیچ شوێک ئەمجۆرە فایلانە نەکەنەوە. بۆ هەر جۆرە بابەتێکی لەمشێوەیە تیمی تایبەتی (کوردسایبێر) ئاگادار بکەنەوە.
چەند خاڵ لە مەترسییەکانی ئەم بەدئەفزارە:
- دەسراگەیشتن بە لیستی کۆنتاکتی مۆبایلەکەتان.
- بەکارهێنانی کامێرا و میکرۆفۆن بەبێ ئیجازەی بەکارهێنەر.
- دەستڕاگەیشتن بە مێموری سەر مۆبایل لە جۆری SD Card.
- ناردنی هەر جۆرە زانیارییەکی سەر سیستەمەکەت بۆ کەسی سێهەم و دەسڕاگەیشتنی ئەم کەسە بە سیستەمەکەت.
Telegram channel: @kurdcybar
Telegram Contact: @kurd_cyberi
Instagram: www.instagram.com/kurd.cyberi

Telegram channel: @kurdcybar
Telegram Contact: @kurd_cyberi
Instagram: www.instagram.com/kurd.cyberi