شنو أخبار المطر *⛈ *يمكم غرگتو لو بعدكم 🌚

إذا شفت هاي النقطة *?*بال RBC *?*شنو معناها وليش موجوده ؟*? *هاي النقطة هيه نواه لل RBC معناها ال RBC بعدها نونو *?*?* *هسه تكول اوكف دقيقة ؟
هيه ال RBC غير مابيها نواه شلون هاي ؟؟*?*باوع عزيزي ال RBC الطبيعيه تكون مابيها نواة + مابيها شوائب + من نشوفها تحت المجهر تكون بلون شفاف وتشبه الدونات اما من نصبغها تبين بلون احمر*?*زين هسه تسئل اذا شفت RBC بداخلها نواه شنو معناها وليش صار هيج ؟*?*خلي نرجع اني وياك للمصنع الي هوه نخاع العظم *? *الي هوه مسؤول عن تصنيع خلايا دم حمراء تبدأ RBC كخلية تحتوي على نواة، نسميها Proerythroblast لكن تمر بعده مراحل حتى تنزل للدم اخر مرحلة اسمها Orthochromatic Normoblast بهاي المرحلة تنطرد النواه ونتخلص منها وبعد يومين تقريباً تصير RBC جاهزه خالية من نواة وتنزل بالدم ولان مابيها نواه تعيش 120 يوم تقريباً وتموت ويستمر التصنيع على هل أساس*?*لكن اذا صار خلل بهذا لمصنع وما مرت الخلية بكل المراحل راح تطرح بالدم بشكل مشوه او بيها نواه تكون الخلية غير ناضجة مامكتملة ولازم اكو خلل بجسم ف مجرد ماتشوفها لازم تنتبة لان كلش مهمه*?*زين هسه تكول شنو الاسباب الي ممكن اشوف بيها RBC بداخلها نواه ؟*?*Thalassemia major*? *sickle cell anemia*? *hemolytic anemias*? *erythroleukemia*? *myeloproliferative disorders*?*الاطفال حديثي الولاده *?*ممكن نشوف عندهم عدد قليل منها بس بالنسبه لشخص بالغ وسليم ولاوحده
?@Lab_Mostafa

يوم الكم محللينا *?*وتصيرون بأماكن مرموقة لحد يستهين بنفسه مو احسن منكم لوصلوا هيج مراتب ⭐ كل الي تحتاجه جهد وتعب على نفسك وتوفيق من الله ?

محللينا اذا عدكم سؤال او شي ماتفهمونه من انزللكم هيج شرح كولوا مو تسكتون ترى اني مو دكتوركم بالجامعة وتغلسون اي شي ماتفهمونه بالشرح اسئلوا ، اذا الشرح مو واضح هم كولو حتى اغير طريقتي اي شي مو واضح كولو تمام ؟*?*اما اذا فهمت اتفاعل بذني مال قلب وهذا الي يصفگ ونار مشتعله حتى اعرف افتهمتوا *?***

اسوء شي شفته ليوم بنيه مزوجه عمرها 25 سنه صارلها 3 اشهر تاخذ موانع حمل حتى ماتحمل راجعت الدكتوره دزتها تسوي تحليل حمل وطلعت حامل ?

?المشكله وين ؟ المشكله موانع الحمل اذا تؤخذ اثناء الحمل ممكن الها اثار جانبية و تسوي تشوهات فمن رجعت للدكتوره سوتلها سونار وفحوصات طلع الطفل بيه تشوه ف هنا لازم تسقط الطفل

?ف لذلك لازم كل وحده تاخذ موانع حمل تتأكد كل فتره وثانيه وتسوي فحوصات وخاصه اذا تاخرت الدوره عليها اما الي عدها خلل بالدوره لازم كل شهر تقريباً تسوي فحص مادام مستمره على مانع الحمل
? @Lab_Mostafa

والله ملامحهم ووگفتهم ماتنوصف حتى الي گلبة صخر هم يتحرك عليهم يعني همه ربوه وتعبو بدم گلوبهم وصلوهم ابنائهم والطلاب هم سهروا وقرو وتحملوا تعب وبرد شتاء وصيف كله علمود شنو؟ علمود يتعين ووين ؟ بأسوء وزارة الي هيه الصحة لا توفرلك حماية لا رواتب زينه لا عطل بالاضافه للأمراض المعدية والتعامل المباشر مع المريض وكل هاي وقابلين في سبيل يتعين ويكون حياته ويشوف مستقبله تعين قسم وتعوف قسم ليش ؟ اذا انت عندك زيادة بالاعداد ليش ماتنزل تصريح رسمي الغي بيه قانون التعيين المركزي والتعيين يصير حسب الحاجه خلص حالنا حال التربية والهندسة وباقي الوزارات ليش تخليه معلگ يدرس ويكمل وتكله ما الك تعيين ؟ ماكو اي تخطيط بهاي الدوله هسه انت جاي تكول اعين حسب الحاجه بعد ليش ماتلغي قانون التعيين المركزي وتنزل كتاب وقرار شكو طالب سادس راح يدخل قسم طبي ما اله تعيين التعيين حسب حاجه الوزارة.

بس هيه المن تشتكي ؟ المشتكى لله

? @Lab_Mostafa

ليش تحليل السكر التراكمي اسمة HBA1C وشنو معنى هاي الرموز ؟

ركز وياي ال HB رمز الهيموغلوبين وهذا الهيموغلوبين بيه انواع وكل نوع اله نسبة بالجسم انواعة
?HB A1 96%
?HB A2 4%
? HB F 0%
?HB S 0%

?هاي بالنسبة للبالغين مثلنا اني وياك لان بالاطفال الهيموغلوبين السائد هوه HB F وبعد 6 اشهر تقريبا يبدي يقل و يرتفع HB A وخلال سنتين تقريباً يصير حاله حال البالغين

?هسه ارجع ركز وياي بانواع الهيموغلوبين عند الكبار اكثر نوع يهمنا هوه HB A1 هذا هم بيه انواع
?HBA1A
?HBA1B
?HBA1C

?عوفك من كل ذني ركزيلي بصاحبنها HBA1C هذا النوع من الهيموغلوبين عنده القدره يرتبط وي السكر الجلوكوز الي موجود بالدم كلما زاد السكر بالدم كلما زاد السكر وارتبط مع الهيموغلوبين اكثر وطول فتره عمر ال RBC الي هوه 90_120 يوم مستمره بالارتباط بالسكر لذلك نكدر نعرف متوسط السكر خلال الثلاث شهور الفاتن

?هذا الارتباط بين السكر والهيموغلوبين راح يكون عكسي مؤقت شنو يعني ؟ يعني أرتفع السكر راح ارتبط بالهيموغلوبين قل السكر انفك الارتباط وهكذا بس اذا السكر بقى مستمر مرتفع بالجسم هنا الارتباط يعني مثل لي يحبون بعض اكثر من سنه بعد صعب يفترقون فهنا اذا الجسم بقى مرتفع بيه السكر اكثر من شهر بعد صعب يفترقون السكر والهيموغلوبين الى يموتون وهذا يصير بموت خليه الدم الحمراء لذلك نقيسه خلال 3 اشهر لان بعد هاي الفتره تموت الخلية ويبدي ارتباط جديد
? @Lab_Mostafa