Qoldimikan

Burqa kiyib oldi erkak bozorlarda,
Qabr toshi to’lib qoldi mozorlarda.
So’lgan guli qolib ketdi gulzorlarda,
Qiyomatga ikki qadam qoldimikan.

Farzand urib turtsa nohaq otasini,
Tushunmasa qiyin qilgan xatosini.
Ko’z ko’z qildi yevrelarni matosini,
Qiyomatga ikki qadam qoldimikan.

Axlat xona to’lib qoldi go’daklarga,
Kibrnoma yozib ketgan yo’laklarga.
Sodda dilni bo’lib ketdi bo’laklarga,
Qiyomatga ikki qadam qoldimikan.

Kunlar o’tib ortib ketdi ishratgohlar,
Ajrimlar ko’pdir biroq yo’q nikohlar.
So’rayverib Al-Validan biz panohlar,
Qiyomatga ikki qadam qoldimikan.

Mahramini rashk qilmadi asli erlar,
Chiya bo’ri rol o’ynadi afsus sherlar.
Aslida bu dunyosini qaytar derlar,
Qiyomatga ikki qadam qoldimikan.

Keliniga kun bermaydi qaynonalar,
Extirosga to’lib ketgan taronalar.
Qay ahvolda qoldi axir zamonalar,
Qiyomatga ikki qadam qoldimikan.

Diyorbek Sharipov
30.08.2024T.me/Diyorbek_Sharipov1

Yaqinlarim sizni sog'indim

Osmonda oy to'lgan u kecha,
Onam yopib berardi kulcha.
Qaytib qolsam qani bir kecha,
Yaqinlarim sizni sog'indim.

Ona, ishlar tugamas ekan,
Yaqinlarim yo'qlamas ekan.
Begonaga aylanib ketgan,
Yaqinlarim sizni sog'indim.

Bir davrada surib davronlar,
So'nib ketdi hatto alvonlar.
Zulmat ko'rib bo'ldi ayvonlar,
Yaqinlarim sizni sog'indim.

Bobom izi qolgan hovli jim,
Eslay desam jimirlar etim.
Ko'rgim keldi kel og'a inim,
Yaqinlarim sizni sog'indim.

Bolaligim boshqacha edi,
Musofirlik umrimni yedi.
Olti yoshim bir qaytsa edi,
Yaqinlarim sizni sog'indim.

Bolalikda katta bo'lay deb,
Yurar edim mazzani qilib.
Umrim o'tdi hazondek yelib,
Yaqinlarim sizni sog'indim.

To'y qilishsa nahot chorasiz,
Telegramdan noma olasiz.
Goho bilib bilmay qolasiz,
Yaqinlarim sizni sog'indim.

Qani bir kun yig'ilib hamma,
Kelsa edi xola-yu amma.
Diyor shoir bayt bitar yana,
Yaqinlarim sizni sog'indim.

Diyorbek Sharipov ✍
11.04.2024

Kanal | @Diyorbek_Sharipov1

@Diyorbek_Sharipov1

✍✍ДИЁРБЕК ШАРИПОВ
??НИГОРА ХАКИМОВНА

??САЙЁРАХОН РАХМАТИЛЛО ҚИЗИ
??Давлатим отамдир
Жаннатим онам

@Diyorbek_Sharipov1

Musofir ayolga

Ayol boshi bilan tevratib ro'zg'or,
Bu dunyo asli, besh kunlik bozor.
Ko'nglida g'ubor yo'q axir beozor,
Musofir ayolga oson tutmanglar.

Oilasin sog'inib yig'laydi har kun,
Yuz yilga tatiydi bedor o'tgan tun.
Yuribdi sovuqda farzandi uchun,
Musofir ayolga oson tutmanglar.

Goho ko'zlarida yoshlar arimas,
Yuzlari qarib lek ko'ngli qarimas.
Bir tola sochiga dunyo arzimas,
Musofir ayolga oson tutmanglar.

Jonini ayamas har qanday ishda,
Jazirama issiq, qahraton qishda.
Haqida gapirar axir mish mishda,
Musofir ayolga oson tutmanglar.

Naqadar shirindir musofir noni,
Topay deb azobda shu mitti joni.
Dushmanga to'la mazlumni yoni,
Musofir ayolga oson tutmanglar.

Sochlari oqargan misli qor kabi,
Yoshlari qalqiydi yomg'ir singari.
Sog'inchdan azobda qoldi yuragi,
Musofir ayolga oson tutmanglar.
Diyorbek Sharipov ✍?
18.02.2024

Kanal | @Diyorbek_Sharipov1