Dunyoda hech menga aytmas hasratin
Bir bora demadi qara ko'nglimga
Qolganlarga kerak bo'lsa molu davlatim
Onam xursand bo'lar mening borimga

Ko'p narsa soramaydi bor bolgin deydi
Ahvoli tang bolsa ham yaxshiman deydi
Bir kun beli ogrisa, bir kun oyogi
Bolam sen baxtli bo'lsang, men baxtli deydi

Beg'ubor onama, soddadil onam

O'tmishga nazar

Ora-orada o'tmishim, yoshligimni eslab turaman. Qayerdan kelganman, kim edimu va hozir qayerdaman, kim bo'ldim va kelajakda nima qilmoqchiman, kim bo'lmoqchiman.

Yoshligim Namanganning so'lim qishlog'ida o'tgan, asosiy ishim dehqonchilik va mol boqish bo'lgan. O'qish uchun deyarli ko'p vaqt sarflamaganman, lekin o'zlashtirishim yaxshi edi, buning uchun avvalo Allohga va genlari uchun ota-onamga rahmat aytaman.

Oddiy maktabda o'qidim, u yerda muhit uncha yaxshi emas edi, bollar deyarli o'qishga qiziqmas edi. U yerda kuchli bo'lish unchalik qiyin emas edi.

Undan keyin o'zim bilmagan holda Namangandagi eng yaxshi litseyga kirib qolganman, bo'libam kuchaytirilgan guruhiga. U yerdagi muhit juda zo'r edi, hamma kuchli, masqsadi bor, o'qishga qiziqishi yaxshi. Asosiy o'sish hamda o'zimni anglash shu yerda bo'lgan deb o'ylayman. U yerdagilar hammasi hozir O'zbekistonda va chet elda yaxshi joylarda ishlashyapti.

U paytda maqsadim faqat chet elga ketish edi, qanday ketiladi unisini qizig'i yo'q edi. Lekin, ma'lum bir sabablarga ko'ra keta olmadim va TATU ga kirdim. Keyin o'tirib o'ylaganman, hamma yaxshi o'qib, chetga ketsa yaxshimas deb.

Kompaniya ochish istagi paydo bo'ldi va Allohga shukurlar bo'lsinki, bu ishni qilishga ham qodir qildi. Hozirda sherigim bilan, o'z kompaniyamizga egamiz va kompaniyada 40 dan oshiq jamoa a'zosi bor va deyarli mingga yaqin doimiy mijozlarimiz bor.

Oddiy qishloq bolasidan to hozirgacha bosgan yo'limni bugun o'ylab maqsadlarni qayta ko'rib chiqib o'tirganda shu narsalarni ulashgim keldi. Maqsadlarni esa ulashishni yomon ko'raman, avval qilib keyin ko'rsatganim yaxshi deb o'ylayman.

P.s: Namanganlik oddiy qishloq bolasi

Baxtli bo'lishni xoxlasak maqsadga oson erishar edik. Biz boshqalardan ko'ra baxtliroq bo'lishni istaymiz, shuning uchun ham to'liq baxtga erisha olmaymiz.

Mishel de Monten

Qurbon hayiti muborak bo'lsin

Shaxsiy hayotdagi burilish

Inson hayotida ma'lum bir paytlar bo'ladiki yashashi, fikrlashi, dunyoga va odamlarga bo'lgan munosabati o'zgarishni boshlaydi.

Buni ko'pincha maktabni bitirib, universitetda mustaqil hayotga qadam qo'ygandan keyin, qiz/yigit turmush qurishga niyat qilgandan keyin, birinchi farzandini bag'riga bosgandan keyingi holatlarda kuzatishimiz mumkin.

Menimcha bu vaqtda inson qilishi kerak bo'lgan birinchi ish to'xtab, keyingi hayotini qanday bo'lishini yaxshilab o'ylab olishi va keyin esa o'ylanmasdan dadil qadam tashlashi lozim.

Yana kimda qanday takliflar bor?

Uni qilish qiyin yoki men hali buni qilmadim?!

Odamlarda ko'pincha maqsadlar qo'yish hamda orzularga erishishda bahona yoki sabablar bor. Bulardan asosiylaridan buni qilish qiyin, bu narsa qimmat va shunga o'xshash bahonalar.

Bu narsa yaxshi emas. Bu bilan ular dunyoni yoki boshqalarni aybdor qilib barcha yukni boshqalarga ag'darishga urinishadi va miyasiga buni qila olmayman degan blokni qo'yishadi.

Xo'sh qanday bo'lishi kerak
- Biror narsa sotib olmoqchimisiz? "U qimmat" deb emas, "Men hali u pulni yig'ganim yo'q albatta yig'aman va olaman" deng
- Biror ish qilmoqchimisiz? "U qiyin yoki bilimim yetmaydi" emas. "Hozircha qiyin lekin men albatta buni qilaman" deng

Shunda siz hamma mas'uliyatni o'zingizga olasiz hamda miyangiz unga erishish uchun harakat qilishni boshlaydi.

Xo'sh aytingchi siz orzularingizga hali erishmadingizmi yoki orzularingizga erishish qiyinmi?

Bir necha tavsiyalar

1. Sukut saqlashni o'rganing. Hamma narsani ham aytish joiz emas.

2. Sukut keraksiz tashvishdan ko'ra yaxshiroq.

3. Agar siz o'zingizdan kuchliroq inson bilan uchrashsangiz, ular bilan raqobatga kirmang, birga ishlang.

4. Siz yaratadigan oila, siz katta bo'lgan oiladan ko'ra yaxshiroq bo'lishi lozim.

5. O'zingizni jamiyatning keraksiz g'oyalaridan ajratishga harakat qiling, chunki jamiyatdagi ko'p narsalar nega qilinishini hech kim bilmaydi.

6. Bitta chin, har doim yoningda turadigan do'st bo'lgani yaxshi, ko'pgina ulfatdan ko'ra.

7. Ota-onangizni ayblashni bas qiling va o'zingiz uchun o'zingiz javob bering.

8. Hech kim sizni hayotingizni kelib yaxshilab bermaydi. Sizning hayotingiz 100% sizniki.

9. Sizga 100 ta shaxsiy rivojlanish bo'yicha kitob kerak emas. Disiplina hamda harakat qilish kerak xolos.

10. Sizning asosiy fokusingiz oila bo'lishi kerak va qolganlari shu fokusingiz uchun yordam berishi kerak.

More coming soon...

Yoshlardan o'rganish kerak

Bugun to'liq vaqtimni jiyanlarim bilan shahardan chekkaroq joyda o'tkazdim. O'zi har hafta jiyamlarimni ko'rgani boraman va bu menga zavq bag'ishlaydi.

Jiyanlarimdan bugun juda ko'p narsalarni o'rgandim. Ular juda yoshligi sababli ularga qanday munosabat qilsangiz yoki nimanidur o'rgatsangiz o'shanday qilishadi yoki eplay olgancha qilishadi.

O'zi ishimda nimadur yechim qilsak "Yosh bola ham tushunadigan qilish kerak", degan shartga amal qilishga harakat qilaman.

Eng kichik jiyanim doim nimadur o'rgatsam, "Nimaga buni shunday qilish kerak?" deb so'raydi. O'zim ham o'ylanib qolaman, "Nega shunday qilarkanmana? Bundan oson yo'li yo'qmikin? ?" deb.

Yoshlardan ko'p narsalarni o'rgansa bo'ladi. Faqat ularni ko'proq vaqt ajratish va kuzatish kerak xolos.

Tez bormoqchi bo'lsang o'zing bor.
Uzoqroq bormoqchi bo'lsang sherik top