**الأرض لا ضاقت وضاقت سماها
اطلب إله الكون لا تطلب الناس

الناس لـــو تعطـــي تعدد عطاها
والله يعطيك العطا دون مقياس**

**ماني من اللي لا زعل يشهر السر
سري عميق وروس ربعي اصاله

طبع بدوي للطيب ماعاد ينكر
يوفي العهد لا قال گد المقاله**

**صمتك وقار وكثر الحكي منقود
ورزقك على الله والمراجل وهايب

لاتفرح بكلمة (والنعم ) وانت موجود
احرص على گولة والنعم وانت غايب**

**يارب انا عبدك تماديت واخطيت
لين الشباب اقفى وانا اليوم شايب

امهلتني يوم اني اخطيت وابطيت
حاشاك تطــردني وانا جيت تايب**

**يارب لا منك طويت السجـــلات
وامرت روحي في موادع جسدها

خذها وانا ساجد بأحد الصلاوات
وقـــد تبت توبه صادقه ما بعدها**

**لا صـــرت مستانس وعـــايش حياتك
فلا عليك مـــن العــرب وش يقولون

اكسب رضا الشيبان واحفظ صلاتك
ومالك ومال الناس صاحي ومجنون**