لك منزل بين الرجى والتمنّـي
‏ولك دعوة ما فارقت قلب ولسان

‏أدعي عساك تكون فيني ومنـي
‏عل وعسى مايملكك غيري إنسان

‏لا ياخذك وجه الجفى غصب عني
‏ولا يردك عن دفى صدري أزمان

‏أنت الأماني والمنى و التمنّـي
‏وأنت الكمال ومايخالطك نقصان .

تمر الناس وتدور اللّيَالي وأنت شرب وزاد
‏وأنا أدري وأنت تدري عن نَزاهَة قلبي وْغِلّه

‏يهون الدرب ما هان الغريب اللي بدون بلاد
‏ترى لو ما سكنك يشوف فيك الدار، والحِلّة

‏على إنّي قبلك أملّ الرتابة، وأكره المعتاد
‏أنا وجهك لو أملّ البلد، والناس؟ ما أملّه.

لا شفت وجهك قلت للهّم بعدين
‏يروح هَّـم القلب ويعود عيده

‏يميزك عـن باقـي الـنـاس ثنتين
‏ثنتين مـن غير المزايا الفريده

‏عطاك عينٍ ما خلق مثلها عين
‏والخد بـ لحاله .. يبي له قصيدة

‏وجهك اذا شفته .. تذكرت شيئين
‏الحظ الاوفر والحياة السعيدة?

منتي من الارض يمكن : من بقايا قمر
‏نصفك مكابر قسى ونصفك ليانة حنين

‏منتي من اللي يمر الناس وعادي يمر
‏من بين خطوه وخطوه : بينهم وردتين

‏وصرتي كبيره عمر .. ياحظ هذا العمر
‏كل ما كبرتي سنه غارت عليك السنين?

يااا مرحبا ترحيّبة كلها لش !
تكسيش من راسّش ليّا حد ماطاش

من قلب مهيّوم بحبه صفى لش
يلعب به الغربّي ليّا سمع طرياش .

واللي جعل لك فالحنايا سياده
‏بيت ومقر وعرش واملاك وركون

‏إني لا أحبك كل ليلة زياده
‏وإني لا اباهي فيك عاقل ومجنون

‏ازود بك لو ماني بناقص زياده
‏أنت الوحيد اللي على كلي تمون ?

ان كان قلبك يحس وعينك تشوف
‏قلوبنا لو خذاها البعد . . متلاقيّه

‏رغم البطا والمشاكل كلها والظروف
‏محبتك في ضميري باقيه . . باقيّه

لا يزعجك كثر حرصي لانك انت الوحيد
‏اللي المشاعر عليه .. " تبّين عتابها "

‏اهم حاجه اشوفك طول عمرك سعيد
‏خـل الجـروح بـ خفوقـي ينقفل بابها

‏انا احبك محبـه .. (( والاكيد الاكيد ))
‏النفس مهما حصل ما تكـره احبابها

لقيتك امل من ضاع عمره ورى الحرمان
‏وبديتك و انا اشوفك عوض ماضي ايامي

‏جمعني معاك اليسر عقب العسر سبحان
‏من يضحك الخافق بعد جرحه الدامي

‏تحضنت وصلك كني الضامي الهلكان
‏يالين ارتوى فـ مواصلك قلبي الضامي

‏عليك الغلا منساق والشوق شانه شان
‏وعليك الرضا يا واهس الشعر و الهامي ..

رميت كتفي على وجهك شوي وغفيت
‏والغفوه اللي ثواني فوق كتفك ... عمر

‏لو إنك من أول الدنيا معي ماشكيت
‏مافاتنا نستحقه بس ما الله أمر

‏لو مرّ عمري معك برد وسلام اكتفيت
‏هذا وجنبك ربيع العمر عيّا يمر

‏دامك معي لا يهمك لو ضحكت أو بكيت
‏كتفك لحاله يكفي لين يقضي العمر ..