Assalomu alaykum va rahmatulloh. Bugungi "Ibrat farzandlari" tanlovining natijalari bilan tanishing.

19-oktabr soat 13:00 da Chortoq tibbiyot texnikumi (sobiq tibbiyot kolleji) da boshlanadi.

Kechadan fan olimpiadalarining tuman bosqichi boshlandi. Xorijiy tillarning olimpiadasi aynan ertaga ekan.
Tanlovda qatnashmoqchi bo'gan o'quvchi yoshlardan 10 dan ortiq kishi olimpiadachi ekan.
Shu munosabat bilan tanlov 19-oktabrga ko'chirildi.

Assalomu alaykum va rohmatulloh.

“Eng yaxshi tarjimon” nominatsiyasining g’olibi nomzodlarning xorijiy tildan tarjima va xorijiy tilga tarjima bo‘yicha umumiy baholari asosida belgilanadi. Masalan, ingliz va rus tillari bo'yicha ariza bergan nomzod ingliz tilidan tarjima uchun 4 ball (maksimal 5 ball), ingliz tiliga tarjima uchun 6 ball (maksimal 8 ball) oldi, deylik. Jami 10 ball bo'ldi. Rus tilidan tarjima uchun 5 ball (maksimal) va rus tiliga tarjima uchun 7 ball olsa, jami 12 ball bo'ldi. Tarjima bo'yicha umumiy ballari 22 ga teng deb olinadi.

“Eng ko‘p xorijiy til biluvhi poliglot” nominatsiyasi bo‘yicha g’olib nomzodlarning tanlovdagi umumiy baholari asosida aniqlanadi.

Nomzodning tanlovdagi umumiy bahosi har bir til bo‘yicha to‘plagan ballarining yig’indisiga teng bo‘ladi. Masalan, ingliz va rus tili bo'yicha ariza bergan nomzod ingliz tili bo'yicha alohida, rus tili bo'yicha topshiriqlarni bajarib, har biridan 30 ballik tizimda baholanadi. Demak, maksimal 60 ballgacha to'plash imkoniyatiga ega bo'ladi.

BAHOLASH MEZONLARINomzodning o‘z arizasida ko‘rsatgan har bir til bo‘yicha bilish darajasi 30 ballik tizim asosida alohida-alohida baholanadi.

• Xorijiy tilda axborotni qabul qilish darajasi
(tinglab tushunish, o‘qib tushunish) 10 ballgacha:
og’zaki savol yoki audiotopshiriqning to‘liq va to‘g’ri tushunilganligi – 2 ballgacha
og’zaki yoki audiotopshiriqning to‘liq va to‘g’ri bajarilishi – 2 ballgacha
maqol, matal, ibora va idiomalarning to‘g’ri tushunilganligi – 1 ball
xorijiy tildan tarjimaning to‘liq va bexatoligi, uslubiy xususiyatlar inobatga olinganligi – 5 ballgacha

• Xorijiy tilda axborotni uzata olish darajasi (og’zaki nutq, yozma nutq) 20 ballgacha:
talaffuzning aniqligi, ravonligi va bexatoligi – 4 ballgacha
og’zaki nutqning ifodali va tartibli bayon etilishi – 4 ballgacha
og’zaki nutqning maqsadga to‘g’ri yo‘naltirilganligi – 4 ballgacha
xorijiy tilga tarjimaning to‘liq va bexatoligi, uslubiy xususiyatlar inobatga olinganligi – 8 ballgacha

“Ibrat farzandlari” ko‘rik-tanlovi 2 nominatsiya bo’yicha o’tkaziladi:
• Eng ko’p xorijiy til biluvchi poliglot• Eng yaxshi tarjimon