Qaysi birini tanlash kerak?

? Do‘konga kirganingizda, yangi telefon olish uchun ikkita ajoyib variant taklif qilishdi: eng yangi 108 MP kameraga ega model va bir oz eskirgan, lekin chidamli batareyaga va simsiz zaryadlash funksiyasiga ega telefon.

❓ Qaysi telefonni tanlaysiz? Tabiiyki, tanlovda qiynalasiz. Ikkala variant ham afzalliklari bilan o‘ziga tortyapti. Endi tasavvur qiling, bu ikki telefon yonida uchinchisi paydo bo'ldi: xuddi shu eskirgan model, lekin simsiz zaryadlash funksiyasi yoʻq.

❔ Nima o'zgaradi?
Tanlov yanada osonlashadi. Inson miyasi katta hajmli ma'lumotlarni tahlil qilib, o‘rganib chiqishga erinadi. Uchinchi – «yomonroq» variant paydo bo'lganida, dastlabki ikki variant orasidagi tanlov darhol soddalashadi. «Kerakli» telefonni tanlash ehtimoli oshadi. Bu strategiya «qarmoq effekti» nomi bilan tanilgan, ko'p joylarda ishlatiladi.

Yana bir nechta misollar keltiramiz:
? Kiyim do'konida: 100.000 soʻm narxidagi printli futbolka, shunga o'xshash printsiz futbolka 90.000 soʻm,
boshqa printli futbolka esa 80.000 so‘m.

? Mehmonxona saytida:
shahar manzarasi koʻrinib turadigan standart xona,
manzara koʻrinmaydigan standart xona va manzarasiz va konditsionersiz ekonom xona.

Bu strategiyaning siri oddiy: tanlovga aniq tanlanmaydigan variantni qo'shing, shunda «kerakli» tanlov yanada ko'rinishli va jozibali boʻladi.

‼️ Bu strategiyani har qanday holatda ham qoʻllash yaxshi emas, aks holda xaridorlarni yoʻqotishingiz mumkin.