[♦️ اذا محتاج قصيده 🙂 لاي مناسبة أو أي امام ✅

اضغط عالمايك 👈 🎙️📝🙂 واندعيلي 😊😊](https://t.me/Bany_Hashim_0)

نحتاجك اليوم شلون عنه تروح
ترست كلوبنه سيدنه كله جروح
مي كفي حزنه ولا يفيد النوح
باب الجنه هسه ألك مفتوح

هل ليله الدمع نصر الله يم بابك
وتلطم بل شوارع لجلك اصحابك
يا كسره جبيره هسه لحبابك
صوابك بل گلب ما ينسي صوابك

هنيالك شهيد بدرب الحسين
يل ناصر المذهب وناصر الدين
علمت الزلم معنه البطولات
ما لمنه اذا دم تبچي العين

يبرالك جدك علي شلون ننساك
شفيعك حيدره وحسين وياك
تضل جمره بگلبنه شما ذكرناك
تبچي عيونه من يمر طرواك

حزب الله نصب مئتم يلطمون
ما صدگنه راح سيد يكولون
واحدهم ينوح وكلبه مطعون
يا وسفه نصر الله اليوم مدفون

الخادم حيدر ناجي الدراجي

شلون تموت يمخوف اليعيلون
صار سنين مــن ثوبك يرجفون

•───✧◐◐✧───•

شلون تروح واحنه نفكر بعيد
صولاتك ترد ياشهم صنديد
مثل صولات جدك بيهم تعيد
{ الموت لجالك / ماردناه }

•───✧◐◐✧───•

ماردناك تمشي نريدك سنين
ياهيبة الشيعه وناصر الدين
تمنيناك تاخذ ثار الحسين
{ من يظهر باچر / مولانه }

•───✧◐◐✧───•

خبر موتك فجعنه وهز الأكوان
الشيعه مكدره والكون حزنان
وحزب الله يون عليك حيران
{ المات اعله الحق / يردونه }

•───✧◐◐✧───•

حكهم لو بچو لجلك يقائدهم
سنين وياك عاشو وانت سيدهم
صنعت ارجال نشميه ونعم منهم
{  مانوم ليله / اعله العيله }

•───✧◐◐✧───•

مايرضون عالعيله ينامون
ثارك تاخذه ازلام اليثورون
والعدوان ردهم يخافون
{ الثار مربع / يردونه }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيد

لطميه للسيد حسن نصر الله

عالسادات صبح محزن الدين
يا سيد حسن يلراج الصوبين
❥━──➸➽❥💔❥━──➸➽❥💔
حزنانه الشيعه شال هيبتنه
عليه امكدر الدين ومراجعنه
يا هيبه وفخر يالشال من عدنه
《 حزنانه الشيعه تون 》
❥━──➸➽❥💔❥━──➸➽❥💔
الك صولات بالميدان وحروبه
عليك امكدره والدنيا مكلوبه
ابوك المرتضى وامك المهيوبه
《 أنعازيهه الزهره عليك 》
❥━──➸➽❥💔❥━──➸➽❥💔
الف يا حيف شال الراعب اسرائيل
يا وسفه الدنيا شلون بيك تميل
الشيعه ابعازتك لا ترتحل وتشيل
《 انته الهيبه شلون اتشيل 》
❥━──➸➽❥💔❥━──➸➽❥💔
يبو هادي عليك الدنيا مرجونه
سبع وبخيت والمثلك يريدونه
المهدي عليك صبح تهمل عيونه
《 يبجي عليه المهدي امدنك 》
❥━──➸➽❥💔❥━──➸➽❥💔
عليك اليوم يالسيد محزنين
نصبنه الفاتحه او بيرغ امعلكين
نلطم حيل والدمعات بالعين
《 امشيعينه السيد وسفه 》
❥━──➸➽❥💔❥━──➸➽❥💔

تـــمت والـــــفضـــ🤲ـــل لله تعالى
بقلم ✍ الشاعره أم محمد الكناني
صاحبه ديوان📚أقل الوفاء في مصائب كربلاء
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

هوسات لبطل المقاومه السيد حسن نصر الله

خبر موتك فجعنه وحيل اذانه
يسيد نصر الله البيك علانه
يالشيعة محمد اليوم حزنانه

الضالم ضل مرعوب /حتى بيوم استشهاده

꧁🌹꧂꧁🌹꧂꧁🌹꧂

يضل اسمك علم اوتاج عالراس
يمن خزرت اعيونك  خزرة العباس
حزنانه عليك  اليوم كلها الناس

اتهدم والله اتهدم /ابموتك ركن الدين

꧁🌹꧂꧁🌹꧂꧁🌹꧂

اعله نهجك نضل للموت يامولاي
نضحي بالنفس  والغالي يالوفاي
كفؤ منك ماقصرت ونكمل احنا الجاي

اطمن والله اطمن
ثارك ماننساه

꧁🌹꧂꧁🌹꧂꧁🌹꧂

نعزي المنتظر بالفاجعه اليوم
دين الله انكدر وكل شعي مهضوم
تصب اعيونه لجله وتسيل ادموم

المهدي اليوم المهدي/مايبطل نوحه

꧁🌹꧂꧁🌹꧂꧁🌹꧂

عجل بالفرج ياربي كلنه منتضريه
مهدينه وننطره  والفاجعه اتاذي
يشهر سيفه ابو صالح للعدوان خليه

الليله المهدي الليله /اجروحه تندي اعليه

تــــمت بعون الله تعالى
بقــــ✍🏻لم خـادمة االزهراء  عليها  السلام
الشـــاعره أم حسين الفريداوي
لاأجيز حذف الأسم
نسالكم الدعاء بتعجيل الفرج لصاحب الزمان ((عج))

نعي  نصاري للسيد حسن نصر الله والسيد صفي الدين طاب ثراهم

مشو للموت لكن دون توديع
وعليهم تهل ضلت شفنه العيون

ولد حسين ذوله الكلهم احساس
العله العيله أبد لاماينامون

راحوا والگلب مكسور خلوه
بيمن ينجبر من مايردون

نصر الله حسن بعده صفي الدين
ومانعرف بعد شنسوي واشلون

هذا الموت چن متحزم احزام
اخذ وين الكلف والبي يحلفون

ضلينه وسف بس ننشر اخبار
مصوب هذا ذاك مغير اللون

وذاك العله الساتر ذابله شفاه
وجوه الترب هذا بدمه مدفون

العالي يصير هامه.    مايردون
منه وكلشي منه.       مايردون
الراحوا واتركونه.      مايردون
اسكنوا وسط اللحد واگطعوا بيه

اسألكم الدعآء
خادم آبي الآحرار
ضياء الكناني

مو يومك ترى حزنانه لبنان
وعراق حسين يبچي وبچت كوفان
تستاهل الدمعه اعليك من دم
يا عنوان شيعي وتبقى عنوان

يل جنت بخطابك ترجف اسرائيل
يضل صوتك يدوي يل تهد الحيل
ترى الشيعه برحيلك تصيح ياويل
ما متوقعه هذا اليوم منه اتشيل

سوينه حداد المات قائد عام
حزب الله يكول اليوم صرنه ايتام
جوه تراب عينك وسفه هسه تنام
نتصر دمك عليهم ذوله ضلام

صفت دارك خليه بس دمع بيه
نصر الله بعد لا مايرد ليه
بقى بس الحزن واه طاريه
راح الجان بنوره يضويهه

نصر الله نشيعه والجروح هواي
طاح اليوم قائد والعلي وفاي
حزب الله يكول شلون بله بهاي
ربعه دكول بعده تيهينه الراي

*

‏صورة من خادمه الخدم

‏فيديو من خادمه الخدم

خطبة الشام
قصيده فزاعيه للسيده زينب عليه السلام

زينب بت علي هزت الظلام
بخطبتهه الجليله وطبت الشام
"" "" "" "" "" "" "" "" "" ""
تخاطب بالبلاغة الهاشمية
عگب ماراحت بونه خفية
اميرة بت علي ماهي سبية

الحر ايظل ابي متغيره الالام

"" "" "" "" "" "" "" "" "" ""
ماذلت ابد لادنكت راس
هيه العالمه وختك يعباس
ماتمحي ذكرها كوم الارجاس

هزت كوم اميه وكل الازلام

"" "" "" "" "" "" "" "" "" ""
تخاطب بالرجس والحزن بيهه
مابينت ابد خله عليهه
وهي راس اخوها بين اديهه

لكن من حجت  مرفوعة الهام

"" "" "" "" "" "" "" "" "" ""
كيدك لاتظن يمحي ذكرنه
تقريعك  يزيد  و لا مايهمنة
تعرف ياهو ابونه وياهي امنه

نسل المصطفى خيرة الاسلام
"" "" "" "" "" "" "" "" "" ""
انته كل عرف ماعندك ودين
الشر البيك واصل نحر الحسين
حسين المنذبج تبجيله كل عين

وكل حر بمصابه والدمع هام

"" "" "" "" "" "" "" "" "" ""
طبت شامخه لبوة الكرار
لكن بالكلب جمره. وتشب نار
يزيد بمحضره يضرب الاطهار

فرحانه العده وتظرب الدمام
"" "" "" "" "" "" "" "" "" "

بيت اهل الوحي وبيت الرساله
الفصحى ولعلم كلهن دلاله
ونته من عرش بيت الضلاله

ترد وتجيب عقلك موجة اوهام

"" "" "" "" "" "" "" "" "" ""
جدنه بالحشر باجر خصيمك
والرب العرش نشكيله ضيمك
حراير طه احنه مو حريمك

اعيون البينه من الحزن متنام
"" "" "" "" "" "" "" "" "" ""

تمت بعون الله تعالى*

تمت بعون الله تعالى
✍?الشاعره مريم العبوديه اسبرة الاحزان?*
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

،، ﷽،،

نزله للسيده زينب ع
قصيده لمولاتنا زينب عليها السلام عن شموخها وشجاعتها كأني بلسان حالها وهي تقف بقصر الطاغي اللعين يزيد عليه لعائن الله

كيد  كيدك يا ابن  مرجانه
الموت مايمحي ذجر مولانه

○•┈---★•..✵.•---★┈•ـ○

هالخطاب ابوسط قصر ابن الدعي
زينب الحره سعت  ذاك  السعي
تكَله  ليزيد  الهتك ستر  وعبي  
بالك ابأسم الشرف  لا تدعي

من تسيل ابلا ذنوب ادمانه
الموت مايمحي ذجر  مولانه

○•┈---★•..✵.•---★┈•ـ○

مايطول ايام حكمك يا يزيد
هذا قانون الدهر ماهو جديد
انخلقنه احرار احنه مو عبيد
اشلون نتبع للحكم ماهو رشيد

نفخر بهذا النهج خلانه
الموت مايمحي اثر مولانه

○•┈---★•..✵.•---★┈•ـ○

ماتخوفنه  ولا  يرجف جفن
احنه حتى اطفالنه لبست جفن
بالخرابه  وليلنه  اعلينه  يجن
ما نهابك ابد  ما يظهر  حزن

ولد حيدر والفخر عنوانه
الموت مايمحي ذجر مولانه

○•┈---★•..✵.•---★┈•ـ○

آنه زينب بت علي وامي البتول
انته امك هند ما عندك  اصول
واني اخوي احسين باقي مايزول
شما تدوس اعله الصدر خيل وتجول

تبقى رايتنه ترف بسمانه
الموت مايمحي ذجر مولانه

○•┈---★•..✵.•---★┈•ـ○

حسين يبقى بذاكرة كلب الزمان
ثوره ظلت خالده مثل الاذان
منبر حسين اليّدّوي بكل مكان
عاجز بوصفه صبح هذا اللسان

مركب الاحرار إله ودانه
الموت ما يمحي ذجر مولانه

○•┈---★•..✵.•---★┈•ـ○

تبقى رايتنه ترف مر الدهور
لن سكيناها ترى بدم النحور
هذا دم حسين للمحشر يفور
يزلزل اعروشك يبن راعي الفجور

وننطر المهدي يعيد اركانه
الموت مايمحي ذجر مولانه

○•┈---★•..✵.•---★┈•ـ○

تمت بعون الله تعالى
✍?الشاعره مريم العبوديه اسبرة الاحزان?*
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

قصيده لام البنين عليها السلام ?

هاي ام الگمر من تنخاها
ماترد محتاج لا حاشاها

الخير كله ايصيبك بزود وفه
هاي بحر الجود بحر المعرفه
المريض الينخه من مرضه شفه
اعله بايات الكرم يمناها

ابد ماتنقاس تنطي بلا عدد
هاي ام عباس كفال الشدد
عون النه تصير بالشده وسند
الله بارينه بلطف علاها

اتوسل بعباس راعي الكنطره
وبجفوفه اليوم حلف الطاهره
هيه للكلفات معروفه تره
دوم نذكره ولا ننساها

زود هيه ومعرفه ام البنين
ولنخاها بظيج مترد الادين
وبدمع اتوسل ام كلب الحنين
حاشه اتردها التهل عيناها

ماترد محتاج هاي ام العضيد
مجربه ام عباس بالحاجه اكيد
تنطي كل طالب اجريب وبعيد
باب ماينسد ابد رجواها

يلي عندك مشكله ومالها حل
اطلب الحاجات من ام الكفل
الشدايد بالگلب لا ماتظل
وعينك اتنشف بعد مجراها

تمت بعون الله تعالى
✍?الشاعره مريم العبوديه اسبرة الاحزان?*
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم
https://t.me/lllakihu