qulaq duyar dil öğrəşər, ayaq gəzər baş öğrəşər.
qulaq duyar, göz görər.

qulaq duydu, göz gördü.
qulaq duysa göz görürsə yasaq yox.

qulaq duysa, göz görsə, könlə qalar inanmaq.
qulaq duysa, göz görürsə qınanmaz.

qulaq duysa, göz tanısa, dil desə, güman qalmaz güvən itməz.
qulaq duysa, könül itsə, göz görməz. (könül itsə: könül istəməzsə. çəkinsə).

qulaq duysun, göz görsün.

qulaq duyur, göz görür.
qulaq səsdə, göz yolda.

qulaq ürdı edən saymaz, qulaq üsdü yatan duyaz.
qulaqdan qulağa, ağızdan ağıza söz gəzər.

qulaqdan qulağa, ağızdan ağıza söz gəzər.
quldan qorxan, tanrıya sığınar

🍎🏃‍♀️📚✏️
👆👆👆
آدی و بودی ناغیلی(۳)

یوْلا دوشدولر. گلدیلر، گلدیلر. چون چوْخ شاختا ایدی،
آرواد گؤردو کی، یئر چاتداییبدی. دئدی: آدی!
کیشی دئدی: جان بودی!
دئدی: گؤروسن بو حئیوان یازیق یئر جانی
چاتداییب، دابان‌لاری چاتداییبدی!
دوْشابی تؤکه‌ک یئره، دابان‌لاری یوموشالسین!
دوزلسین، سوْیوقدا اثر ائله‌مه‌سین!
نمنه دوْشاب وار ایدی، تؤکدولر چالا-چوخورا و
یئرین چاتدامیش یئرلرینه! بیر آز گئدندن سونرا،
گؤردولر بتر یئل اسیر، آغاج‌لار،
تیکان‌لار، کوْل‌لار بتر تیتره‌ییرلر!
آرواد دئدی: آدی!
کیشی دئدی: جان بودی!
دئدی: گؤروسن بو کوْللار ، تیکان‌لار، آغاج‌لار
چوخ اوشویورلر! چیت‌لری وئره‌ک اونلارا!
چیت-پارچالاری سالدیلار تیکان‌لارین،
آغاج‌لارین، بوداق‌لارین اوستونه! سونرا یوْلا دوشوب گئتدیلر.
بیر آز گئدندن سونرا گؤردولر بیر قارا قارغا، آتیلا-آتیلا گئدیر.
آرواد دئدی: آدی!
کیشی دئدی: جان بودی!
دئدی: حئیوان قارغانین قیچی سینیب‌دی.
یول گئده بیلمیر! گل آتی وئره‌ک اوْنا،
یازیق دی! او گئتسین اوشاق‌لارینین یانینا،
بیز اؤزوموز یایاق گئده‌ریک.
آتی دا قویدولار قارغانین یانینا گئتدیلر.
گئتدیلر، گئتدیلر، کندلرینه یئتیشنده
کندین قیراغیندا بابادرویش بونلارا توش گلدی.
آدی سوروشدو: بابادرویش! نئجه‌سن؟
دئدی: وارام!
بودی دئدی: بابادرویش گئتمه‌‌ییبسن
بیزیم قاپینی آچاسان، باش آیاغیمیزی یئیه‌سن !؟
یئرینه آفتافا گؤتوره سن؟!
پول‌لاری دا داشین آلتیندان گؤتورمویوبسن، خرجله مییب‌سن؟!
بابادرویش اؤزونو او یئره قویمادان دئدی:
بابا! قویون گئدین ایشیزین دالیسیجان،
منیم سیزین باش آیاغینیزنان، قیزیل‌-گوموش‌لریزنن
نه ایشیم وار. من ائله گونده بیر‌دَنه قورو چؤرک تاپسام، بسیمدی!
آللاه منیم روزیمی یئتیرر. من قانع بیر آدامام.
ساغوللاشیب گلدیلر. گؤردولر کی،
ائله قاپی آچیق قالیب! گیردیلر مطبخه،
بتر ده آجیخمیشدیلار، گئدیب شوربانی ایسته‌دیلر یئسین‌لر،
گؤردولر شوربانین دیبینه‌جن سییریب-یئییب‌لر!
یئرینه ده آفتافا گؤتوروبدولر.
گلدیلر پول‌لاری گؤتوروب خرجله‌سینلر،
پالتاردان، چؤرکدن، اتدن آلسینلار
گؤردولر بیر شاهی دا پول‌لاریندان توربادا قالماییبدی!
یئرینه داش-کسسه‌ک، ساخسی تؤکوب‌لر!
ال‌لرین چالدیلار باشلارینا،
دئدیلر وای بابادرویش ائله‌ییب بونلاری ها!
اوْ گوٌندن سفئه آدام‌لار
همیشه بدبختچیلیق‌ده یاشارلار،
اؤز عاغیل‌لارین ایشله‌دمیرلر، بو گونه دوٌشوٌرلر.

سیز ساغ، بیز ساغلام.

#سون.
@chgrmn

https://www.adasozluk.com/post/word/show/all/%C4%B0ST%C4%B0RAH%C6%8FT

.
نه‌دن تورکجه یازاق(گئنل اولاراق)

دیل فرهنگ و کولتورون اساس عنصر و ابزاری و اونون باشلیجا داشیییجی‌سی‌دیر. دیلده اولان هر بیر کلمه عادی معناسیندان باشقا اؤزو ایله فرهنگی بیر معنا داشیییر. بو گیزلی داشینان معنالار بیزیم ایچ و معنوی دونیامیزی یارادیر و بئله‌جه دیل و وارلیق بیر-بیرینه گیریشیر.

اوشودوم آی اوشودوم
داغ‌دان آلما داشیدیم
...
سردم شد آی سردم شد
از کوه سیب آوردم/ بردم/ حمل کردم
...
اوشاقلیقدا اوخودوغوموز بو اوشاق شعرینده اولان داد-دوز، آلدیغیمیز نوستالژی، یاشادیغیمیز لذت و حتی داشینان گیزلی و تاریخی معنالار اونون فارسجا چئوریسینده ده وارمی؟
...
تصور ائدک بیز ابوعلی‌سینا، ابوریحان بیرونی، خاقانی، نیظامی‌گنجوی، صائب، تبریزلی‌قتران و یوزلرجه تورک اولوب اؤزگه دیلده یازان عالیم‌لرین بیری‌ییک. اؤز دیل، فرهنگ و مدنیتیمیزین وورغونویوق. آما مخاطب اوخویا بیلسین دئیه اؤز دیلیمیزده یوخ اؤزگه دیلده یازدیق و اوستوندن نئچه یوز ایل کئچدی و بو یازی‌لار بو میلّتی آییلتدی.
آما وارلیغینی دا بیر او قدر قورودو مو؟
قورودوسا، ائله اؤزگه دیلده یازماغا داوام ائدک.
قورومادیسا، نه‌دن بو یانلیشی تکرار ائدک؟
...
بو عالیملرله یاناشی امیرعلیشیر نوایی، ماحمود کاشغری‌یه ده باخین. بیری‌سی محاکمه‌الغتین او بیری‌سی ده دیوان لغات‌التورک سؤزلویونو یازمیش‌دیر. هم وارلیغینا تاریخ و آرخادیر، هم ده فایدالی بیلگی‌لر داشی‌ییر.
...
نییه مین ایللیک تورک حاکمیتی وارلیغیمیزی و اونون باشلیجا عنصری دیلیمیزی گلیشدیریب اوستون دوروما گتیرمه‌دی؟ 
نییه تورک امپراتورلوقلاریندا ایلک خاقان حتی اؤز دیلینده شعر بئله یازیردی، آما گئده‌رک او بیریلر آسیمیله اولدو؟
نییه تاریخ بویو الینه بیر یول قیلینج آلمایان و ادعا ائتدیکلری وطنلری‌نین قاپیسینی هر گلنه آچان فارس میلّتی‌نین وارلیغی همیشه اوستون دورومدا اولوب؟
نییه ایندی ده تورک آیله‌سی اؤز امگی ایله چؤرگینی داشدان چیخاریب و اؤز جانی پارچاسی اولان بالاسینی اؤزگه دیلده دانیشدیرماقلا اونلارا میلّت بئجریر؟

چونکی یازی دیلینه یوخ، دانیشیق دیلینه یئتینمیشیک.

مین ایل حاکیم اولساق دا، فارس دیلینی یازی دیلی کیمی گؤتوردوک. او کلمه‌لری بیز یاشاتدیق، او کلمه‌لر ده فارس میلّتی تولید ائدیب یاشاتدی.

ابتدایی کیتاب‌لارینی اوخومایان موخاطبیمیز یوخدور. او کیتابلارا باخین؛ مین ایللیک تورک حاکمیتینی سیلیبلر یئنه هئچ بیر شئی غیرعادی گؤرونمور.

نییه؟

چونکی او مین ایلین هامیسیندا یارانان فرهنگی اثرلره استناد اولونور.

فرض ائدین تورک شاهلاری‌نین ساواش مئیدانینی مینیاتورلا نقاشی ائدیب و آلتینا بیر بئیت فارس دیلینده شعر یازیبلار.
ایشی گؤرن ده تورک، اثری یارادان دا تورک. آما او بیر بئیت شعر اونو فارس فرهنگینه قول ائتمیشدیر.

گؤرونور کی، میلّت اؤز دیلینده یازیلان کلمه‌لرین ایچینده یاشاییر.

سن بو گون زیرنگ اولسان، مین دلیل‌دن سونرا گوجله سنین اولماسینی ثابیت ائده‌جکسن.
آما اونوتما کی او دلیل‌لری بئله فارسجا یازیرسان.
یئنه همان یانلیش یول.
...
دانیشیق دیلی گونده‌لیک ارتباط اوچون‌دور، قالارغی دئییل، راحاتلیغا مئیل‌لی‌دیر، دیلی دوشونمور، ایسته‌یینی راحات، آسان، تئز و قیسا شکیلده یئتیرمه یه ال آلتیندا اولان کلمه‌لردن ایستیفاده ائدیر.
بو کلمه‌لری یازی دیلی دانیشیق دیلینه حاضیرلاییر.
یازی دیلین یوخدورسا، گئده‌رک دانیشیق دیلین قیسیرلاشاجاق و سونوندا یاری‌لال بیر دیل قالاجاق.
یازی دیلین باشقا ایسه، بو کلمه‌لری او دیل سنین دیلینه سوخوشدوراجاق و بو گون تلویزیوندا دانیشیلان تورک دیلی اورتایا چیخاجاق.
...
سن مدنی فعال‌سان، مدنی دئدیگین نه‌دیر؟
سنین بو فعالیت و موباریزه‌ده یئگانه سیلاحین دانیشیق، دیل دئییل‌می؟
سیلاحینا ساریل.
تورکجه یاز.

✍️ آیدین خلفی زینگیر

#تورکجه‌یاز

@dilocaqi

???

تۆرک‌دن دانیشیب فارسجا یازان‌لار، یـوْل‌دان چکیلسینلر، چوخ یانلیش دی.

آچیقلاما، عزیز رنجبری دن

???

@ucan39

???

تۆرک‌دن دانیشیب فارسجا یازان‌لار، یـوْل‌دان چکیلسینلر، چوخ یانلیش دی.

آچیقلاما، عزیز رنجبری دن

???

@ucan39

#qısa_söz

#türkcə_yaz

telegram toparlarında (quruplarında) anayurdumuzla ilgilənən axaqlardan (kanallardan) göndərilən paylaşımların çoxu farscadır.
bu yöntəmlə kimliğimizi qoruyabilmərik.

gərçəkdə, türkdən danışıb, farsca yazmaq, farsın qulluğunda olmaqdır; aynı keçmişlərdəkilərimiz gibi ...

nə isə, farsca yazıların paylaşımı, doğrudan türkçü toparlarda yasaqlanmalıdır.
böylə olmasa, fars dilindən qopabilməyənlər, yolumuzu pozmaqla, bizi qısır döngülərdə (bâtil dövrlərdə) yorub ayaqdan salacaqlar.

ancaq, düzgün türkçülər arada qalıblar;
bir yandan yatan toplumu öz kimliği ilə ilgiləndirməğə çalışırlar, ötəyandan isə yarımcıq oyanmış olan türkdən danışıb farsca yazanları türkcə yazmağa çağırırlar.

üzüntülü yeri də, bu iki kəsimin heç birisinin yola gəlməmələridir.

✍️ yaşar elçixan

#قؽسا_سؤز

#تۆرکجه_یاز

تلگرام تـوْپارلاریندا (قۇروپ‌لاریندا) آنایۇردوموزلا ایلگیله‌نَن آخاق‌لاردان (کانال‌لاردان) گؤندَریلن پایلاشیم‌لارین چـوْخو فارسجادیر.
بۇ یؤنتَم‌له کیملیگٖیمیزی قـوْرویابیلمریک.

گرچک‌ده، تۆرک‌دن دانیشیب، فارسجا یازماق، فارسین قۇللوغوندا اوْلماق‌دیر؛ آینی کئچمیش‌لرده‌کی‌لریمیز گیبی ...

نه ایسه، فارسجا یازی‌لارین پایلاشیمی، دوْغرودان تۆرکچو تـوْپارلاردا یاساقلانمالی‌دیر.
بؤیله اوْلماسا، فارس دیلیندن قـوْپابیلمه‌یَنلر، یـوْلوموزو پـوْزماقلا، بیزی قؽسیر دؤنگولرده (باطیل دؤورلرده) یـوْروب آیاق‌دان سالاجاقلار.

آنجاق، دۆزگون تۆرکچولر آرادا قالیبلار؛
بیر یاندان یاتان تـوْپلومو اؤز کیملیگٖی ایله ایلگیلندیرمَگٖه چالیشیرلار، اؤته‌یاندان ایسه یاریمجیق اوْیانمیش اوْلان تۆرک‌دن دانیشیب فارسجا یازان‌لاری تۆرکجه یازماغا چاغیریرلار.

اۆزونتولو یئری ده، بۇ ایکی کسیمین هئچ بیریسی‌نین یـوْلا گلمه‌مه‌لری‌دیر.

✍️ یاشار ائلچی‌خان

@dilocaqi

پارس آباد❌
قوچ قشلاقی✅

sayqı qoparsa, sevgi tutunamaz