فِ واحد طلع هذا عارف مصلحته .

ولا نقانكم الا فاضيين .

نقانكم الا اوفيآء 🖤.

التليجرام بعد التحديثات وكل الميزات بدي متربع ع عرش التواصل الأجتماعي، لا قيود ولا معايير الفيس او الأنستا تاخد راحتك بالوسع

اغلبية الفئة الي يقولوا انه مولي مُمل حاصرين نفسهم في قاع المحتوى الليبي المُتكرر والباهت الي كل همه يزيد ناس بدون اهتمام لمحتوى قناته، وبصراحة القنوات الليبية الي خاشلهم ويستحقوا المتابعة فعلاً قريب 8 قنوات الباقي كلهم قنوات اجنبية وعربية محتوى وأفكار تبارك الرحمن ضروري حتى لما تخش التلي لازم تفوت ع قناتهم و أتابعهم أول بأول

وفيه شيء مش مفهوم بكل مش عارف من طالع بيه مهم اسمه ( تبادل الأشتراك ) ، التبادل لما يكون نشر فقط بيكون للمشترك حرية انه يشترك او لا ع حسب محتواك لو عجبه، متجيش تخشله تقوله خيرك طلعت واني بنطلع حتى اني، اهني انت دمرت مفهوم القناة والمحتوى

الخلاصة التلي حالياً قاعد ف اقصى درجات الرفاهية غر تابع قنوات الي يستحقوا انك اتابعهم والي تغير من جوك ونفسيتك