" هتيجى فى وقتها من غير معافره، بس ساعتها ممكن تكون لا بتتمناها ولا تبقى عايزها."

_ليالى أوچيني.

فيه جروح في حياة الإنسان

لا الوقت بيقدر يداويها

ولا ليها عوَض

هي حصلت وخلاص

وعلي الانسان مننا إنُّه. يتعايش معاها

الدنيا تلهيه عنها شويَّة

ويرجع في وقت ما يتذكرها ويبكيها وتصعب عليه نفسه لدرجة الجنون واليأس ، ويتمني تتمحِي كإنَّها لم تكُن

وترجع الدنيا تلهيه عنها تاني

بيحبسها في قلبُه وبيقفل عليها ب باب شديد ، بيحارِب إنَّها ما تخرجش ل عالمه الحالي ، لكِن لا مفرّ بتخرج وتسرق منه الراحة وتهدّ جدار الرِّضا وتضعِفُه من بعد قوَّة

جروح لولا رحمة الله وربطه علي القلوب وتثبيتُه ، لانتهي أمر الإنسان بالجنون

" جميعُنا بنا علّة "

فاللهمّ أعنَّا عليها
منقول

‏ربنا يعوضني عن كُل أحلامي إللي حلمت بيها ومتحققتش، وعن خُذلاني من أقرب ناس ليا، وعن الطُرق إللي مشيتها للآخر ولقيتها مسدودة، وعن كُل لحظة تعب حسيت بيها سواءً كان تعب نفسي أو جسدي صابني."))

يارب عافيني و أعفو عني و قربني من اليوم إللي هشوفني فيه وأنا فـ أحسن حال،
وإبعد عني الحُزن وإرزقني راحة بال وسعادة لا تُعد ولا تحصي.

أن الإنسان يشتغل علي تطوير إمكانياته و تحسين جودة حياته أمتع والذ من أنه يفضل يصارع ماضي مؤلم أو يقاوم افكار عقيمة متخلفة ..
بس انه يحسن أو يطور محتاجه مجهود و ألم ، محتاجة ثبات و استمرارية .. فبيستسلم أنه يقعد محلك سر يسيب ذكرياته تضربه علي قفاه و أفكاره الخايبة الغير مجدية تنزل فيه تلطيش..

بيقول لك :
Sometimes you have to forget what you feel, and remember what you deserve.
ساعات بيكون لازم تنسي انت حاسس بايه ، و تفتكر بس انت تستحق ايه .

... مفيش شعور ثابت ، دلوقتي متضايق ، متحمس ، حزين ، حالة ايفوريا ، ... إلخ مهما كنت متخيل أن الخنقة اللي انت فيها ديه نهايه الدنيا ، أو كنت متخيل انك عايش حالة سعادة أبدية .. ادي نفسك شوية وقت الشعور ده مليون في الميه هيتحول لشعور تاني مختلف ..
لكن الثابت الوحيد ف اي معادلة هو قيمتك ، كيانك .. الثابت الوحيد هو التقدير و الاحترام اللي تستحقه ..

فمن البلاهة و التفاهة إن الإنسان ينسي قيمته و يتغاضي عن اللي يستحقه عشان يشبع شعور مؤقت زائل ، عشان يحس بتدفق هرمونات خايبة تمده بحبة لذة سطحية ، عشان جعان شعور معين !
و اللي للاسف بيدفع تمن جوعه ده غالي اوي ، لما يلهث ورا الشعور ده ، و يتفاجأ إن أحيه ! بقي انا ضعيت قيمتي و اتنازلت عن اللي استحقه عشان شوية النشوة الانفعالية العبيطة ديه !!!!

" سخرية الألم أنك تريد أن يواسيك من أذاك."

6/7/2024
سُرِرتُ في العمرِ مرّهْ وكنتِ أنتِ المَسَرَّهْ
‏كانت حياتِيَ رَوضًا وكنتِ في الرَّوضِ نَضْرَهْ
‏وكان غصنًا شبابي وكنتِ في الغُصنِ زهرَهْ
‏وكنتِ للرّوح رَوْحًا وكنتِ للعينِ قُرَّهْ
‏قد كان هذا، ولكنْ مضى وأخلَفَ حَسْرَهْ
‏فبِتُّ لا شيءَ إلّا حالَيْنِ: ذِكرى وعِبْرَة ..

في أغنية "زي الهوى" .. عبدالحليم كان عنده فوبيا من العلاقات فبيقول في أول الأغنية :
" قولت لك يا حبيبي لا أنا قد الفرحة ديا .. و حلاوة الفرحة دِيا ، خايف لفي يوم و ليلة مالاقكش بين ايديا ، تروح و تغيب ..تغيب عليا يا حبيبي ! "

و في نص الأغنية بيكمل الحكاية و يقول :
" وخدتني يا حبيبي .. و روحت طاير طاير
و فوتني يا حبيبي .. و قلبي حاير حاير
و قولت لي راجع .. بكرة انا راجع ! "

و في اخر الاغنية بيسرد النهاية و يقول :
" وف عز الامان ، ضاع مني الامان .. و اتاريني
ماسك الهوااا بايديا .. و اااه من الهوى ! "

مهما حاولت تدور علي معاني او كلمات وانت بتعاتب شخص
اعرف انك مش هتلاقي جملة ابلغ او أعظم من جملة كينج راجنار وهو بيقول
and this is how you repay my love
بينما اراد الجميع موتك انا من انقذ حياتك
اهكذا تجازيني على حبي لك!

8/6/2024

مبدأيا كدا مفيش حد بيعرف يكره حد حبه ، بس يعرف يقعد مع نفسه كدا و يستجمع قوته و ياخد قرار حازم واضح ان بالرغم من حبي للانسان ده بس مينفعش أكمل معاه بقية حياتي .. اه انا لسه بأحبه بس بأحب نفسي و شايف انها متستحقش تتبهدل في وجود هذا الشخص ..
بس الكارثة لما الانسان بيقدرش ياخد القرار ده و يقعد يحزق مع نفسه عشان يكره الشخص ده ! عشان تتحول لحالة فاشلة مشوهة ... حالة لا بتوصل صاحبها انه يعرف فعلا يتحلص من حب الانسان ده في قلبه ، و لا بتخليه قادر يواصل حياته و هو لسه محتفظ بمحبته ..
فاه لازم نعترف ان احنا حبينا الشخصيات ديه من كل قلبنا ، اه ذكرياتنا معاهم كانت حقيقية و صادقة .. بس عادي جدا نحب حاجة و تكون مضرة لنا ، اعتبره ادمان يا اخي !! ايوه المادة المخدرة حلوة ! ايوه المادة المخدرة بتخلي الانسان في حالة نفسية افضل ، ايوه المدمن بيعشق مخدراته !! .. بس اخرتها ايه ؟! .. اخرتها هلاك !!!! اخرتها عبد للشعور العظيم ده .. و السبب انه حب الحالة الساحرة ديه اكتر من نفسه ..