https://www.instagram.com/reel/DGB_OhRta2n/?igsh=enFuNWVmaXJzZGVr

https://www.instagram.com/reel/DGB_OhRta2n/?igsh=enFuNWVmaXJzZGVr

يا اهل العشگ والحب اسمعوا حچينا
كل زلـه حـب حســين ابد ما بقى بـينا
الخدمة بس درب الزلم والعشگوا حسين
والله خدمتـك سـيدي واجـب علـينا
هلا.... بيكم يا خدام
زلم.... شديتوا الحزام
شهم.... سوا اله موكب
كفو.... ونرفع الك اعلام

خدمه الله بارك بيها... ومحلى الذي يحييها
ـــــــــــــــــــــــ••❃••ـــــــــــــــــــــــ
شيعة ونسلنا طاهر من نسل الاطهار
ما همنـا تخريب الكفر ولا همنا كفار
درب الذنب صغر حجمنا هواي والله
بس والله دربك سيدي الي يسوي الكبار
جميل... دربك يا غالي
طويل... سهر الليالي
ثگيل... ذنبي انا مولاي
حسين... دوم على بالي

خدمه الله بارك بيها.... ومحلى الذي يحييها
ـــــــــــــــــــــــ••❃••ـــــــــــــــــــــــ
اليخدم صدگ مولانا احنا الكل نحبه
والما يحبك سيدي ما احد يجي يقربه
احنا من دونك يا الحسين نبقى حيارى
والباقي لسه بلايه دربك عايش غربه
غريب...عايش بدونك
عجيب...والله وعيونك
لهيب ... ناره احرگتني
واخاف... لا يلچمونك

خدمه الله بارك بيها.... ومحلى الذي يحييها
ـــــــــــــــــــــــ••❃••ـــــــــــــــــــــــ
نبقى نخدمك على الوعد يا سيدي ومولاي
والي يخلف بهذا العهد يتحاسب ويا الماي
حساب العطش يتحاسب بيوم الي موعود
ويتـذكر ايـام الـذي بـيـها ذنـوبه هـواي
تعب... ماكو بدربكم
عشگ... ينبع گلبكم
يحير... الماله وسيلة
ويجي...يتقرب الكم

خدمه الله بارك بيها.... ومحلى الذي يحييها
ـــــــــــــــــــــــ••❃••ـــــــــــــــــــــــ
البـاقر علـمانه كلــنا شـلون نتـبعكـم
ونبقى دوم على الوعد مولاي شيعتكم
السـر بعـد كـل الـكلام الگـاله مـولانا
نعرف يا والينا الصدگ من بعد مقتلكم
الصلاة...لا تتكروها
الذنوب... لا تتبعوها
الكلام... كله حقيقه
الخدم...بس طبقوها

خدمه الله بارك بيها.... ومحلى الذي يحييها
ـــــــــــــــــــــــ••❃••ـــــــــــــــــــــــ
تمت بفضل الله
الشاعر/علي عدي الشويلي

لي فترة طويلة على كتابة هذهِ القصيدة ولم أكملها بسبب بعض الضروف
وشاء الله اليوم ان يأتيني اتصال لزيارة السلطان علي أبن موسى الرضا عليه السلام بالنيابة عني وبتصوير مباشر من قبل احد الأخوة جزاه الله خير الجزاء السيد علي الهاشمي

وفقك الله أخي سيد علي

كتبت القصيدة مثل حوار ما بين اشرف الخلق محمدصل الله عليه واله
وابنتة فاطمة الزهراء عليها السلام
ووضعت عنوان القصيدة ↓
( بنيتي يا فاطمة )

بويه احچيلي كل شيء لا تضمين
انا ادري الباب حاقد صار اله سنين
من يوم الي ذله ابو الحسنين
وانا اعرف بي حقدهم لا تگولين

بنيتي يا فاطمة انتِ لـ علي عالمه
لا تروحين يا ام الحسين
ـــــــــــــــــــــــ••❃••ـــــــــــــــــــــــ
اعرف الصار تدبير السقيفه
لأجل ذلك الغبي يصير الخليفه
الي ما بيهم شخص افعاله شريفه
الزمرة الوسخه كلها ومو نظيفه

بنيتي يا فاطمة انتِ لـ علي عالمه
لا تروحين يا ام الحسين
ـــــــــــــــــــــــ••❃••ـــــــــــــــــــــــ
شنو احچيلك يا غالي صعبه والله
علـي وحـده يا بـويه بـهذهِ دنياه
ومن اصاحبك يا والي ما احد وياه
وبس الي بي شرف بايعه و والاه

بنيتي يا فاطمة انتِ لـ علي عالمه
لا تروحين يا ام الحسين
ـــــــــــــــــــــــ••❃••ـــــــــــــــــــــــ
لو ما وصيتك يم علي بويه بذلك اليوم
چا راس الاول والتمر واصل للغيوم
جاع واكل تمراته الكل ضنه تبقى تدوم
وذلك عمرو من شرد ذباها الهدوم

بنيتي يا فاطمة انتِ لـ علي عالمه
لا تروحين يا ام الحسين
ـــــــــــــــــــــــ••❃••ـــــــــــــــــــــــ
يا بويه لو تسمع بعد تسمحلي اگلك
الكسروا ضلوعي انا يسموهم اهلك
حشـى يكـونـون مـن بيـتـك وآلـك
كلهم فدوه بويه الشسعة نعالك

بنيتي يا فاطمة انتِ لـ علي عالمه
لا تروحين يا ام الحسين
ـــــــــــــــــــــــ••❃••ـــــــــــــــــــــــ
تمت بفضل الله
الشاعر /علي عدي الشويلي

السلام عليكم
بداية جديدة في القنوات نرجو منكم اعلامنا في حال وجود مشرف قادر على نشر المحتوى وشكراً
لمن يريد ان يكون ادمن في القنوات ليقوم في النشر التواصل معنا عبر الحساب الشخصي في الازرار

(اعظم تجاره)

ربح.... ما بي خساره
عشگ.... نجى الحياره
الحسين.... اعظم تجاره
خدمته

حسين يا أجمل بشر عرفنا
ردنا نحله بس سر صعب لگينا
سر مختفي حله ياهو الي يندله
بعد البحث كله هسه اكتشفنا
ربح كلها تعرفه حسين والله
والي يتيه گله يروح يم مولاه
يلگا دليل يشفي العليل
يفوز بكل تحدي الذي والاه

ربح.... ما بي خساره
عشگ.... نجى الحياره
الحسين.... اعظم تجاره
خدمته

خدمة حسين والله ارفعت شأني
وما تبقيني اظل واگف مكاني
العايش وسط باله ومحقق اماله
تشوفه ناذر حياته للحسين ويتاني
اليخدم حسين صدگ يعتلي شأنه
مو نفس باقي البشر يبقى مكانه
صيته جميل اليخدم أصيل
اليطوف بحضرته يملك زمانه

ربح.... ما بي خساره
عشگ.... نجى الحياره
الحسين.... اعظم تجاره
خدمته

ابو فاضل صعب لو ننسى فضله
وما يحبه بس الزين اصله
ذل النهر چفه ياهو الي مايعرفه
الكافل الأصيل چفه ثكيل تعلم من اهله
يعتبر حسين با الدنيا قدوه
وينطي چفينه ويا روحه اله فدوه
چف الكفيل والله ثگيل
هز الگاع كلها وصار للناس دوه

ربح.... ما بي خساره
عشگ.... نجى الحياره
الحسين.... اعظم تجاره
خدمته

وحي الله اختهم زينب الأميره
وتمشي اختك يا ابو فاضل هيبة چبيره
رجفت زلم كلفه ماضيهم تعرفه
زينب بنت علي شوصفها حيره
ذلت اشباه الرجال وعروش الچذب
ومو كلام عليهم رماح اي والله تذب
ويمها ذليل العرشه طويل
ونادت انا بنت الذي اصلهم عذب

ربح.... ما بي خساره
عشگ.... نجى الحياره
الحسين.... اعظم تجاره
خدمته
ـــــــــــــــــــــــ••❃••ـــــــــــــــــــــــ
تمت بفضل الله
الشاعر /علي عدي الشويلي

(اقبلني خادم)

لحضرتك اقبلني خادم
جيتك من ذنوبي نادم
وبدروبك انا هايم
سيدي يا حسين

سنين انا بدروبي عايش وهسه بدروبك اجيت
سيدي اقبلني خادم يا الي غيرك ما نخيت
انا نفسي الواعدتكم وهسه بوعودي وفيت
تارك الدنيا واهلها ومجلسك صارالي بيت

سيدي يا حسين

بداعة بنيتك رقية وفاطمة الزهراء امك
طول عمري الباقي تقبل كل محرم انا اخدمك
وانا اكبر امنياتي گبري كون يصير يمك
هيچ والله انا اجاوب كل سؤال يگول حلمك

سيدي يا حسين

انت يا اكثر شهيد لهسه بينا عايش اسمه
وصدره فوگه الخيل داست تطشر بحافرها لحمه
مطشر على الگاع باقي وماكو تابوت اليلمه
اخوانه ويا اولاده ماتوا وماكو احد باقي يمه

سيدي يا حسين

صعبه لو وسط العساكر تصيح خويه تريد ناصر
اگعد انا انخاك اخيتك ترضى يسبوني انا باچر
راح اعيش ايام صعبه وتبتدي من يوم عاشر
خويه من فرگاك تدري الشيب حتى برمشي صاير

سيدي يا حسين

خويه ترچيه رقية گوه اخذوها من اذنها
طفله هي وعذبوها الطفله چا شنو هو ذنبها
الجيش والقادة ويزيد كلها فدوه تروح الها
تبچي يم راسك خطيه مات ابوچ شلون اگلها

سيدي يا حسين
ـــــــــــــــــــــــ••❃••ـــــــــــــــــــــــ
تمت بفضل الله
الشاعر / علي عدي الشويلي

(مسير العاشقين) مسير العاشقين الى المولى الحسين ــــــــــــــــــــــــــــــــــــــــــــــــــــــــ طلعو الغيارى باأيام الزيارة يحـيون الشـعائر نصبو المواكب وصلت للكواكب هلا بكل زائر البصرة الحبيبة ذي قار ومصيبة با القادسية وادم عجيبة اي والله غريبة…