Ассалому Алайкум ва роҳматуллоҳи ва барокатуҳ!

Ўз устимда ишлаб ўзим хоҳлаётган натижа ололмаётган бўлсам ҳам ўзимни кечираман.
Ўзим хоҳлагандек инсон бўла олмаётган бўлсам ҳам ўзимни кечираман.
Ўзим тузган режаларга амал қила олмаётган бўлсам ҳам ўзимни кечираман.
Ўзимга ишониб, ўзимни яхши кўриб, чин дилдан ва чуқур самимият ила кечираман.

Ўзимга суяна олишим, ўзимга ишона олишим учун ҳам ҳам ўзимни кечираман.
Ўзимга энг яқин ва чин дўст бўлишим учун ҳам ўзимни кечираман.
Ўзим билан ўзим самимий ва очиқчасига гаплаша оладиган бўлишим учун ҳам ўзимни кечираман.
Ўзимни яхши кўриб, чин дилдан ва чуқур самимият ила кечираман.

Келажакда хато қилишдан қўрқмаслик учун ҳам ўзимни кечираман.
Яхшиликларга янада кўпроқ куч ва ғайрат билан ҳаракат қилишим учун ҳам ўзимни кечираман.
Ўзимни буткул ва боримча қабул қилиш учун ҳам ўзимни кечираман.
Ўзимни яхши кўриб, чин дилдан ва чуқур самимият ила кечираман.

Ўзимни қанча керак бўлса шунча кечиравераман, кечиравераман.
Ўзимга қанча керак бўлса шунча имконият беравераман, беравераман.
Ўзимга қанча керак бўлса шунча ишонавераман ва яна ишонавераман.
Келажакда йўл қўйишим мумкин бўлган барча хато ва камчиликларим учун ўзимдан чин дилдан кечирим сўрайман ва ўзимни чин дилдан, чуқур самимят ила, яхши кўрган ҳолда олдиндан кечираман.

Ахир ўзим учун энг яқин ўзимман-ку!? Агар мен ўзимни кечирмасам, бошқаларнинг кечиришининг нима аҳамияти бор!?

Аллоҳ ҳақ субҳанаҳу ва таолога бунга қодир қилгани, буни англатгани учун чексиз ҳамду санолар бўлсин! Алҳамдулиллаҳ!

Ассалому Алайкум ва роҳматуллоҳи ва барокатуҳ!

Диққат-эътибор - бу сиздаги энг кучли, универсал ва қимматли ресурслардан биридир. Буни яхшилаб англаб олиш керак.

Диққат-эътибор - бу универсал ресурсдир.
Диққат-эътиборингизни пулга, олтинга айлантирсангиз бўлади.
Диққат-эътиборингизни энергияга айлантирсангиз бўлади.
Диққат-эътиборингизни кучга, билимга, имкониятга айлантирсангиз бўлади.
Диққат-эътиборингизни исталган нарсага айлантиришингиз мумкин...

Ҳозирда сиз диққат-эътиборингизни нималарга айлантиряпсиз?
Пулсизликками, ўзига бўлган ишончсизликками, касалликками, бахтсизликками, муносабатларингизни бузишгами, муваффақиятсизликками ...?

Диққат-эътибор - бу сиздаги энг кучли, универсал ва қимматли ресурслардан биридир. Буни яхшилаб англаб олишингиз керак.

Ассалому Алайкум ва роҳматуллоҳи ва барокатуҳ!!!

Шахсий ривожланиш борасидаги биз билган жуда самарали, тез натижа берувчи усул ва техникалар асосида қуйидаги мавзуларда машғулотлар ўтказмоқчимиз:

1. Даромодни 2-3 баробарга ошириш
2. Онг ости блоклари устида ишлаш
3. Сиздаги журъатсизлик, қўрқоқлик ва бошқа шахсий камчиликларингизга сабаб бўлаётган қарашлар устида ишлаш.

Қайси мавзу устида ишлаб ўзингизни кучайтириш сизга қизиқ?

Ассалому Алайкум ва роҳматуллоҳи ва барокатуҳ!

Ўзингиз ҳақингиздаги, эртангиз ҳақидаги ёмон ўй-фикрларнинг борлиги уларнинг ҳақ эканлигини англатмайди.

Ассалому Алайкум ва роҳматуллоҳи ва барокатуҳ!
Ҳаётдаги тўсиқларни бартараф этишнинг содда, аммо самарали усули

Жанни исмли бир мижозимиз, таътилга чиқишни хоҳларди. У ва эри Роберт бу таътилни йиллар давомида орзу қилиб келиб келишар эди. Аммо ҳар сафар ўзлари чиндан ҳам боргиси келган жойни ўйлашганида "Биз ростдан ҳам бир яхши жойга боргимиз келади-ю, аммо буни қила олмаймиз, чунки пулимиз етарли эмас." деган тўсиққа дуч келишарди.

Патрик, яна бир мижозимиз, аёлига ва болаларига турли нарсалар олиб бериш учун кўпроқ пул топмоқни хоҳлар эди, аммо унинг олдида ҳам "Оилам учун кўп нарсалар қилгим келади, аммо даромадимни ошириш учун менда зарур малакалар йўқ." деган тўсиқ бор эди.

Ребекка, менинг дугонам, мени ҳар кўрганда соғлом овқатланишни хоҳлашини айтарди. Аммо у ҳеч қачон бу мақсадини амалга ошира олмаган. У менга "Мен соғлом овқатланишни хоҳлайман, аммо буни қила олмайман, чунки айрим таомлардан ўзимни тийиб тура олмайман, айниқса ширинликлардан, гарчи уларнинг фойдали эмаслигини билсам ҳам." дерди.

Эътибор берган бўлсангиз ҳар бир ҳолатда мақсадга эришиш йўлида "аммо мен буни қила олмайман, чунки..." деган фикр турибди.

Сизни аслида нима тўхтатиб турибди?

Шубҳасиз, ушбу учала ҳолатда ҳам инсонларнинг онгида чекловчи қарашлари бор бўлиб, агар улар бартараф этилса бу инсонлар ўз мақсадлари йўлида дуч келиб турган ушбу тўсиқларни енгиб ўтиши мумкин. Aммо мен уларга бир неча дақиқа ичида оддий бир ҳийла ўргатдим ва бу ҳийла ёрдамида улар руҳий тушкунлик ва тўсиб қўйилганлик ҳиссидан халос бўлишди.

Қачонки мақсадингиз йўлида тўсиқ бўлганида, бу тўсиқ сизни мақсадингизга эришиш у ёқда турсин, ҳаттоки унга интилишингизга ҳам йўл қўймаётгандек туюлади. Бошқача қилиб айтадиган бўлсак, сиз: "Мен бу тўсиқлар туфайли мақсадимга эриша олмаяпман" деяётган бўласиз.

Жаннига келсак, у ўзи хоҳлаган таътилга чиқа олмади, чунки унинг пули етарли эмас эди. Патрик маълум бир кўникмалари йўқлиги сабабли оиласига нарсалар сотиб олишга етадиган пул топа олмади. Ва Ребекка фойдали бўлмаган таомларни истеъмол қилишдан ўзини тийиб тура олмаганлиги туфайли соғлом овқатланишга амал қила олмади.

Бу одамлар ўзларининг тўсиқларини мақсадларига эришишларига халақит қилувчи нарса деб билишаётгани сизга ҳам кўриняптими? Уларнинг ҳар бирининг мақсади аниқ эди, лекин нимадир уларни мақсади сари ҳаракат қилишига халақит қилаётганди. Уларнинг ҳар бирида "аммо мен қила олмайман, чунки ..." деган фикри бор эди.

Қандай қилиб бу каби тўсиқларга таслим бўлмаслик мумкин

Мана сизга, ушбу уч кишига ва яна кўплаб одамларга ёрдам берган ва йўлингиздаги тўсиқлардан қатъи назар, сизга ҳам кўплаб мақсадларингизга еришишингизга ёрдам берадиган ўша ҳийла.

Мақсадингизга эришиш йўлидаги тўсиқларни мақсаднинг бир қисми сифатида киритинг. Буни қилганингизда нима содир бўлади? "Aммо мен қила олмайман, чунки ..." йўқолади. Мақсадингиз йўлидаги тўсиқ энди шунчаки йўқ. Мақсад, эҳтимол, бироз мураккаброқ, аммо психологик жиҳатдан энди сиз ва мақсадингиз ўртасида ҳеч нарса йўқ.

Келинг, ушбу тамойилни юқоридаги учта ҳолатга татбиқ қилайлик

Мана, Жаннининг қайта кўриб чиқилган мақсади: мен, эрим ва менда бор бўлган пуллардан кўра кўпроқ пул талаб қиладиган таътилга чиқмоқчиман. Бу унинг янгича ифодаланган мақсади. У бу мақсадига қандай эришишни билмаслиги мумкин, аммо энди унинг ечим топишига ҳеч нарса халақит қилмаяпти. Олдинги ҳолатида эса пул етишмаслиги таътилга чиқиш мақсадига ечим топишида муҳим тўсиқ бўлиб турганди.

Фарқ жуда нозик, аммо психологик жиҳатдан у жуда катта бўлиши мумкин. Тушундингизми?

Ассалому Алайкум ва роҳматуллоҳи ва барокатуҳ!

Ҳаётингизда дуч келиб турган муаммоларнинг асл сабабини билиш улардан халос бўлишдаги энг биринчи қадамлардан биридир. Аммо олдинги постимизда айтганимиздек ҳамма ҳам асл сабабларни кўришга, излашга, масъулиятни ўз зиммасига олишга одатланмаган. Кўпинча асл сабаблар қолиб ўзимизни овутадиган, зиммамиздан масъулиятни соқит қиладиган "сабаблар" ни муаммонинг сабаби сифатида кўтариб юрамиз.

Тўғри, кўпинча буни атайин эмас, балки тушунмаган, англамаган ҳолда қилиб юрамиз. Шунинг учун ҳам ушбу постимизда мана шу муаммога ечим кўрсатмоқчимиз. Яъни, муаммоингизнинг сабаби сифатида кўраётганларингиз асл сабабми ёки ўз-ўзини алдаш, овутиш, масъулиятдан қочиш имконини берувчи сабабми аниқлашнинг оддий ва самарали аломатини кўрсатаммиз.

Сабабга ўхшаб кўринган сабаб билан асл сабабнинг фарқини билишнинг оддий аломати бор. Асл сабаблар шундай сабаблар бўладики СИЗ уларга БЕВОСИТА таъсир кўрсата оласиз. Яъни, ўша сабабларни тўғрилаш сизнинг қўлингизда бўлади.

Сохта сабабларнинг белгиси шундан иборатки сиз уларга бевосита таъсир кўрсата олМАйсиз. Яъни, бу сабаблар тўғриланиши учун сиз ҳеч нарса қила олмайсиз. Бунинг учун бошқалар, дунё ўзгариши керак бўлади.

Шунинг учун бирор муаммоингизнинг сабаби сифатида кўрсатаётганларингизга қаранг. Агар у сабабларга бевосита таъсир кўрсата олсангиз, демак асл сабабларни кўраяпсиз. Акс ҳолда сохта сабабларни сабаб деб кўтариб юрган бўласиз.

Ҳозирги кундаги муаммоларингизга сабаб қилиб кўрсатаётганларингизни изоҳларга ёзсангиз уларнинг асл ёки сохталиги юзасидан фикримизни билдирамиз.

Ушбу постимизга кўпроқ реакция билдирилса кейинги постимизда асл ва сохта сабабларга мисоллар келтирамиз.

Ассалому Алайкум ва роҳматуллоҳи ва барокатуҳ!

Яқинда ўзим кузатиб борадиган блогернинг бир пости диққатимни бошқача жалб қилди. Бу пост унинг фикрлаш тарзи қандай эканлигига, нега унинг постлари чуқур мазмунли, амалий жиҳатлари кўп эканлигига очиқ-ойдин ишора қилиб турарди. Қуйида диққатимни жалб қилган қисмининг аслини ва таржимасини келтираман:

*Когда ребенок идет в школу, это как экзамен на то, какой я была мамой все это время.

Фарзандимнинг мактабга боришни бошлаши гўёки шу вақтгача қандай она бўлганлигимни кўрсатувчи имтиҳондир.*

Бу гаплардан кўриниб турибдики унинг диққати оқибатда эмас, балки сабабларда. Бу жуда муҳим жиҳат.

Одатда биз, агар фарзандимиз мактабга мослаша олмаса, яхши ўқий олмаса сабабни ўзимиздан излаш ўрнига фарзандим ўзи тортинчоқ, одамларга қўшилмайди, қобилияти йўқ деб ўйлаймиз, бунга чин дилдан ишонамиз ҳам.

Фарзандим менинг қандай ота ёки она бўлганлигимни кўрсатиб берувчи ойна, мен уни шундай қилиб тарбия қилганман, мен унинг қобилиятларини кўра олмаганман, мен уни қўрқоқ қилиб қўйганман деган фикрларни ўйлаб ҳам кўрмаймиз. Чунки бу фикрларни ўйлаш даҳшатли, масъулитяни ўз зиммасига олишни ҳамма ҳам яхши кўравермайди.

Қачонки одам бирор натижага қараганда асл сабабларни кўра олса, масъулиятни ўз зиммасига олса демак у ўша натижага таъсир ўтказа олади. Акс ҳолда ҳаёт ўзи шундай, мен ўзи дангасаман, бу техника менда иш бермайди, одамларда пул йўқ, ҳозир кризис ... ва ҳоказоларни сабаб қилиб юраверади.

Сабабга ўхшаб кўринган сабаб билан асл сабабнинг ажойиб бир фарқи бор. Ана шу фарққа қараб уларни ажратиб олиш мумкин.

Агар фарзандингиз мактабда ўқишга қийналаётган, синфдошлари билан тил топишиб кета олмаётган, яхши ўқий олмаётган бўлса, у ҳолда бунга сабаб қилиб қуйидагиларни кўрсатиш мумкин:
- фарзандим ўзи тортинчоқ,
- фарзандимнинг қобилияти йўқ,
- фарзандим муаомала қилишни билмайди,
- фарзандим жуда бўш бола ... ва ҳоказолар.

Аммо булар асл сабаблар эмас. Асл сабаблар буткул бошқа жойда бўлади. Улар бир қарашда кўзга кўринмайди (ёки кўришни истамаймиз). Уларни топиш учун тафаккур қилиш керак. Мана шунинг учун ҳам тафаккур қилишга динимизда жуда кўп тарғиб бор.

Хўш, сиз сабаб деб ўйлаётган нарса асл сабабми ёки сизга сабабдек туюлаётган фикрми буни қандай аниқласа бўлади? Буни қандай аниқлаш бўйича фикрларингизни изоҳларда қолдиринг.

Агар кўпроқ реакция билдирилса буни қандай аниқлаш усули ҳақида ҳам пост қиламиз.

Ассалому Алайкум ва роҳматуллоҳи ва барокатуҳ!

ЁДДА ТУТИНГ ҲАЁТДА ХОҲЛАГАНИНГИЗ ЭМАС, БАЛКИ КИМ БЎЛСАНГИЗ ШУНГА МОСИ БЕРИЛАДИ!
Сизнинг ким эканлигингизни эса ўзингиз ҳақингиздаги қарашларингиз белгилаб беради. Бу қарашларингизни ўзгартирмасдан туриб аҳволингизни ўзгартира олмайсиз, ўзингиз хоҳлаган даражаларга чиқа олмайсиз. Чунки сизга фақат ўзингизни ким деб ўйласангиз шунга моси берилади.

Шунинг учун ҳам тезроқ ўзингиз хоҳлаётган нарсаларга муносиб бўлган инсон бўлиш ҳақида қайғуринг. Ва Сиз қаршингизда эшиклар қандай очилишини кўрасиз. Имкониятлар кечагина йўқ бўлган жойларда пайдо бўла бошлайди!

Ўзингизда мана шундай ўзгаришлар бўлишини истайсизми? У ҳолда йўлимиз бир экан.

Гап шундаки биз сизни қисқа муддатда буткул ўзгартирувчи, шахсиятингизни янги даражага олиб чиқиш имконини берувчи кучли дастур тайёрладик. Ўзингизга бўлган муносабатни янги даражага олиб чиқишни истайсизми?

У ҳолда ҳозироқ қуйидаги манзилга мурожаат қилинг.

@muloqot_uchun_bot

Курсимизда иштирок этиш баҳоси 800 000 сўм.

P.S.: 24 соат ичида тўлов қилганларга 30 дақиқалик сеанс БЕПУЛ тақдим этилади. Унда сиз ўзингизни чеклаб келаётган оғриқли блокларингиздан халос бўлишингиз мумкин.

P.S.S: Кейинги ҳафтада курсимиз нархи яна оширилади. Ҳам БЕПУЛ сеансга эга бўлиш, ҳам курсни қулай нархда қўлга киритиш имкониятидан фойдаланиб қолинг.