السلام عليكم ورحمة الله وبركاته حوجتنا الليلة لطفلة عمرها ١٦ سنة راقدة في جهاز تنفس إصطناعي ? بتعاني من متلازمة بتعمل شلل نصفي و ضعف في العضلات وتحتاج لحقن تسمى(Iv immune globulin) وتحتاج أربعة حقن في اليوم لمدة خمسة أيام. التكلفة الكُلية 4.700.000 جنيه…

السلام عليكم ورحمة الله وبركاته
حوجتنا الليلة لطفلة عمرها ١٦ سنة راقدة في جهاز تنفس إصطناعي ?
بتعاني من متلازمة بتعمل شلل نصفي و ضعف في العضلات وتحتاج لحقن تسمى(Iv immune globulin) وتحتاج أربعة حقن في اليوم لمدة خمسة أيام.
التكلفة الكُلية 4.700.000 جنيه سوداني (4مليار و700 ألف جنيه).
تكلفة الحقنة الواحدة 235.000
للتبرع: 2435413
رشا هاشم

منصات عربية لكورسات أونلاين?*.
المنصات الخاصة بالمحتوى التعليمي عربياً كتيرة شديد شديد وبمختلف الجنسيات فبتلقى منصات مصرية، سعودية، أُردنية أو حتى مشتركة.
حنتكلم في البوست دا عن *عدد من المنصات العربية المُتخصصة في الكورسات بمختلف المجالات ونبدأ:.
_فُرصة :هي منصة بتوفر عدد كببر من الكورسات من مدربين مُختلفبن أو بالتعاون مع شركات وجامعات كبيرة زب أوكسفورد بس ما كل الكورسات مجانية بثورة تامة فأحياناً بكون الكورس مجان بس الشهادة لا ودا غالباً بكون في الكورسات الأجنبية الفي المنصة أو التطبيق.
_إدراك: منصة مشهورة شديد بتقدم كورسات كويسة شديد في مجالات مُختلفة بس فهمها زي فُرصة من حيث مجانية كل الكورسات.
_معارف : المنصة دي كويسة شديد من حيث تنوع الكورسات وغيرها بس بالنسبة لي محتوى الدورات ما أفضل حاجة(ما كل الكورسات).
_أكاديمية حوسب :دي أكاديمية مُتخصصة في شغل الحاسوب بتقدم كورسات حاسوب (ما أعتقد أنها for free).
_منصة عبد الله الغرير: دي منصة سعودية أو إماراتية تقريباً بس محتواها كويس شديد بس عشان تدخلها لازم تكون في عمر معين.
الكورسات والمنصات كثيرة وقدر ما إتعلمت من حتات مُختلفة حتعرف المُحتوى الكويس من الكعب لكن كنصيحة مني ما تعتمد على كورسات المنصات العربية بصورة كبيرة وخليك أجنبي أكثر في حتة الكورسات. قد يكون سقط مني إسماً سهواً.
#عشان_نتعلم
#آيه_حسن

دولينجو و المِثلية:☄️
دولينجو تطبيق معروف لتعليم اللغات سواء إنجليزي أو غيره وهو ثراحة من أسهل التطبيقات لتعليم اللغات (إتكلمت عنه قبل دا)، بس دا كله ما مهم حالياً المهم الحأذكره أسي.
خلال تعلُمي للغة من اللغات على التطبيق ظهرت لي قصة عن بنوتة سافرت لدولة عشان شهر العسل ودا عادي بحيث إنه في التطبيق بذكروا قِصص للتعليم بس الما عادي واللي أول مرة يحصل لي هو إنه شهر العسل اللي قالته البت حتقضيه مع بنوتة! يعني هم مِثليين.
والموضوع مُتأخِد بسهولة ولا كأنه حاجة ما طبيعية ودا بورينا إنه دولينجوا بدعم المِثليية.
المفروض طبعاً إنت تأخد الكلمات بس في الحالة دي وما ترسخ في بالك الفكرة وتخليها عادي، موضوع العادي دا هو العايز يصل له الغرب في القضايا الزي دي تحديداً.
#عشان_نتعلم
#آيه_حسن

بـ ودّي أكتُب عن مفهوم التزكية والتخلية والمدخلات والعوالق ولكن للكهرباء والشبكة رأي آخر⁦:⁠^⁠)⁩
ف رجاءً اقروا عنّهم علشان تضّح ليكم الفكرة أكتر وتتوسع مدارك فهمكم لأشياء كثيرة
وما تنسوا تشاركوني قراءاتكم عن المواضيع دي ع @Ronbilla_bot وكمان اقتراحاتكم وتقييمكم للمقالات اللي بنزّلها -وإن كانت قليييييلة جداً-⁦(⁠-⁠_⁠-⁠;⁠)⁩

سلام⁦⁦⁦(⁠^⁠^⁠)⁩?

اربطوا الأحزمة محتوى جديد يُطبخ بهدوء على نار الحرب?⭕️⭕️⭕️

الخجل من الوضع الإجتماعي (مكان السكن) :
قبل فترة نزلت إستفتاء عن إذا حصل وخخجلت من مكان سكنك خصوصاً بعد العودة للجذور (النزوح) ولقيت الآراء مُختلفة بين نعم ولالا وصراحة إتلهيت عن الموضوع بس حصل موقف في حياتي ذكرني الإستفتاء دا.
الرأي الأول لا:
ودي كانت النسبة الأقل والحمد لله بس نشوف البحصل شنو.
الشخص البكون ما خجلان من مكانه هو الشخص الأكثر تقبل للوضع والأكثر راحة نفسية وبكون بحاول قدر المستطاع يستمتع بالوضع الحوليه ويلقى مواضيع وبكون علاقات حقيقية ما مبنية على خوف من صحبه إنه يلقاه مع شخص من البيئة دي ويسأله بتغرفه من وين.
الرأي الثاني نعم:
ودي حاجة مُنتشرة وقد تكون في الأطفال والمُراهقيين بصورة أكبر، الفئة دي من الناس بتكون عايشة في خوف دائم من مجتمعهم الخلقوه لنفسهم يتعرف على مكان سكنهم بل في ناس ممكن تنزل في محطة أو منطقة غير منطقتها بس عشان البرستيج .
طبعاً ما حأقول إنه الحاجة دي خطأ عشان هي أكيد خطأ بس المشكلة دي بتجي بأبعاد مُختلفة من زول للتاني ففي زول بخجل عشان المُجتمع وفي زول بخجل لنفسه لكن المغزى واحد. فالخوف دا بخليك زول كضاب وزول متوتر طول الوقت وخصوصاً لو في جلسة وبتكلموا عن مكان سكنهم أو كذا وممكن تتطور الحكاية دي وتعمل عُقدة من أهلك ليه هم سكنوا هنا وليه إنت ما زي أصحابك وممكن تبقى كراهية.
كونك تخجل من مكان سكنك دي حاجة بتقلل من قيمتك حقيقي. زي ما بتفكر في شكلك لمن يعرفوك ساكن وين خاف على شكلك لمن يعرفوك زول كضاب (ما بهمهم سبب كذبك).
خجلك من مكان سكنك عمره ما حيكون حل بالنسبة لمشاكلك بل حيكون زيادة للمشاكل والهواجس اللي في حياتك، حتكون مضغوط وخايف من صورتك وممكن تصل مرحلة مرضية.
ما كل الأماكن الشعبية سيئة وناسها تعبانين ممكن تلقى شخص ساكن حتة شعبية ووضعه كويس عادي جداً، في الإختاروا الجِيرة والونسة وفي الإختاروا التوفير.
لازم تكون موقِن إنه كل حاجة رزق في الدنيا وما تخلي حاجة تكسر عينك في الحياة دي.
#عشان_نتعلم
#وجهات_نظر
#آيه_حسن

سلام عليكم.. انا امتحنت ايلتس و جبت 7.5 ف حابي اشارك تجربتي عسى و لعل غيري يستفيد، طبعا دي اول مرة امتحن و ما دخلت اي كورس، يعني الموضوع كلو كان self studying.

١/ الليسننج:
تقريباً دة اسهل module ممكن الواحد يجيب فيه سكور عالي عشان كدة كنت مركز عليه، ف البداية كنت بجيب بين ٦ و ٦.٥ .. بديت اسمع لي بودكاست اسمو The English Level Up .. بعد فترة حسيت انو بقى ساهل شديد ف غيرت لي بودكاست مستواهو اعلى شويه اسمو Luke's English podcast و بعد فترة برضو بقى لي ساهل ف بقيت العب ف السرعة، بقيت اسمع بي سرعة 1.5 و 1.75

- ملاحظة الاتنين British Accent
* لو داير تجيب درجة زابطة ف الlistening اسمع كتير ، قدر ما تلقى فرصة اسمع بس و بعد فترة حتلاحظ الفرق.

٢/ الريدنج:
اكتر حاجه كنت خايف منها عشان ال time management و التفاصيل دي، لمن بديت احضر للامتحان ما كنت قادر اجيب اكتر من 5.5 اصلا، بقيت افتش ف المصادر وبديت اقرا المجلات و الصحف العالمية زي الBBC و غيرها. المهم بديت ف الحاجة دي و عملت دفتر بتاع vocabularies بكتب فيو الكلمات الجديدة ، لكن بعد فترة بسيطة حسيت انو الموضوع ما فعال بالطريقة الانا دايرها زايد انو مرات بتلقى articles صعبه شديد ، تاني رجعت النت و بقيت افتش ف طريقه اقدر اطور بيها الريدنج و في النهاية بقيت على انو اقرا الامتحانات القديمه كلها و دي الحاجة العملتها. بديت من Cambridge 1 لحدي Cambridge book 10 و رجعت للاختبارات.
عملت زي خمسة او سته امتحانات لقيت درجاتي بقت بين 6.5 و 7، طوالي واصلت باقي الكتب لحدي Cambridge 18 و بعداك اتوكلت على الامتحان

• بالنسبة لل techniques، ف قناة ف اليوتيوب اسمها د.نجلاء نور ، شفت طريقه الليسننج و الريدنج كلها من هنا، لكن مرات ف حاجات ما بتزبط زي مثلاً سؤال ال matching headings، ف الحالة دي برجع النت افتش لمن القى التكنيك الزابط

٣/ الرايتنج
دة طبعا كابوس لي اي زول بفكر ف الامتحان دة ?، اعتمدت على قناتين ف اليوتيوب IELTS ADVANTAGE + IELTS WITH LIZ

بالنسبة ل part 1 ف البداية قريت كل انواع الأسئلة ف موقع IELTS Advantage و برضو الموقع دة فيهو sample answers ممكن الواحد يستفيد منها، بعد عرفت طريقه الكتابه كيف بقيت اتدرب بي انو بحدد تايمر زي زمن الامتحان الحقيقي و بعداك بمشي chatgpt بشوف الأخطاء وكدة ، طبعا بعد تكتب مرتين تلاته كدة بيظهر ليك نمط بتاع اخطاء ، مثلاً بالنسبة لي كانت عندي مشكله في ال proposition+ articles+ subject verb agreement + punctuation

• بالنسبة للقرامر ركزت على الحاجات الضعيف فيها فقط.

بالنسبة ل part 2 نفس السيناريو لكن دة طبعا بمثل ٢/٣ من الدرجة الكليه للرايتنج عشان كدة ركزت عليه

٤/ التحدث
دة اكتر حاجه انا اهملتها و بديت اتدرب قبل الامتحان بي ايام فقط، طبعا ما كان عندي speaking partner و الزمن اصلا بقى ضيق، نزلت كتاب عاملو واحد اسمو عبد الرحمن حجازي فيهو الأسئله المتوقعه ، بقرا السؤال ، بسجل الاجابه ف التلفون ، براجع التسجيل عشان اشوف الأخطاء وين.
ف البداية الموضوع كان صعب لكن بعد ايام لقيت انو الspeaking بقى احسن من اول. الكتاب صغير يمكن كلو ٦٤ صفحه و طبعا انا الزمن ما كفاني و قريت تقريباً لحدي صفحه ٤٠، بعد الامتحان لقيت نفس السؤال بتاع بارت ٢ و بارت ٣ ف نهاية الكتاب.

يوم الامتحان :
حاول بقدر الامكان تمشي قبل يوم مركز الامتحان عشان تعرف الشارع و كدة
خليك واثق من نفسك، ف مثل بقول If you can't make it, fake it ?
اكل حاجه خفيفه و نوم بدري قبل يوم الامتحان ، لانو الامتحانات كلها ورا بعض مافي اي فاصل
صلي الصبح و ادعي ربك و اتوكل على الإمتحان

"Finally, keep working, keep striving, never give up, fall down seven times, get up eight ?"

منقول??????

⁩قال ابن الجوزي رحمه الله:
من أحب أن ﻻ ينقطع عمله بعد موته فلينشر العلم.