ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://t.me/ahmed_alziwar1

يحيدر  ولضريحك تعتنيك الناس
تبعثلك تهاني بمولد العباس
صواني اشموع شعلت عطرته بياس
ها ها
منوره الدنيا بنورك،، يانور الله الماينجاس

انولد بدر العشيره وكتمل نوره
ونس وجان كلهه بجيته مسروه
ونزل وحي الرساله معتني يزوره
ها ها
اليوم الكون اتنور،،، نور وجهه من العباس

هوسه لسيدي ومولاي ابو الفضل ع

السلام علئ الهادي الغريب

غيم اعله الشيعه مصباح الحزن
ياعلي اعله مصابك ننوح ونون
&&&&&&&&&&&&&&&&&&&&&&&&&&&&&
ياعلي اعله مصابك انهل الدمه
يل عليك الارض حزنت والسمه
نواسي حيدر بيك وامك فاطمه

ومانلوم العقل عگبك من يجن
&&&&&&&&&&&&&&&&&&&&&&&&&&&&&
ظنهم بسجنك تــبالي للحياة
انت ظليت وفنه عرش الطعاة
باب الله الواسع ورحمه ونجاة

صرت يلهادي وعليك الكل يحن
&&&&&&&&&&&&&&&&&&&&&&&&&&&&&
ياعلي الـعادوك عادوا شيعتك
والله ابد ماننسه طيحت گبتك
ونعتني بكل عام نحي مصيبتك

ونحزن وللعين مايغمض جفن
&&&&&&&&&&&&&&&&&&&&&&&&&&&&&
وبأرض سامره گبرك ظل يشع
وبيه نذكر فاطمه وكسر الضلع
ونبچي اعلمذبوح ونهل الدمع

وبلطمنه اصدور لاجلك تنطحن
&&&&&&&&&&&&&&&&&&&&&&&&&&&&&
يــاعلي ثارك يظل وي الدهر
وندعي من الله ظهور المنتظر
بأخذ ثارك ياعلي وثار النحر

وثار الضلوع الي ظلت تنسحن
&&&&&&&&&&&&&&&&&&&&&&&&&&&&&

هايه ام البين الصدگ وفايه،،عدهه الوفه للحسين چان الغايه،،
لو ضاجت اعليك ابيوم،، بس حشم وانخاهه
&&&&&&&&&*&&&&&&&&&&&&&&&&&&
من ام البنين اطلب وماتخسر
وحــلفه بالــضلع الــذي تكسر
هي الذخر للموزمه والمحشر
ولو صبح گلبك مالوم ،، بس حشم ونخاهه

هاي الي لحسين اربعه ضحتله
ويـايمه يابـبعد العمر صـاحتله
وبكل صلاه فرض العشگ ادتله
لو گلبك محمل اهموم ،،بس حشم ونخاهه

جاه الهه عـد الله يظل شكبره
تستاهل الراس الاجلهه نطبره
ونترك وسام اعله الصدر والعبره
خل عينك اتهمل ادموم ،، بس حشم ونخاهه

ولــــد الزچيه والنعم وافتهم
وربع بنين ابكل فخر ضحتهم
وللـزهره قربان الوفيه اطتهم
صيت الوفه ظل مرسوم،، بس حشم ونخاهه

هــاي الوفيه ولازم نوافيهه
وعله البنين الاربعه نعزيهه
كون النواظر بالدمع نبچيهه
وخلي الي بيلوم ايلوم،،، بس حشم ونخاهه
&&&&&&&&&&&&&&&&&&&&&&&&&

ابيات نعي لمولاتي وسيدتي ام البنين ع

تظل لام البنين ادموعنه اسيل
ونحس وياهه عدنه اهواي تقصير

الحاجه الماتصير وتصعب امرار
بس نذكر حسين اگباله اصير

وذا الزهره ضلعهه صابه بسمار
بضلع ام البين اشكد  بسماير

شافت ويل من إفراگ الضعون
وكل يوم اليمرهه تنوح وتحير

تدير الوجه ساعه وتبچي ساعات
وجهه لكربله كل مغرب أدير

تگله افراگ وجهك يبني چتال
لون ترهم وراهه اضعونك نسير

ونمشي لكربله وياكم اهناك
ونخلي الخيل فوگ اصدرونه تغير

وكبل كسرت اضلوعك يبني حسين
تكسر اضلوعي كون الخيل تكسير

واذا يجبر كسرهه الودام وطاب
عسن لا طاب كسرى ولاله تجبير

ومثل ما حالك تغير بالخيول
عسن حالي ييمه يصيبه تغير

الچ  يام  البنين الدمع  ياريت
عيوني وكون أزور الگبر ياريت
الدنيا وي الزمان عليج ياريت
وصبح گبرچ مثل گبر الزجيه

ليسـتة #مؤسسة منبريون الحسينية?.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك ??.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://t.me/ahmed_alziwar1

يالكاسر بيدك ضلع امي،،، منك نوحي ومنك همي
انه ابنيتهه المهظومه،،، اه يالباب
=========================================

علامك   كسرت  ضلع  الصبر  يلباب
وعفت روحي غريبه بديرة الاحباب
وگبل ضلع امي احسنه دليلي انصاب
وراسي  والگلب  من  النوايب  شاب

اشسويت بحال أمنه، اه يالباب
وجرحك حيل المنه،، اه يالباب
تتحسر روحي ومالومه،، انه ابنيتهه المهظومه
=========================================

يالباب   بعملتك   چم   جرح  خليت
وبگلب الحسن  وحسينه   اشسويت
وانه ابلا ضواهه شلون اطب البيت
ومثل ون الثگاله اعله  الجره  ونيت

جرحك حيل ماذينه،، اه يالباب
واحنه وياك شسوينه،، اه يالباب
اهاتي الظلت المرسومه. انه ابنيتهه المهظومه
=========================================

كل  أحلامي  ضاعت  والعمر  عده
المن اشكي  همي  من  تمر  شده
يعيش اشلون عمره الماكو ام عنده
مايعرف   زمانه  اشجااب  وشوده

ضاعت امنيتي واحلامي،، اه يالباب
وضلمت داري وكل ايامي،، اه يالباب

يتنطر كل فاگد يومه،، انه ابنيتهه المهظومه

بلايه امي العمر مايسوه ابد عندي
مكتوب انه اعيش وي الحزن وحدي
المصايب من تروح امي علي تبدي
وصيحين يمي ردي لخاطري ردي

چلمات أعتاب ارد احچيهه،، اه يالباب
لاذت بيك وما تحميهه،، اه يالباب

ماتنعد دلالي اهمومه،، انه ابنيتهه المهظومه

مر   ابلايه   امي    كلشي   احسنه
وروحي اتعودت عله الحسره والونه
دمعاتي  تسولف   بالجرن  عنهه
متگبعه  بحزنهه وماضحك سنهه

انحب وجروحي تأذيني،، اه يالباب
منك ظل يتعاله ونيني،،، اه يالباب

مگدر يومي وتبچي اغيومه،، انه ابنيتهه المهظومه

=========================================

وداع امي جمر ظل يسعر بروحي
وينوحون الحسن وحسين وينوحي
يروحي بحزنج الما ينحچي بوحي
هدم حيلي الزمان وهدم اسفوحي

طاح المحسن يم أعتابك،، ، اه يالباب
و بضلع امي يدي اصوابك،، اه يالباب

لچماتك تاذي ومسمومه،،
انه ابنيتهه المهظومه،،، اه يالباب
==========================================

تكول زينب

يــدهري لـنايبات البين ظل عين
عليه وكل ثوايه الحزن ظل عين
انه المكتوب اشوف ارضوض ظلعين
ضلع لامي وضلع بالغاضريه

كسر الضلع والباب والمحسن الطاح
نص روحي يم حسين صارلهن اصياح

ابيات ابوذيه لاستشهاد مولاتي الزهراء ع

اره البسمار بعيوني وره الباب
وره المحسن سگط منهه وره الباب
وشوف الباب مذوهله وره الباب
لمصاب الزهره بت سيد البريه
==========================

حـزينه ارواحنه ومـا مر نعشهه
فــرح وايـامـنه بـحسره نعشهه
لــئن   بـليل  يــشيع   نعشهه
وگبرهه علينه ظل مخفي الزجيه
==========================

يـدنيا الـفرح مــامـرنه  نعش بيج
وعسانه نموت مالحظه نعش بيج
لان لام الحسن شالوا نعشج بيج 
كـسير اضـلوع ودمــوعه جـريه
===========================

الــچ يـلزهره ولـحيدر ولانه
ولـيه الــحزن بـغيابج ولانه
لاواحد وصـل  گبرج ولا نه
اشوفنه وتـرد  الروح  الـيه
==========================

شوكت يلزهره ناخذ يوم ثاراج
ونـصل گبرج ونشتم طـيب ثاراج
نـعشج مـو بـگاع انـدفن ثاراج
ابگلب كل شيعي يلزهره الزجيه
============================

كسر ضلع امنه يدي ودوم ماطاب
وعگبهه كل طـعم للــزاد ما طاب
امن الصد علدار ودي الدار ماطب
لان مظلم غده دون الزجيه