Умрим узоқ бўлсин десангиз!

Кунлик таомномангизда қуйидаги маҳсулотларни кўпайтиринг!

• Араб хурмоси
Қуритилган мевалар кўп калория ва юқори шакар миқдорига эгалиги туфайли ҳам кўпчиликка тавсия этилмайди. Аммо хурмо кальций ва магнийга бой бўлиб, суяк саломатлиги учун муҳимдир.

• Ёнғоқ
Ёнғоқ юрак учун муҳим бўлган ўсимлик оқсили, клетчатка ва тўйинмаган ёғларга бой. Бу маҳсулот ҳар куни ейишга арзийди, ҳар хил турлари бўлса янада яхши. Бразилия ёнғоғи, бодом, грек ёнғоғи, кешю, ерёнғоқ —  кунига бир ҳовуч истеъмол қилиш меъёр ҳисобланади.

• Кўкатлар
Исмалоқ, райҳон, салат барги ва ҳатто Брюссел карами ҳам бу борада кони фойда бўлган маҳсулотлар ҳисобланади. Шифокорларнинг айтишича, кунига камида бир порция кўкат истеъмол қилганларда қариш жараёни бошқаларга нисбатан секин кечади ва когнитив функцияларни йўқотиш эҳтимоли камроқ кузатилади.

• Резавор мевалар
Малина, маймунжон, қулупнай, голубика ва бошқа резавор мевалар клетчатка ва C витаминига бой. Тадқиқотларда аниқланишича, ҳар куни бир стакан голубика еган катта ёшлилар билим самарадорлиги ва хотирани аниқлаш бўйича ўтказилган тестларда яхши натижаларга эришган.

Аввало берувчи ҳам олувчи ҳам Яратганнинг Ўзи. Биз эса, сабабини қилувчилармиз холос. Шунинг учун ҳар бир ризқ қилиб берилган ризқни кучли ихлос ва шукроналик ҳисси билан истеъмол қилиш керак!Кузатиб бориш учун:
Telegram | Instagram | Facebook | YouTube

Эрталабки қуёш нури D витаминига бой

D витаминининг кунлик миқдорини олиш учун қуёшда атиги 15 дақиқа юриш кифоя — ёзда бу витамин ҳақда ўйлашга ҳожат қолмайди. Аммо йилнинг қолган қисмида қуёш жуда қисқа вақт нур сочиши мумкин.

Ҳар куни организм учун камида 400 бирлик D витамини керак бўлади. Шунинг учун ҳозир сизлар билан қандай маҳсулотлар D витаминига бой эканлигини кўриб чиқамиз.

Тухум
Тухумлар ёрдамида D витаминига бўлган эҳтиёжни тўлиқ қондириб бўлмайди, чунки бир дона тухум кунлик эҳтиёжнинг атиги 4 фоизини ўз ичига олади, аммо уларни қўшимча сифатида истеъмол қилиш керак. Тухумни ўз ичига олган нонушта энг соғлом эрталабки таомлардан биридир.
Пишлоқ
100 грамм пишлоқ D витамини учун кунлик эҳтиёжнинг 3 фоизини қоплайди. Пишлоқни мунтазам истеъмол қилиш ҳам инсульт хавфини камайтиришга ёрдам беради ва қон томирлари ҳамда юрак саломатлигини яхшилайди.

Қўзиқоринлар
Бор-йўғи 100 грамм қўзиқорин D витаминининг кундалик эҳтиёжни қондириш учун етарли. Шунинг учун уларни салат ва таомларга қўшиш тавсия этилади.

Ҳар тонг қуёш ўзининг заррин нурларини ерга соча бошлаган вақтда сайр қилиш организмнинг бир кунлик D витаминга бўлган эҳтиёжини қондиришга етарли бўлиши мумкин!

Энди тонгги сайрга чиқиб туриш ҳақида ўйлаб кўрарсиз, балки?Кузатиб бориш учун:
Telegram | Instagram | Facebook | YouTube

Миопия кичик ёшдагиларда ҳам кўпайиб бормоқда!

Ҳозирда кўз хасталиги билан шикоят қиладиган ҳар учинчи ёки тўртинчи беморда миопия аниқланмоқда. Улар орасида эса – ёшлар, айниқса болаларда миопия (узоқни кўра олмаслик) хасталиги кўп учрамоқда.

Жаҳон соғлиқни сақлаш ташкилоти прогнозларига кўра, 2050 йилга бориб Ер юзининг ярим аҳолиси миопия билан касалланади. Ҳозирда дунёда 30 фоизгача инсонлар узоқни кўра олмаслик билан хасталанган.

Биз Ўзбекистон Офтальмологлар ассоциацияси билан биргаликда Тошкент шаҳри Мирзо Улуғбек туманининг қатор мактабларида бўлиб, болаларда бепул текширувлар ўтказдик.

Шунда иқрор бўлдикки, болаларимизнинг 30 фоизи айнан миопия билан хасталанган экан. Энг ачинарлиси, ўша 30 фоиз болаларнинг ичида 40 фоизининг ота-онаси фарзандининг кўзи яхши кўрмаслигини билмайди.

Бугунги техник прогресс пайтида бу жуда катта муаммо. Ҳамма болаларнинг қўлида телефон. Эътибор берган бўлсангиз, 6 ойлик боланинг ҳам қўлида телефон бор. Компьютерларни-ку гапирмаса ҳам бўлади. Бу нарса албатта, миопиянинг янада кўпайишига олиб келади.

Авваллари миопияни 10-15 ёшли болаларда аниқлаган бўлсак, ҳозир 3-4 ёшлиларида ҳам учрамоқда. Яъни у эрта бошланяпти, чунки болалар қўлига гаджетлар жуда эрта бериляпти.

*☝️Ҳурматли ота-оналар, сизлардан илтимос: фарзандларингиз қўлига гаджетларингизни бериб қўйманг, чунки, уларнинг кўзлари 14 ёшгача ривожланишдан тўхтамайди. Гаджетлар жуда яқин масофа фойдаланилганлиги учун кўзлар ўз шаклини ўзгартириши мумкин. Бу эса – миопияга сабаб бўлади.*

Ушбу маълумотни ота-оналарга юбориб қўйинг ва ёш авлодни соғлом нигоҳлар билан дунёни кўришлари учун ўз ҳиссангизни қўшинг!Кузатиб бориш учун:
Telegram | Instagram | Facebook | YouTube

Транспортда юрганда китоб ўқиш тўғрими?

Ушбу видеони кўриш орқали транспортда юрган пайтда китоб ёки қандайдир матнни ўқиш қанчалик тўғри эканлигини билиб олишингиз мумкин.

Ҳозироқ мана шу хатони қиладиган дўстингизга ушбу видеони юбориб қўйинг! Кузатиб боришингиз учун:Telegram | Instagram | Facebook | YouTube | TikTok

​Кўз тўр пардаси кўчиши –хавфли офталмологик касаллик!

Одатда, соғлом кўзда, кўз тўр пардаси томирли қатламга қаттиқ ёпишган бўлади. Унинг кўчиши эса, кўзнинг тўр қатлами, томирли қатламдан ажралиши туфайли юзага келади.

Бунинг нимаси хавфли дейишингиз мумкин ва унинг хавфлилиги шунда-ки, у кўрлик ва ногиронликка олиб келиши мумкин. Ҳар йили 100 минг аҳолидан тахминан 10-20 кишида бу касаллик ташхис қилинади. Беморларнинг 70 фоизи 20 ёшдан 55 ёшгача бўлган одамлардир.

Кўз тўр пардаси кўчишининг энг кенг тарқалган белгилари орасида қуйидагилар бор:

• ёруғлик ҳодисалари (бемор мавжуд бўлмаган зигзаг чизиқларини, ёруғлик чақнашларини, қора доғларни кўради);
• кўришда хира "парда" ҳосил бўлиши;
• кўришнинг кескин пасайиши (бемор эрталаб кечқурунга қараганда яхшироқ кўради);
кам ҳолларда • яширин ғилайлик ва • кўзда бироз оғриқ бўлиши;

Агар сизда ҳам шунга ўхшаш белгилар борлигини аниқласангиз, дарҳол бизга мурожаат қилинг. Касалликнинг иложи борича аниқ сабабларини ўрганиш керак, шундагина ижобий натижага эришиш мумкин

🔔 Шунинг учун офталмолог кўригидан йилда бир ёки икки маротаба ўтиб туришни унутманг!

Кузатиб бориш учун:
Telegram | Instagram | Facebook | YouTube | TikTok

Бошидан ўтказган табиб
Тўғри, ёшларимиз илмли, билимли, шу билан бирга жуда ҳам гўзал ва чиройли гапиришмоқда... Лекин, баъзан шунақа "Коммент"лар ҳам бўлади-ки, "Ҳали ўзингиз турмушга ҳам чиқмагансиз-ку, сиз бола тарбияси ҳақида маслаҳат беряпсиз ёки умуман, ҳаётда ўзини қанақа тутиш кераклиги ҳақида маслаҳат беряпсиз" - деб ёзишган бўлади.

Шунақа пайт мана шундай "Cоммент"ларнинг баъзилари тўғри деб ўйлайман. Тўғри, мен билиб турибман: улар интернетдан ўқишган ёки бир-икки китобларни ўқишган-да, чиқиб айтиб беришяпти.

Лекин, менинг фикрим: кўпроқ ҳаёт тажрибаси бор, қийинчиликлардан ўтган инсонлардан маслаҳат олиш зарур. Ўзбекларда бир яхши мақол бор: "Ким табиб, бошидан ўтган табиб!" яъни шунақа бошидан ўтган табиблардан маслаҳат олишса, шунақалар билан мулоқот қилишса, фойдадан ҳоли бўлмайди.

*©️ Зулфия Максудова*
Кузатиб бориш учун:Telegram | Instagram | Facebook | YouTube | TikTok

Стресс инсонни ўлимга олиб борадими?
Агар бу ҳақида билмасангиз, ҳозироқ ушбу видеони томоша қилинг! Кузатиб боришингиз учун:
Telegram | Instagram | Facebook | YouTube | TikTok