لما نزلت مُقابلة يارا صبري،
كنت متحمسة كتير لأسمعها، لأن بصراحة، شخصيتها بتعجبني جدًا و كثيرًا .

هلق بغض النظر عن كوّنها -باللقاء- راقية اللباس، المظهر، الملامح، و غير مُبالغة أبدًا(وهاد يلي بميزها)

إلّا إنه حوارها راقي، في كثير اسئلة طُرحت عليها(أنا لو محلها بتشكلي حساسية) بس هي حتى ردة فعلها على السؤال راقية و متزنة .

وعلى فكرة كل المُقابلة و أنا عم يمرّ على ذاكرتي -مشاهد نادية هي و تناقش صهرها المُحامي عادل- .

بشوف يارا قامة فكرية !

دار حديث بيني وَ بين رفيقتي من شوي،
عن حبّ الذات .

في جملة عفوية طلعت معي بس صحيحة كثير.

لما تحبّي حالك، العالم تلقائيًا بتحبّك،
وَ حتى لو نوجد قلّة قليلة ما حبتك، مالح تهتمي الهم، لأن بكفي أنت حابه حالك و مقتنعة بيلي عندك .

و يمكن هل حكي أنا، و أنتو، و الكلّ لازم يشتغل عليه .

بدون رياء،
أكثر شي بحبه فيني، و بقناتي .

أنه ملتهيه بحالي .

يعني آخر شي بتوقعه اني اعمل قناة محتواها احكي على فلانة و علتانة
وهي لطشها حكي، و هداك سمعه كلمتين لأن ما قدرانه واجهه .- الا ما تعلق بالأفكار لبدها نقد و بنقد الفكرة ما بنقد الشخص-

مو لأني محترمة اختلاف الشخص الآخر،
بس بحسّ عيب .

وبصراحة لأن أنا صرت انفر من الاشخاص لهيك، مابدي كون متلهن .
#ملاحظة : عم احكي بعمومية كونه الموضوع صار شائع .

و هلق نقوم ندرس سوا كوننا بعطلة السبت؟

جودة حياتي اختلفت، مِن اللحظة لقررت فيها- مَا كون ضحيّة مَشاكلي 🎋-

الألمُ الذي لا يَقتلكَ أنينهُ،
سيُولدُ داخلّك مُقاومة .
وَ هذه الفجوة الكائنة بينَ
الألم وَ التَقبل .

•جودي نِطفجي .

كنت عم أقرأ نصوصي و مقالاتي القديمة -فينا نقول بتوع هديك السنة- لقيت أخطاء فادحة بالتعبير، حتى بوجهات النظر،و الآراء . صفنت شوي، ما عرفت افرح لأن تطورت و صرت اكتشف اخطاء و عثرات الماضي، و لا ازعل على لمضى . المهم يلي استنتجت، إنه هل مرة مالقيت حدا نكد عليه،…

حتي و أنا محطم، لن ترى في وجهي سوا الرضا،
فالله حبيبي،
وكلّ ما يأتي من عند حبيبي حبيبي .

معدله لطلاب العلمي هديك السنة كان:-على العام-
212 .
على وقتي من سنتين كان:
210
طبعًا من 240.
------
أنا بالنسبة إلي، رغم إنه ما دخلته عن رغبة، بس هلق بشوفه العوض عن كلشي سيء مرّيت فيه، هيك مو اختيار الله، بحسّ هديه منه .??

?عن كلية الاقتصاد :

•كلية بيقدر طالب العلمي، و التجاري فقط يدخلها، تعتبر كلية علمية تطبيقية، يعني علامة النجاح بالمادة 60، مافيها عملي، ولا في علامات على الحضور،ولا في مشروع تخرج .

•مدة الدراسة فيها أربع سنوات، أول سنتين بندرس اقتصاد عام، بالسنة الثالثة بنختص-حسب الرغبة-(محاسبة، إدارة أعمال، إحصاء تطبيقي، مصارف و تأمين، تحليل اقتصادي) وفي ببعض الجامعات(نظم معلومات، و تسويق)

•أول سنتين كل سنة عندك 13 مادة،
أما بسنوات الاختصاص10 أو 12 حسب تخصصك .

•ماله فرع سهل متل ما بتم التداول عنه، بالعكس فرع دقيق، و بده متابعة .

•فرع متعب لطالب بده معدلات .

•مواد المحاسبة، الرياضيات، البرمجة،التحليل و الاحصاء، ممتعة، بس أساسية و بدها شغل .

•بالاقتصاد نحن مامندرس اقتصاد و بس، مندرس برمجة، قانون، عنا مقررات بتحكي عن الزراعة، النفط، البترول، العلاقات العامة، و نظريات اجتماعية، فالطالب المهتم، بلاقيه فرع غني بالثقافة!

•بالنسبة لسوق العمل:
(محاسب بكل انواعه-تكاليف، مالي، ضرائب./محاسب قانوني/مدير بكل أنواعه(تنفيدي، مالي،HR)، بشركات التأمين، بالمصارف و البنوك، دارس جدوى اقتصادي/ ناشط و محلل اقتصادي/ محلل بيانات/ ....الخ)
بالإضافة للعمل بوزارات الدولة(المالية، التجارة، ...الخ)
و فرص بالتدريس .
شركات النقل(الهرم، الفؤاد، الأهلية ..!)

والرائج حاليا، التسويق، إدارة صفحات، ترويج، المحتوى التسويقي...الخ

بصراحة مستقبله مضمون(وفيكم تستلمسوا هل شي من فرص العمل لعم تنعرض)

?هي كلشي بفيدكم، بحال في أي سؤال انا معكم بالتعليقات .

بهل يومين، حاسة بشعور اتجاه الانشطة لعم مارسهم يمكن انعدام المتعة،
وهاد الشي مالي متعودة عليه،
لذة النتائج بتتجسد بالاستمتاع خلال الرحلة .

لهيك قررت آخذ استراحة 3 أيام،
فرغ كلشي ضغوط جواتي،
و ارجع بخطة جديدة ..?