#бемазҳаблик_иллати

• «Мазҳаб керакмас, мен фақат Қуръон ва Суннатга эргашаман» дейдиган, ёки «Мен мазҳабларнинг рожиҳ (кучли) сўзларига амал қиламан» дейдиган одамни пайпоғига масҳ тортаётганини кўрсанг билгинки у каззоб экан.

• Чунки у ўзи даъво қилганидай Қуръон ва Суннатга эргашган бўлганида эди оёғини ювган, ёки маҳсисига масҳ тортган бўлар эди.

• Мазҳаблар масалаларини рожиҳини олиб амал қиламан деган даъвоси ҳақ бўлганида эди жавробга энг юқори шартларни қўйган мазҳаб сўзига амал қилиб (латта, юпқа пайпоққа эмас) қалин, усти ва ости тери билан қопланган, бир фарсаҳ (6 км) масофага сафар қилса йиртилиб кетмайдиган жавробга масҳ тортган бўлар эди.

#siyrat
#muftiy_minbari

? ВАҲИЙНИНГ ТЎХТАБ ҚОЛИШИ? Шайх Нуриддин Холиқназар ҳазратлари? YouTube |? Telegram |?Instagram |? Facebook

*?Facebook| ?Juyborikalon.uz ✨Ижтимоий тармоқларда бизни кузатинг:?You Tube | ?Instagram |*?@juyborikalon?**

⭐️ Бир риёл ҳикмати…

?Ким тарихни ўқиса, ҳеч қачон қалбига ноумидлик кирмайди. Бундай одам дунёда Аллоҳ таолонинг иродаси билан кунлар, одамлар алмашиб турганини кўради. Бойлар камбағал бўлади, камбағаллар эса бойга айланади. Кечаги кучсизлар бугун кучли бўлиб қолади. Кечаги султонлар бугунги бадарға бўлади. Қозилар айбланади, ғолиблар мағлуб бўлади. Фалак айланмоқда, ҳаёт эса тўхтамайди, ҳодисалар ҳам тўхтаб қолмайди. Одамлар тинмай мансаб курсиларини алмаштирмоқдалар.
Унутма, ғам ҳам, хурсандчилик ҳам доимий эмасдир - деди Доктор Мустафо Маҳмуд.

? Дунёнинг энг бой инсонларидан бири бўлган миллиардер Рожиҳий шундай ҳикоя қилади: Шу даражада фақир эдимки, мактаб маъмурияти томонидан ташкил этилган, иштирок этиш баҳоси бир риёл бўлган саёҳатда қатнаша олмадим. Қаттиқ йиғлаганимга қарамай бир риёл ҳам пули йўқ оилам ҳеч нарса қилолмади. Саёҳатдан бир кун олдин мактабда фаластинлик устознинг саволига тўғри жавоб берганим учун синфдошларимнинг қарсаклари садоси остида устозим менга бир риёл мукофот берди. Ўшанда бу ҳақда ўйламай дарҳол бориб саёҳатда иштирок этдим. Қаттиқ йиғи-сиғиларим бир неча ойлик саодатга айланди.
Улғайдик, кунлар ўтиб мактабни якунлаб катта ҳаётга қадам қўйдик. Мустақил ҳаётда яшаб, ишимизни топганимиздан бир неча йиллар ўтиб, Аллоҳ таолонинг фазли ила хайру саховат қилиш қандай улуғ амал эканини билдим. Ана шу онларда менга бир риёл берган фаластинлик мударрисни эсладим. “Устоз бир риёлни менга садақа сифатида бердимикин ёки чиндан мукофот сифатидами” деб ўзимдан сўрай бошладим, барибир тагига етолмадим. Қандай ниятда берган бўлсалар ҳам ўша пайтдаги катта бир муаммо ҳал бўлган эди… Мана шундай ўйлар мени фаластинлик устозни излаб мактабга боришга ундади. Манзилларини суриштириб билдим. Устоз билан учрашиш ва аҳволларидан хабар олишни кўнглимга тугдим.
Ниҳоят устоз билан кўришдим. Қийин аҳволда, ишсиз, кўчиб кетишга ҳозирлик кўриб яшаётган эканлар. Ҳол-аҳвол сўрашгандан сўнг “Устозим, менинг устимда сиздан бир неча йиллар олдин олган катта қарзим бор” дедим. Устоз қатъият билан “Ҳеч кимнинг мендан қарзи йўқ” дедилар. “Саволингизга тўғри жавоб бергани учун талабангизга бир риёл бергансиз. Ўша талабани эслай оласизми?” деб сўрадим. Устоз бироз ўйланиб туриб, кулган ҳолда “Ҳа, ҳа, бир риёлни қайтариш учун мени изладингизми?” дедилар. “Ҳа” дедим. Қаттиқ илтимосимдан сўнг устозни ўзим билан машинага ўтқизиб жўнаб кетдик ва чиройли вилла олдида тўхтадик. Машинадан тушиб, ичкарига кирдик. Устозга қараб, “Эй фазилатли устозим, мана шу вилла, анави машина ва бутун умр тўланадиган маош сиздан олган қарзимнинг тўловидир” дедим. Устоз ҳайрон бўлиб, “Бу жуда кўп” дедилар. “Ишонинг, менга бир риёл берган вақтингиздаги туйган қувончим сиз уй ва машина сабабли ҳис этаётган қувончдан анча кўп эди. Ўша қувончни ҳамон унутганим йўқ” дедим.
Бугунги кунда, дунёдаги энг катта вақф этилган хурмозор Рожиҳий фондига тегишли бўлиб, бу боғ Саудия Арабистонининг Бурайда шаҳрида жойлашган. У дунёдаги энг катта майдонни эгаллаган хурмозордир. Бу боғ Гиннеснинг рекордлар китобига кирган.
Ҳар йили Рамазон ойида Макка ва Мадинадаги намозхонларга ўнлаб тонна хурмолар текинга тарқатилади.
❤️ Фикри ожизим-ча бу дунёдаги энг саҳий инсон, ўзи муҳтож бўла туриб бошқаларга хурсандчилик ато этган инсондир.
Азизларим, ёшми қарими инсонлар қалбларига қувонч улашинг, ташвишларининг аришига сабабчи бўлинг ва мукофотни Карийм Зотдан кутинг!
Аллоҳ таоло мударриснинг бир риёл сарф этиб қилган эҳсонини бир бандасининг қўли орқали уй, машина ва бир умрлик маош ила мукофотлади…

©yuristxonimdaftari

*?Facebook  | ?Juyborikalon.uz 
✨Ижтимоий тармоқларда бизни кузатинг:?You Tube | ?Instagram |*?@juyborikalon?**