🔜 У вас засталося тры гадзіны, каб зарэгістравацца і прыйсці на цудоўны квіз, прысвечаны Дню правоў чалавека!Праверце сябе і свае веды! Гэта будзе файны і вясёлы вечар ☀️

Аўтар і вядоўца: Павел Свярдлоў, галоўны рэдактар «Еўрарадыё», уладальнік Крыштальнай савы.
Калі і дзе: СЁННЯ, 18:30 – 20:30,Muzeum Podgórza (ul. Limanowskiego 51)

*👉*** Рэгістрацыя

🎄☃️ 15 СНЕЖНЯ РАЗАМ АДЗНАЧАЕМ KALADY

Сябры і сяброўкі, мы рады анансаваць галоўнае мерапрыемства снежня ад нашай дыяспары — Каляды, якія мы сустрэнем 15 снежня ў Muzeum Podgórza!

💛 Гэта будуць ужо чацвёртыя Каляды кракаўскай дыяспары, і па традыцыі мы будзем дзякаваць адно аднаму за цудоўны час разам і дарыць падарункі — у першую чаргу нашым маленькім беларусікам і беларусачкам!

Акрамя дзіцячага свята, мы плануем калядаваць, піць гарбатку, набываць падарункі блізкім на кірмашы, падпісваць паштоўкі палітзняволеным і шмат чаго яшчэ.

Поўную праграму мы апублікуем тут, а таксама ў Instagram-акаўнце таварыства «Крок», падпісвайцеся!

⭐️ Каб вашы дзеці атрымалі падарункі ад Святога Мікалая, абавязкова запоўніце анкету да 10 снежня (уключна)

❤️‍🔥 Мы збіраем грошы на падарункі дзеткам ды арганізацыю Калядаў. Калі ласка, падтрымайце нас па гэтай спасылцы. Усе грошы ідуць выключна на мерапрыемства, і толькі дзякуючы вам мы штогод ладзім гэта свята!

*🇺🇸 Цікавіцеся праграмай Work & Travel у ЗША? Прыходзьце на сустрэчу пра яе!*

Вас чакае выступ ад былога ўдзельніка праграмы, дзе ён раскажа ўсе падрабязнасці пра яе ды пра магчымасці, якія адкрывае перад вамі. Ды тое, колькі падчас яе рэальна зарабіць ;)

Калі і дзе: 05.12 (чацвер), 19:00 – 20:30, Прастора (ul. Mikołajska 4/6)
*👉 Уваход:* вольны па рэгістрацыі

Таксама можна далучыцца ў чацік для абмеркаванняў праграмы

💛 Памятаеце, як на 9 жніўня мы збіралі грошы на падтрымку палітзняволеных? Мы тады сабралі тысячу еўра! Перадаем вам зварот праваабаронцы, праз якую мы перадалі гэтыя грошы

Дзеля бяспекі мы не даем імёны палітзняволеных. Нам вядома, каму пайшла дапамога, і нам далі доказы, таму мы ўпэўнены, што падтрымка дайшла да сваіх адрасатаў.

💬 Выказваем вялікую падзяку нашым дарагім беларусам Кракава, якія не забываюцца на тых, хто застаецца на Радзіме, часам ужо амаль сам-насам з турмой. Бо салідарнасць далёка не такая, як у 21-22 гадах, страх і бясконцыя рэпрэсіі заганяюць людзей ва ўсё большае падполле, ва ўнутраную эміграцыю.

Абсалютна любая дапамога гэта не проста матэрыяльная падтрымка, а сведчанне, што пра нашых родных клапоцяцца, за іх перажываюць, і гэта дае надзею, сілы трымацца, каб дачакацца агульнага Вызвалення! 🤍❣️🤍

Па сутнасці атрыманага: 1000 еўра. З іх пакладзена на рахунак двойчы аднаму палітвязню, асуджанаму паўторна, і адпраўлены пяць перадачак падчас утрымання ў СІЗА (300 еўра), пераведзены грошы на падпіску ў калонію на першае паўгоддзе 25 года (200 еўра)

Таксама сабраны дзве рэчавыя перадачы двум палітвязням (400 еўра), а 100 еўра пераведзена на рахунак яшчэ аднаму палітвязню.

🙏 Такім чынам, 4 палітзняволеныя атрымалі дапамогу, за што яшчэ раз вялікі дзякуй неабыякавым суайчыннікам!

Напярэдадні НГ хочацца пажадаць усім нам цудаў і цёплых радасных сустрэч 🤝

🌠 Новая сустрэча бізнес-клуба

Гэта месца, дзе мы аб’ядноўваем аднадумцаў, абмяркоўваем ідэі, шукаем партнёраў і магчымасці для супрацоўніцтва і развіцця.

🔸 У праграме — майстар-клас «Сон, стрэс, трывожнасць». Як павысіць стрэсаўстойлівасць і аднавіць сілы пасля складаных сітуацый. Якія звычкі стымулююць работу мозгу, канцэнтрацыю ўвагі і памяць.

Калі і дзе: 28.11 (чацвер), 17:45 – 19:50, Прастора (ul. Mikołajska 4/6, Kraków)
Уваход: данат у 10 злотых для забеспячэння арэнды.

*👉 Рэгістрацыя па спасылцы*