مـــلاحظـــــه
القصيدة للشاعر المبدع
حسين الحسيني

ايات التغابن تروي و الطور
عن ميلاد اعظم إمبراطور
يوم اخمسطعش شعبان ميلاده
و التاريخ عدنه واضح اسناده
عن ميلاد اعظم إمبراطور ..

نبحث بالكتب و نواصل الرحله
عن جوهر المهدي و جامع السهله
صفحات بگلبنه نريد نفتحله
لايام الظهور نگوم نحسبله
من ميلاده حَد ساعة ظهوره
رغم العده و اهوال الخطوره
يوم اظهوره نبقى انتاني ميعاده
و التاريخ عدنه واضح إسناده
عن ميلاد اعظم إمبراطور ..

راجعنه الصحاح الستّه و اقرينه
عنّ المهدي كلشي امفصّل الگينه
كل الظلم يوم اظهور مهدينه
ينهار و تظل تختَل موازينه
يذكرها الكليني برؤى الكافي
بكتاب البحار بشرح وافي
جند ابليس من ايجيبها اطراده
و التاريخ عدنه واضح إسناده
عن ميلاد اعظم إمبراطور ..

يوم اخمسطعش شعبان من كل عام
عيد انجدده و بي نطرد الأوهام
عن عترة محمد ناخذ الأحكام
مو دين السقيفه الدمّر الإسلام
عن دين و عقيده و عن بصيره
نجتاز الدهاليز الخطيره
و الملحد بدينه نرفض الحاده
و التاريخ عدنه واضح إسناده
عن ميلاد اعظم إمبراطور ..

احنه اول مسلّه السَنّت القانون
مو طوفان نوح و ما جرى لذنون
من گبل الخليقه و من گبل فرعون
شيعه مهدويّه گبل كل الكون
من طينة محمد و آله احنه
من عالم الذر بصوت صحنه
دين الفوز هاذه و هاي ابعاده
و التاريخ عدنه واضح إسناده
عن ميلاد اعظم إمبراطور ..

يوم اخمسطعش شعبان ننتظره
يَم حسين نرفع راية الثوره
اجمل يوم هاذه عدنه نعتبره
و نقيم احتفال بفرحة الزهره
عيد و نحتفل يا محله هالعيد
صك الجنّه نلنه بعد شنريد
يعني الشيعي فاز و حقق مراده
و التاريخ عدنه واضح إسناده
عن ميلاد اعظم إمبراطور ..

للشاعر المبدع
حسين الحسيني

مـلاحظـه :ــ
القصيدة :ــ للشاعر حسين الحسيني

گرب يوم الساعه و انشگ الگمر
مولد العباس بالعيد الأغر
كل سنه تنعاد
فرحة الميلاد ..

اربعه بشعبان فرحه كل سنه
تحيي ميلاده الجموع المؤمنه
روحنه بحب ابو فاضل مُدمِنه
يحتفل ظاهر الكون و باطنه
كل معاجز موسى ظهرت للگمر
من مشه يوم الطفوف اعله النهر
عدنه بيها اسناد
فرحة الميلاد ..

خزرِته زلزال دامي لو خِزر
غضبته بركان ينذر بالخطر
لغز عالكون و حمل علم الجفر
بيرغه بالحرب ما مرّه انكسر
ابو راس الحار يتسمّه غِده
وارث احرورة غضب من والده
سيد ابن اسياد
فرحة الميلاد ..

بالغضب طوفان و سيول و رَعد
على خشم الموت لو رايد صعد
وعد من الباري ما يخلف وعد
بسمه غنّت فوگنه طيور السعد
بأجمل الأشعار صغناله مديح
و الحناجر تصدح بحبّه تصيح
صوت بالانشاد
فرحة الميلاد ..

گمر يتحكّم بكل مَد و جزر
يحله مدحه بعين و اشفاف الشعر
اسمه عنوان انكتب باول سطر
فدوه للعباس لو اگضي العمر
مملكه للعشگ نحمل بالگلب
ابو فاضل أسد ميدان الحرب
نقره بالارصاد
فرحة الميلاد ..

گمر هاشم و النعم من هالگمر
روحه عالم خير و اچفوفه بحر
من زغرنه انحبّه و الحب استمر
اتسبّح الأملاك لو اسمه انذكر
عن گمر هاشم ابد ما نفترگ
هاي قصّتنه بمضامين العشگ
نحيي باستعداد
فرحة الميلاد ..

للشاعر المبدع
حسين الحسيني

طِلعت اجنازه امنالسجن

بغــداد مـرجـونـه رَجـــن
طِلعت اجنازه امنالسجن

هـالصـوت رَدد بـالفَضـه
وَوِّيلا يـالكـاظـم
عالجسر نعش اُبو الرضا
وَوِّيلا يـالكـاظـم
شيعـوا إمـام الـرافضــه
وَوِّيلا يـالكـاظـم

لبسـوا السواد ابهـالحـزن
طِلعت اجنازه امنالسجن

قصه بـدمـه السم كتبته
وَوِّيلا يـالكـاظـم
بـالسجن موسى بغربتـه
وَوِّيلا يـالكـاظـم
عدوانـه بـالســم سمتــه
وَوِّيلا يـالكـاظـم

إبـآخـر رجـب لــن ينعلـن
طِلعت اجنازه امنالسجن

بالدفـن لـن صوت اعتلـه
وَوِّيلا يـالكـاظـم
رگبـة ابــن عقــد الــولــه
وَوِّيلا يـالكـاظـم
تجـري دمـه امنـالسلسلـه
وَوِّيلا يـالكـاظـم

تُـوجـع يلحظات الـدفـن
طِلعت اجنازه امنالسجن

هالعَــزه قِيمـوا كـل سـنه
وَوِّيلا يـالكـاظـم
هــــارون الله يلعنــــه
وَوِّيلا يـالكـاظـم
سَمَّــم الطيــب معــدنــه
وَوِّيلا يـالكـاظـم

يستحـق هــارون اللعـــن
طِلعت اجنازه امنالسجن

نشرَوا سـواد ابحضـرتـه
وَوِّيلا يـالكـاظـم
مشـايــه نــاسـه اتعنتــه
وَوِّيلا يـالكـاظـم
باللطـم تبچــي و زارتــه
وَوِّيلا يـالكـاظـم

لــزيــارتــه كلــهــا تحـــن
طِلعت اجنازه امنالسجن

كلمـن گصـدلـه ابحـاجتـه
وَوِّيلا يـالكـاظـم
و قـدم طلبتــه بـدمعتــه
وَوِّيلا يـالكـاظـم
إيـرد لهلـه بيــده طلبتــه
وَوِّيلا يـالكـاظـم

و المدمع امجرح الجفـن
طِلعت اجنازه امنالسجن

كريم الحاج فليح
٢٢ ــ ١ ــ ٢٠٢٥

حمزه قصة حب حسيني

يـاهـو خِلْدَتله قصيده
بكل زمن و أصبح سفير
للقضيــه الحسينيــه
عدنه بس حمزه الـزغيـر

أنطلــق مـن كـربلــه
الماضي و الحاضر إلـه
عدنه بس حمزه الزغير

تشهد الحمزه المنابـر
و المجالـس شـاهـده
لإن أخلَــص للحسين
حسين چان امسدده
اطواره من ذاك الزمان
و هسه چنها امجدده
كل قصيده الي قراها
الـهـالــوكـت متخلـده

هـذا لخــلاص الحقيقـي
بكلشـي للمـولــه يجــود
يُذْكَر أسمه اعله المنابر
حتى لـو وسط اللحـود

الـنـاس تشهدله و هَلَـه
الماضي و الحاضر إلـه
عدنه بس حمزه الزغير

صاحب الفطره السليمه
و خادم اصحاب الكِسَـه
فَلْتَــت الـتـاريـخ هــــوَّ
و أصبح إلنـه المــدرسه
منبـر حسـين ابعظمتــه
مُلَّـــه حمـــزه عـــابســه
بـي عطـر شهر المحـرم
نسمعـــه و نتنفســه

(إحنا غير حسين) صارت
تسـري وي دَم الــوريــد
تبتــدي بيهــا المجالـس
و تِختَــم بهــذا النشيـد

إي وحــگ عقـد الـولـه
الماضي و الحاضر إلـه
عدنه بس حمزه الزغير

اليِّخلص الإبـن الـزچيـه
مـــا تشـوبــه مَثلبـــه
ينـول بـالـدنيـه الكرامـه
و آخــره اعلَـــه مــرتبــه
ثنينهـن حمـزه حـواهــن
مــن خِـدم ســيد الإبـــه
و الخِـدَم لحسـين گلـــي
ابگبـره يــاهـو يحـاسبـه

( گلـي يالميمون ) لِسـه
تنقــري ابمـدمـع يسيـل
الـــرد ينـادي بـالظليمـه
البت علي حامي الدخيل

بـالكُــرب رَد و البلــــه
الماضي و الحاضر إلـه
عدنه بس حمزه الزغير

مـا يـدور شهـره حمــزه
و لا وكيـل إعمــال إلــه
و لا حراسه ولا حمايـه
هـالفعـل مــا يقبلـــه
و لا قنـاة اتبث مباشـر
و مجلسه إلّــه تنقلــه
حمزه عالَم ثاني عدنـه
انقــدسـه و نجللـــه

( يُمـه ذكـرينـي ) بإلمهـا
صـورت إعظـم مصـاب
تــإلــم الفگــدت إبنهـــا
مـن تمــر زفــت شـباب

اُويـالـدمـوع الـهـاملــه
الماضي و الحاضر إلـه
عدنه بس حمزه الزغير

حمزه قصة حب حسيني
و يــا فخــرنــه ابقصتــه
طـوبـى للســار ابمسـاره
و اغتـرف مــن سيـرتــه
حمـزه متـوسـد التــراب
و لسـه تضـوي شمعتــه
حمزه ما عـاف الحسين
گَضَّـه عمـره بخـدمتـه

( شلون ليله ) من قراها
بصوت مَوجوع و حزين
زينـب ابلـيـل المصيبه
راحت أتـودع الحسـين

الموقـف أنــت اتخيلـه
الماضي و الحاضر إلـه
عدنه بس حمزه الزغير

كريم الحاج فليح
١١ ــ ١١ ــ ٢٠٢٤

القدس منتظره و اتانينه

.
.
.

حشد كلنا ونمشي وفق المقتضى
تصدر الفتوى يبـو محمد رضـا
إي وحگ اعيونـك
حشـدك ايتانـونك
تصدر الفتوى يبـو محمد رضـا

.
.
.
فتـوى منـك ننتظـر تفتيها
يا اُبـو محمد رضا أنتانيها
اليهـود انعيدها الماضيهـا
السافل انگلبه على عاليها
.
هــي يـا قبــه الحـديـديـه تــره
تصمد ابوجـه اليـوالـي حيدره
بالشـدايـد عـونـك
حشـدك ايتانـونك
تصدر الفتوى يبـو محمد رضـا

.
.
.

فدوه يا مولاي فتوى انطينه
تدري عالسكته صبر ما بينه
الجره ابغـزه تـره مـاذينـه
والجره بلبنـان عَـز إعلينـه
.
اكثـر العـربـان صابـاهـه العمـه
ناموا ابحظن العماله المظلمـه
و كلهم ايعرفونـك
حشـدك ايتانـونك
تصدر الفتوى يبـو محمد رضـا
.
.
.

بـالكفـائـي الفتـوى لنتـانيهــا
و بـالجهـاد الأعظم انسميهـا
إلا إســرائيلهــم نمحيهـــا
مثل داعش يوم دسنه عليها
.
و الحكومات العميلـه المجرمه
دواهم ابقوة بزلم حامي الحمه
أتذلهم و يدرونك
حشـدك ايتانـونك
تصدر الفتوى يبـو محمد رضـا

.
.
.

القــدس منتظـره و اتـانينــه
حشدك يتاني ودمعته بعينـه
بس اشاره انـريـد يـا والينـه
نصير طوفان و نهـد تدرينـه
.
هناك حـزب الله ينـادي يا هلـه
هـلا بـالبيهـم عطـر مـن كـربلـه
الـقـائــد يسمونـك
حشـدك ايتانـونك
تصدر الفتوى يبـو محمد رضـا

.
.
.

حلم عدنه القدس نـوصل ليها
وي حسن نصر الله ندخل بيها
بـالصـلا و الأدعيــه نحييهـــا
الشيعه و السـنه سـوه نصليها
.
سلاحنـه إيـأذن إذان الـغـانمـه
و ندعي للسيستاني الله يسلمه
كلهـــم يحبــونــك
حشـدك ايتانـونك
تصدر الفتوى يبـو محمد رضـا
.
.
.
.

كريم الحاج فليح
٢٥ ــ ٩ ــ ٢٠٢٤

فاخرنـه الفخـر

بهـالعقيـده الجوهريـه
شيعه احنه و جعفريه

حچايه مـا بيها جـدل
شيعـه احنـا امنالأزل
عن علم مو عن جهل

تبعنه ابـن حامي الحميه
شيعه احنه و جعفريه

دورينــــه ابكـــل درب
مــن شَـرقهــا للغـــرب
مـاكـو غيـرك بـالگلـب

سـيدي يبــن الـزچيـه
شيعه احنه و جعفريه

يـا أبــن سيـد البشـر
سادس اليمـه الــدرر
بيـك فاخرنـه الفخـر

يـا فخـر كـل البـريــه
شيعه احنه و جعفريه

جعفر و اصـل الشرف
حتـى ليضـده اعتـرف
مـن بحر علمك اغترف

الشــافعــه و الحنبليـه
شيعه احنه و جعفريه

بعصـرك العلــم أزهـر
مـدرسه المَـر الـدهــر
و نـــور علمـك انتشر

يــا أمـــام الــرافضيـه
شيعه احنه و جعفريه

صـوتنـه عـالـي صـدح
الليله كـل گلب انشرح
مـولـدك أعظــم فــرح

بالسمه و أعله الوطيه
شيعه احنه و جعفريه

كريم الحاج فليح
١٩ ــ ٩ ــ ٢٠٢٤

مـلائكـه انتـم لــو بشـر

اهل الكرم طـول الدهر
مـلائكـه انتـم لــو بشـر

وينـــه المثلكــم وينــه
لعـراقـي فـدوه العينـه
مـلائكـه انتـم لــو بشـر

ليش الحُسين اختار گبره ابهالأرض
يدري بوفاكم بـاقـي لا مـا ينقرض
و الخدمه عدكم اصبحت واجب فرض
حسين الشرف و الدين عدكم و العرض

هـذا الكـلام المختصـر
بي واضحه كل الصور

بالخدمه يگضي سنينه
لعـراقـي فـدوه العينـه
مـلائكـه انتـم لــو بشـر

چبير و زغيـر البيكم ايـدور الأجـر
يصير اعله درب المعتني الزاير جسر
هَمَّـه الخدامه و هَمَّـه لطمه اعله الصدر
بالخدمه يحمـد الله ويقـدم الشكر

إبــأول محــرم و لصُفَـر
يگضيهن ابخدمه وسهر

و يضحي لجل حسينه
لعراقـي فـدوه العينـه
مـلائكـه انتـم لــو بشـر

القاصي و الداني حچه بصوت العجب
شعب العراقي بالخدامه أكـرم شعب
يتعب و مـا يوم أشتكي من التعـب
لملوحه بحچاياته ابو الگلب الذهب

و بخدمة حسـين افتخر
مقتـدي بعبــاس الگمــر

رافضــي قـح تكوينـه
لعراقـي فـدوه العينـه
مـلائكـه انتـم لــو بشـر

بصيت العراقي يحچي و الله كل بلد
حتى العدو بوصافه و اخلاقه شهد
امنالذر كتب بالخدمه لحسين العهـد
يذل نفسه بالخدمه و يوفي بالوعد

امنالخدمه ما يوم اعتذر
يقيم العَزَه ايمـد السُفَـر

و هـاذي مبـادئ دينــه
لعراقـي فـدوه العينـه
مـلائكـه انتـم لــو بشـر

تبقى العلاقه أبين مخدوم و خـدم
سيـد العرب مخدومنه و سيد العجـم
حسين السبط من غيره احنه كالعدم
و لهل العراق أبهـالخدامه إكبر سهم

سَطروا قصص كلها عِبَر
بخـدمــة أيمتنــه الـــدرر

حملوا صفـات الـزينـه
لعراقـي فـدوه العينـه
مـلائكـه انتـم لــو بشـر

كريم الحاج فليح
٢٩ ــ ٨ ـ ٢٠٢٤

مستهلات عباسيه

عبـاس ابكفـه انحـط كَفــه
و خلي الكون إيكون أبكفه

طبعــا كَـف الكـافـل لارجـح
و ذيچ الكفه تضل تتمرجح

كَفـه البالطـف كفـه و وفَّـه
و خلي الكون إيكون أبكفه

زينـب عـالـمـاي امنتكلفـه
يكفف عـدوانـه ابهالكلفـه

الكــافـل بالكلفـه الـمـا يهجـع
بكيفه الجوده يترسه و يرجع

بكفه السيف الجود بكتفه
يكفف عـدوانـه ابهالكلفـه

كريم الحاج فليح
٢٠ ــ ٨ ــ ٢٠٢٤

نـاگـة زينـب ع

رغم ما عرجه گالت ما احرجچ
لخوتـچ يالعقيله كـون اوصلـچ
هذا البيدي يم عون
گلبـي عليچ محزون

صحيح السفره مـولاتـي طويلـه
و صحيح العرجه انــه و الهزيله
لچن ما دام الچ كل حمل اشيله
لَوصلچ كربلـه ابدمعـي الأسيلـه

يـدرة حيــدرا خلينـي اخـدمـچ
اُميـه و آل اُميـه فـدوه لسمـچ
كلشي الأجلچ يهون
گلبـي عليچ محزون

يَّبـت اطهر نسب فـوگ الـوطيـه
اشسوت بيـچ يـا هـالـغـاضـريـه
الأميره البت أميـر أعلـه البـريـه
عليـه ابــلا وّطــه اركبتـي عليـه

راس احسينچ موسدته حضنچ
تشمينــه و تكلمينـــه و يكلمــج
و انتـي ويـا تـونـون
گلبـي عليچ محزون

شفت بيـچ التعـب يـا هـالسبيـه
وحـگ فگـدچ لخوتـچ و الـرقيـه
راح امشي اعله كيفي دون أذيَّه
و لا اتعبـچ يبـت حامي الحميـه

ادري ينــزف أمنالسـوط متنـچ
گلِّيلـي أذا بــالممشـــه الچمــچ
امشي بهيده و بهون
گلبـي عليچ محزون

يـا أخت الـذبيح حسـين أمـامـي
نـاگه و قِبلي مـن عنـدي سلامـي
وحـگ عبـاسچ المذبوح ضـامـي
بـركـوبـچ عالظهـر يكبـر مقامـي

تعبچ راحه الي يالطيب اسمچ
اشـارك رايـده بهـالبلــوه همـج
واشارك كل الضعون
گلبـي عليچ محزون

يالمروضه الصبر و اصبح خليلـچ
اشيـل الجنـه احسَّن مـن اشيلـچ
طلــب عنــدي يـالمگَطَّــع دليلــچ
مــن نـوصـل تـودينــي الكفيلــچ

اريد اوياچ اون انـه اعلـه گبره
اشمن تربته و اجري أله العبره
و اون اويـاليـونـون
گلبـي عليچ محزون

عليكم و الله مـا تشفى جراحي
و شيهَوُّد علـى حسينچ نيـاحـي
سادات البشـر صـاروا أضـاحـي
و روس امعلگه فوگ الـرمـاحـي

الله ايعظمــه يـم عـون أجـرچ
خَلَّصتي حزن و ونياحه عمرچ
آ يـم خــدر مصيون
گلبـي عليچ محزون

كريم الحاج فليح
١٩ ــ ٨ ــ ٢٠٢٤

زواج النــور مــن النــور

هالليله بإلحـان الفـرح ضل ﮔلبي يعزف عالوتــر

هالليلـه بعيـون المحـب يحلـه وبعـد يلحـه السهـــر

هالليلــه بـﮕلـوب الــوفــه نهَنــي الإمــام المنظـــر
.
هالليله فـرحـان الـﮕلب لـَمَـن سمـع إجمـل خبـــر
.
هالليلــه هـادينـه النبـي زَف عالشمس بيده الـﮕمر
.
هالليلــه صَلـّـوا إعلـه النبـي وآل النبي خير البشر

.
.

زواج علي من فاطمه ( ع )
.
.
مبروك يا حامي الحمه

شنهـي الحصـل شنهـي الجـره
والتمـت أمــلاك السمـه
.
لابُــد حَـدَث كلـش مهــــم
بـالفَـرحـه كلـهـا هـايمـه
.
بـس شـو وجـوه أمعيــــده
وبعـض الـوجــوه أمـدلهمــه
.
ثـاري التِـدَلهَـم نـاصبــي
والعيــد للشيعـي سِمــــه
.
ومـن أسـألـت عـن الخبــر
أرد أعـرفـه وأستفهمـــه
.
ﮔـالـوا علـى الشيعـه أنـزلـت
هـاللـيـلـه أعظـم مَـرحمــه
.
هاللـيـلـه يتـلاﮔـه الـﮕمـر
ويَّ الشَمـس بـالـغـانمـه
.
هاللـيلـه نبعـث تهنئــــه
للمصطفى والـقـائمــه
.
هـاللـيـلـه عـرس المرتضـي
بأمـر السمــه مـن فـاطمـه

كريم الحاج فليح
من الارشيف