- إتقبلي فكرة بأنه مو كل اللي تريدي
بالعلاقه حتلگي ، الشخص اللي تريدين
حاله ينصلح ممكن ما ينصلح وهذا مو ذنبچ
الشخص اللي تحاولين أنچ تقربي من عندچ وهو
مصمم يبتعد ، لا تعتقدين بأنه من عندچ الغلط
وتحملين نفسچ مسؤولية الفشل
اللي تعاتبي حتى علاقتچ بي تصير أحسن
وهو ميتأثر بكلامچ ولايفرق عنده ، فهذا مو ذنبچ
أوقات تشيلين ذنب و أطباع ناس حواليچ
تجلدين ذاتچ وهمه گلوبهم بارررده .
وأنتِ ولافارقة عدهم ، تلومين نفسچ وتكولين
همه ليش يسون هيج؟ ليش مايسمعون كلامي
ودائمًا يكسرون حجايتي! باردین وبايعين وجافين
وکلامهم يجرح أكو أطباع متتغیر شگد محاولتي
خصوصًا لو اللي گدامچ مغمض عيونه عن عيوبه
ولو شسويتِ مراح يتغير، تقبلي فكرة أنُ مو شرط
حُبك يقابل بحب ، ولا تنتظرين شيء من اللي
خذلوچ ، واللي خذلچ مره فهذا راح يبهذلچ
بعدين وياه ، تقبلي بأنه بعض الناس
ميشوفون غير نفسهم وبس ،
وشميصير بيچ خلب يصير مراح يفرق عدهم
وأبتعد كل البُعد من الشخص الما يقدّر
مواقفچ وكلامچ وياه ، الشخص الي بأول
خلاف ينسى كل تعبچ وياه .
"بيعي الما يقدر ، واشتري نفسچ "

هــسـه مــال واحد يطگها موته يخلي البچي طشار