عام .. بـ لياليه وأيامه من المستفيد
من غيبةٍ كل ما طالت تحمّلتها

أعاند النفس واقنعها بما لا تريد
والنفس لا اقنعتها بالصدق زعّلتها

تنتابني لهفةٍ تنقص وترجع تزيد
سحابه كل ما طال المدى خلتها

طبيعة النفس عن منوالها ما تحيد
لو إني اقدر على التبديل بدلتها

كم لي وأنا اجاهد الدنيا وأهلها وحيد
مافيه حمله تقص الظهر ما شلتها

يا راعي الصدة اللي ما سبقها وعيد
متخيلٍ كلشي .. وما تخيلتها

لا تحسب إن الرسايل عالقه فـ البريد
أنا كتبت الرسايل بس ما ارسلتها

من خوف لا يضرب الوقت بيد من حديد
امهلت روحٍ تبي شوفتك واهملتها

ولعيونك اللي يضيع ابها الكلام المفيد
اسهرت عينٍ طواها الحنين واشغلتها

أنا طموحاتي بعيده وراسي عنيد
ما أسمح من المستحيله غير .. لا طلتها

رزقني الله بـ موهبةٍ مداها بعيد
تزاولت لي على دربي وزاولتها

رغم إني املك نوادر من عيون القصيد
تغريني اللي ليا هالحين ما نلتها

ما عندي أجمل قصيده من قديم وجديد
أجمل قصيده .. قصيده ما بعد قلتها
- عبدالله السراهيد

‏لك الله ياقلب من الناس شاف وعاف
‏ولا جاز له من مجمل الخلق واجدها .

‏مما جاء بعذوبة الطمأنينة
‏يقول صالح النشيرا :
‏"لاتحاتين الضما والجوع في رحلة جهادي
‏الحظوظ مقسمه والذيب ماياكل وليده"

‏أنا ماني بـ أول من كتبه الله من المبلين
‏ولاني بـ أول اللي راح من يديه غاليّيه !

‏أنا أكثر من نسى نفسه وبدّا معشر الغالين
‏يظن أيام هـالدنيا مع الغالين .. ورديه

‏" تمنى فالعمر لحظه يحس أنه من الحيين
‏بعد ما موت أحساسه شعوره بالأقليه "

تقول أنّه خلقه الله لوقته في رقبته دين
‏يشوف العمر يركض به ولا سدد لياليّيه ..

‏خذت منه السنين اجمل سنينه، وردة العشرين
‏قطفها من جذور أقصاااااه .... في ليله وداعيّه

‏ومـ بين يحنّ لـ الماضي وبين ان : مامعَه عمرين؟
‏( تسجّل وقفَته ضمن الـ وقوفات الصراعيّه )

والله محد يطفّي لمبة قلبه بإيده
يطفّيها إللي حطه جوّا قلبه
- أوووبس !

‏لو خسرتك
‏ما خسرت العمر و الدنيا متاع
‏و أدري إني لو خسرتك ما خسرت
‏ إلا قليل
‏بس فکر زین و تعرف مين خسر فينا
‏وضا ا ا ا ع
‏وتعرف إنك لو تلف الأرض وتدور بديل
‏والله إن تبطي و لو لفيت في كل البقاع
‏ولو تسوي وش تسوي مانت لاقي لي بديل !

‏أنا أخترت
‏القرار إللي يناسبني
‏وعن معظم الناس قمت أغيِّر الوجهه

‏من يبديّ
‏الوصل لا يمكن يعاتبني
‏ومن يقطع الوصل خلّيته على وجهه .

"سرحت بـ خيالي فيك، واسهيت فالتفكير
‏وطلّعت كل اللي مخبى ورا صدري

‏ما تمنعني حدود المسافة عن التعبير
‏أنا توّي مسولف معك وانت ما تدري"

الاهي وانا عبدك وادل السنع واضيع .