باب الكرم والجود
مثلك فـــلا موجود
من صمودك سر خلودك وبقيودك أشـــارة
حتى والي يحجي سكته بيده تنطي البشارة
يا مولاي
...........................................
من وحي عرش القداسه نزلت آيات
جاعلك رب البرية قاضـــي حاجات
أباب صحنك يابو طلبة شكد كرامات
شفنه حتــــى الطير يتنفس صلاوات
باب الكرم بابك نعم يا سابــــع العترة
كل شدة يمها تنكضي وبصاية الزهرة
تنطي بـلايا أحدود
باب الكرم والجود
الجنه جنه والمحنه أبابك الــــــــــوادم سره
العنده حاجة العنده عله بجاهك ايخلصن تره
.......................................................
يالعشت أيام عمرك حلـــــــــم مذبوح
أمنين ما تندار تلكه القلــــــــم واللوح
صاحب السجدة الطويلة  يا عمر نوح
بين حيطان السجن شكد كاتب أجروح
عايش جنت لكن متت والعاشن أنفاسك
و15 عمر الضلــــــم بس شيبن راسك
يا حجة المعبـــود
باب الكرم والجود
وبدعائك سر بكائك حكمة وأعضم موعضه
الكل تهابك واعله بابك يا أمــــــام الرافضه
......................................................
يا ملك عرشك جنت والآية صبـرك
بين وادم رادت السلــــــطه وتنكرك
أنته أنته الكاضم وضل عالـي قدرك
وينه هارون ويشوف شكبره قصرك
مثل الشمس نـوره سطع للباري معراجه
ومكوب خدم صحنك بحر تتلاطم أمواجه
عزة وفخر والزود
باب الكرم والجود
بالخدامة شكد كرامه والخـــــــــــدم كلهم وفه
شعدنه غيرك ياهو غيرك راهب آل المصطفى
.......................................................
يا كريم وبالكرم والجــــــود مقياس
هاي زوارك أجت تلطم على الراس
يا حرز كل حاجه أسمك شالته الناس
يا وحي الكــل شدة من شباجه ينباس
بحركه ودمع مثل الشمع هالجينه مشايه
لزيارتك والحضرتك رايه تــــــشد رايه
بالدم كتبنه اعهود
باب الكرم والجود
وبفقاره المهدي ثاره يبتدي من الخيم
وثارك بجفه تشوفه ينــرفع سابع علم
.......................................................
يا جرح عاش وكبر مابين اللعيون
شيب شبان وحــــرم كلهم يخدمون
هلا بالزاير هلا أنصـــارك يهتفون
فخر والله خدمتـــــك خادم وممنون
ثورة عشك من تحترك بالخدمة خدامك
نموت وتضل ثورة مجد يا كعبة آلامك
أنصارك أحنه احيود
باب الكـــرم والجود
بالمدامع والمواجع يبقى قائم عزانه
والمجالس عدنه واهس يمشي حبها بدمانه

..................................................
خادم خدمة الحسين
الشاعر
محمد الموالي

صوت أهل المواكب يا هلا كبر
هلا وكل الهلا بزوار أبن جعفر
...........................................
بدموع   الحزن   والآه   والونه
لبن جعفر زحف حفاي نتعنه
مشايا   أجينه   وهاي   جيتنه
تسد عين الشمس شفنه مواكبنه
أهل غيره اووفه              ونشيد العاطفه
خدم كلنه وكفنه الكطعة المنحر
هلا وكل الهلا بزوار أبن جعفر
.......................................
من كل ديره أجينه زحف مشايا
أجينه وشفنه  طيب وكرم لولايه
أهل  بغداد  حيهم  رفعوا  الرايه
هلا   بزوار   أبن   جعفر   الوفايه
الشبيبه والحرم            فخر كلهم خدم
باجر فاطمة تجازيها بالمحشر
هلا وكل الهلا بزوار أبن جعفر
..............................
جنة  خدمة الزاير رضى  الزهرة
وحب آل النبي مولود عالفطرة
يهنياله الذي خادم كضه  عمره
علي ايجازيه باجر لمن ايحضره
وأبو طلبه شمس       خدمته أعضم درس
بكل شده تشوفه الشيعته يحضر
هلا وكل الهلا بزوار أبن جعفر
..................................
من في الحسن عدنه الكرم عاده
وشفنه الشيب شفنه الحرم والساده
هذا الفتح بابه ذاك اجه بزاده
وهذا الفرش ماي أعيونه سجاده
مثل عطر الورد         اليجي الحد مايرد
هلا بيكم هتفنه ويا هلا وأكثر
هلا وكل الهلا بزوار أبن جعفر
..............................
عفنه   الدنيا  عفنه  الدار  مأمونه
وكل خادم ترس من خيره ماعونه
خدم والناس عالخدمة  يحسدونه
أبو طلبه   اليخدمه  يترس  أعيونه
عهد نقسم عهد            نضل أعله الوعد
شما عشنه عمرنه بخدمته نفخر
هلا وكل الهلا بزوار أبن جعفر
.................................
خادم خدمة الحسين
الشاعر محمد الموالي

كُلشي أنتهى ومات الحلم
وبعيون زينب ينرســــــم
شام
الهســـــــــــه محنية ضهر
عشت ومتت مــــــن القهر
شام
......................................................
يا روحي الجروح أهواي أبدي بيا جرح منهن
ألمشت وي روس أخوتي أشلون من يا راس أحسبهن
أبدي من جــــرح عباس وجان أجفوفه مطلعهن
لو من راس أخوي حسين حيرة أوصاله شيلمهن
من الخيــــــــــم للتل جنت
أركض ومدري شكد طحت
شام
والهســــــــــــــه محنية ضهر
عشت ومتت مــــــــــــن القهر
شام
...............................................
من ظهرية العاشر بدت قصة معانتــــــــــــي
من عفت الجثث عالكاع ومشيت أكبال شماتـي
جنت من ألتفت عباس أشوفه يمحـــي خطواتي
وأجفوفه أعله راس حسين يفين وأجري دمعاتي
ومن أنضرب أسمع صدى
عباس و ينكط نـــــــــــــده
شام
والهســــــــــــه محنية ضهر
عشت ومتت مــــــــــن القهر
شام
..................................................
من طبيت ويلي السوك وبأذني الشماته أسمع
ما عدها أهل خوان تجـــي الهاي المره تفزع
مشيت وكاطفونه أحجار وليه وجان منها أروع
من أنصاب أخوي حسين راسه وبالدمه أتوزع
وطبت القصر جانت أشد
من السبـــــــــي الله واحد
شام
والهســـــــــه محنية ضهر
عشت ومتت مـــــــن القهر
شام
.........................................................
كل هاي الجروح وجان بيه أمن الخيم جمرة
من الشام لأرض للشام زينب رجعت أمكدرة
عشت وبيه جـــــان الشيب يومية يشب عمرة
لحد كطع النفس عباس أريدة وداعت الزهرة
أتمنيته يحضر دفنتي
وبيده يشيــع أجنازتي
شام
والهســــه محنية ضهر
عشتت ومت مــن القهر
شام
.........................................................
من طبع التموت أتريد خوان التجي وتحضر
وأخوتي مذبحين وضال واحــــدهم سليل البر
آه الشام ويلي الشام مدري شضاملــــي وأكثر
ويلي وحتى زواري تجيني مــــــــــا بعد تكدر
حال الصحن مثل الضعن
من أنسبى وشاف المحن
شام
والهســــــــه محنية ضهر
عشت ومتت مــــــن القهر
شام
.......................................................
خادم خدمة الحسين
الشاعر
محمد الموالي

يمه يا زينب وصيتي      كبل لا تكرب منيتي
لمن يجي حيدر ما يكدرخدي ينضره
غطينــي بالشيله وكليله أمي امسافره
.............................................
يا ضوه اعيوني وحياتي وحلم عمري
أتقربي وخلينـــي اضمج فوك صدري
آنه صح مكسور ضلعي وحتى ظهري
ردت آخذ صوغه عطرج لحـد كبري
زحمه اطب الكبري يمه بهذا عطري
خوفي لا حيدر يشمني وشنهو عذري
يمه والدخان بيه    طابع ويمسح بديه
من أحترك بابي ..بحجابي..ضل طابع أثر
والخاطر العفه..أهو وفه..او وياي انعصر
عفتي أحجابي وهويتي
يمه يا زينب وصيتي
......................................................
يمه يا زينب أوصيج ابوصيــــه
من يجي حيدر تعالي لزمي اديـه
وبعد كليله الجره والصار بيـــــه
ولا تكليله أعله خدي وهاي هيـه
خوفي من ايشوفني يوكع عليـــه
علي من يدفن علي انعوفج سويه
أثنينه ألله خلقنــــه    عافيه ونمطر محنه
نشهك نفس واحـد والشاهد حب المصطفى
تاريخ ابو الحمله عليه صلى وبفراشه غفه
وفاطمة كله بحميتي
يمه يا زينب وصيتي
....................................................
ال وأن يا يمه بالــــج يدري بيها
حيدر ابروحــه الوصية مشتريها
فاطمة كليلة من هجموا عليها
يا علـي صاحت دخيلك ما تجيها
أمــــي خلف الباب والنار أبأديها
طاحت وضل يابس بخدها بجيها
ولا تكليله اعله خدي     لحد ما يضهر المهدي
بيمينه فقاره وبثاره يرجع حكــــــــــي الي
شما طالت المده وحك جده ابو الحمله علي
يضهر ويبنيلي بيتي
يمه يا زينب وصيتي
.......................................................
يمه زينب نشفــــي دمعج يالحنينه
وكومي شوفي والـــدج يايمه وينه
وصلت النار الحجرنه ومــا يجينه
هــــذا مو من طبعه الا محاوطينه
يمه آنه أشتم علــــي واسمع ونينه
يمه أي يمه هـــــــــــذاك امكيدينه
بالحبل يا يمه شفته      مجتف ويهمل دمعته
أسمع صده الحسره وبصدره يمه مختنك
معقوله أنه حيدر أسد خيبر بيتي يحترك
واعثر بميلة مشيتي
يمه يا زينب وصيتي
..................................................
يمه أوصيج اعله اخوتج يمه بعدي
فاتحة عاشور ضلعي ولون خـــدي
لو ذبح لـــــو سم حياة أولادي تبدي
يمه خل عينج بعينــــي وهذا وعدي
يمه لو شفتــــي الحسن يا يمه ردي
بالطشت دم جبده يوكـــع لا تصدي
دمعتج عازتها عازه     بكربله تصبح جنازه
من الكفى احسينج ضــــي عينج يمه ينذبح
وهذا الدمع وكته يجي سكته يمه وما يصح
ذخر ضميه العزيتي
يمه يا زينب وصيتي
..........................................
خادم خدمة الحسين
الشاعر
محمد الموالي

آهاتــــي .... آهاتــــي
آه يام حسين آهاتـــي
حسراتي .... حسراتي
فاركنه البين حسراتي
يمفتاح الصبر ولا يسوه العمر
حسراتي
.................................
يا دمــــع العين من وين الوين
جرح أفراك الزهرة أمتاني
طيـــــــــر ومذبوح أمن العصره أينوح
ومثل أهلال أمشي خلاني
من باب الباب عرش ومحراب
أرسم صورة باب أحزاني
يا ريته....يا ريته
يلفيني الموت يا ريته
تانيتـــه....تانيتـــه
دمعه وتابوت تانيته
مثل شمعة أنتضر ولا يسوه العمر
حسراتي
...............................................
معقوله وجان نار ودخان
الخانك ريتي أباب الزهرة
واقع لو طيف محراب السيف
كدامه أتطيح أسنين العشرة
ما هزه الصوت من شاف الموت
ياخذ روحه ويجري العبرة
بحساسي...بحساسي
كل جرحي انشاف بحساسي
أنفاســـي...أنفاســـي
ديرة وتنعاف أنفاسي
جزع مني الصبر ولا يسوه العمر
حسراتي
.............................................
عشت بلا راي شاطي بلا ماي
وشل دمعي وشيب راســـي
من شفت النار واباب الدار
الجانوا صحبة وجانوا ناسي
أيحركون الدار جن عدهم ثار
وباكوا حلمي وملح أحساسي
بعيوني...بعيوني
شفته يسب فاطم بعيوني
يدروني...يدروني
أموصيني ولازم يدروني
بعد هذا الكسر ولا يسوه العمر
حسراتي
..............................................
ويلي بيا حال فاطم من كال
شيخ الزمرة الوأن تسمعها
من خلف الباب عفه واحجاب
والداني بكل قوته يدفعها
بيديها النار وجان البسمار
يجويها وكسًر منها أضلعها
من طاحت...من طاحت
طاح المحسن من طاحت
وشصاحت ... وشصاحت
وي طبك الجفن وشصاحت
والخد المنسطر ولا يسوه العمر
حسراتي
.............................................
صوت اليا ويل وي صوت الليل
شيع نعشي وشيع حلمي
أمشي خطوات واعثر مرات
وينهد حيلي وينحل جسمي
وأسمع لاوين ها يابو حسين
بويه أعليك أمي رد أمي
أطفالي .... أطفالي
جوني يركضون أطفالي
والحالي....والحالي
كاموا يبجون والحالي
وحفر دمعي الكبر ولا يسوه العمر
حسراتي
................................................
خادم خدمة الحسين
الشاعر
محمد الموالي

مالت دنياي وفرهدنه البين
زينب لاوين ترحل يحسين
......................................................
عفتك خويه مدري أشلون مشيت وخطن أجدامي
أمشي وكٌلشي يمشي وياي شوكي وجرحي وأحلامي
وآنه بكل خطوه أتعثر وأرجع أشتــم عطرك هيل
من طر فجر الله الحد مــا بين نجمك آه يسهيل
عطشانه وحيلي أتطشر حرمة وتركض نص الليل
بعدك يحسين وكـــــل عمري دمعه وآهات او ويل
ما جن خمسين عمري طفين
زينب لا ويــن ترحل يحسين
.........................................................
أخذني الشوك مدري الوين خويه وتاهت أفكاري
شفت روحــي أعله كبرك ماي تتبده وتشب ناري
شميت أترابك يبن أمـــــــي وحسيتك هم عطشان
يا وسفه لو جنت وياهم جــــــــــــا وصيت الدفان
جا كتله أمن الدوس بصدرك صاير صدرك ميدان
وتلث تيام أعله الغبره باقـــــــــــــي أوسد التربان
جثه بـلا راس عفتك بعدين
زينب لا وين ترحل يحسين
.........................................................
لملمت الجروح وجيت أودعك وأمشـي مكسوره
أمشي وخويه جني أهلال بكل خطوه ألك صوره
مره أرسم شاطي أعله أجروفه فارس ريشاته أكبار
طايح عطشان ومتوذر وبجوده حلــــــــم أصغار
ومره أرسم خيمات أطفالك ويلــــي وتاكلها النار
ومره أرسم نسوانك تركض حفاي وبيها شصار
وأرسم عباس راس وجفين
زينب لا وين ترحل يحسين
.........................................................
مثل ما جيت من الشام رحت أمشي بنساوينك
واكعد كعدة المكسور وأضــــل أفكد حياطينك
أحسب للباقي من عمري تخلص وأتلاكه وياك
وترجع كعدتنه ولمتنه وترجــــــع زينب بحماك
عهد الله يحسين وزينب مالحضــــــة بيوم أنساك
باجر لو بيه أيمر موتــــــــي شايل تابوتي ألكاك
حتى لو طيف وأتكحل العين
زينب لا وين ترحل يحسين
.........................................................
جبت كل ذكرياتي وياي يحسين وكمت كوه
أسولفهن سوالف شوك وأتحسر علـى الخوه
وي أم عباس شما أكعد يعرض كدامي الماي
وأتكلــــــي عباس شسوه ويصب مدمع عيناي
كلتلها الطف جان شويه وعباسج جان أهواي
ما قصر يا يمه وحكج وفـــــــه بعهوده وياي
ونقره بكل ليل سورة ياسين
زينب لا وين ترحل يحسين
..................................................
خادم خدمة الحسين
الشاعر
محمد الموالي

https://youtu.be/RjrjDbW5gjc?si=mhky3qhYpXh5AVyu

هلا بيكم زوار هلا بالمشايا
..........................................
هلا بالكاصد مشــــــاي..هلا بالشد عزمه وجاي
ومعتني لحسينه
حيـــــــــهم والله أيكويك..فـــــوك الراس أنخليك
وبخدمتك تلكينه
شيب شبـــــــــان أطفال..خيـــــر والنعمة أشكال
تأمر ولبينـــــــــه
شرف خـــــــــدام وزود..اليمشي خطواته أشهود
فاطمة أتكر عينه
لآخر نفس آه يحسين عالعهد وفايا
هلا بيكــــــــــم زوار هلا بالمشايا
.........................................................
بده معراج النـــــــــور..هـــــــلا أتفضل مأجور
تهتف الخدامــــه
الخير من جيس حسيــن..وعلـــــــــى دربه ماشين
رافعيـــــن أعلامه
هذا يتولــــــــــــى الزاد..ذاك عنـــــــــــده المكعاد
المشي حان أحرامه
أمنين يالزاير جــــــــاي..الزاد عدنـــــــــه والماي
وحسين نحيي أيامه
طول الدرب أيد بأيد الخدم دكت ثايه
هلا بيكــــــــــــــم زوارهلا بالمشايا
................................................
عامر مضيــــــف الخدام..وللخدمه شدينه أحزامه
أمن الفاو حد الحضرة
اليجي أنحطه أعله الراس..وهــــــلا أيكله العباس
عامر مضيف الزهرة
أمن أيران كاصد لحسين..لبنان لا حــــــــتى الصين
ألهم فرشنه السفرة
ويـــــــــن ميعجبه أيبات..ما عدنه غل لا هيهات
الزاير نكرمه أنقدره
وسط الكلب وسط العين المهم عدنه الغايه
هلا بيكـــــــــــــــــــــم زوار هلا بالمشايا
.......................................................
أهــــــــــلا بيكم زوار..كفـــــــــو منكم أنصار
يا هلا وحياكم
كحلتوا عين أم حسين..خــــــــــــدم مشايا أمنين
المهم منواكم
درب بيه رحمه وخير..منه شبع حتــــــى الطير
مشاي أجه وياكم
درس للعالم صــــــــار..المشـــــي قكرة وأيثار
والفخر ممشاكم
هذا عهدنه للموت وما تطيح الرايا
هلا بيكــــــــــم زوار هلا بالمشايا
...............................................
عاده الكرم عاده الجود..لا لا وصف لا لا أحدود
موروثه هاي العاده
أتشوف الغني والمحتاج..للخدمه تطلـــــــع أفواج
كلمن يدور أمراده
الماعنده زاد ولا مال..موكب علــــــــى كد الحال
وأيعزب أبولاده
وأتشوف نسوان أكبار..موكب بنن بيه أسرار
جنه مضيف الساده
والزهره توكف عالباب لو سونلها أقرايا
هلا بيكـــــــــــــــــــم زوار هلا بالمشايا
...................................................
خادم خدمة الحسين
الشاعر
محمد الموالي