Men sizni bezovta qilmasman ortiq,
Bildim, bo‘g‘zingizga keldi malolim.
Ammo men netayki ishqsiz dunyoda,
Mudom bo‘yningizda qolmish zavolim.

Yodingizga yodim maloli kelmish,
Ko‘zingiz zerikkan mendan bilaman.
Go‘zal tuyg‘ularim xo‘rlangan joyda,
Men nima qilaman?

Yig‘lab chorlamasman ilojin topsam,
Endi ko‘zingizda otmas tonglarim.
Nurdan tuproqqacha sirli dunyoda,
Men Sizni angladim?

Nur izlab kelgandim dunyoingizga,
Zulmatlar darchasin yopolmadim hech.
Ayriliq ranglari to‘lgan dunyoda,
Men yashil rangimni topolmadim hech.

Xayr, men o‘ziga begona odam,
Sizga ham qadrdon bo‘lmog‘im qiyin.
Mabodo sog‘inib qolsangiz agar,
Qo‘ng‘iroq qilarman...
Ming yildan keyin.

Guljamol Asqarova

https://openbudget.uz/boards/initiatives/initiative/32/537aebf4-4e2a-49d9-bc41-81c71c980f9c

Ассалому алайкум, шу лойиҳага овоз беришда ёрдам қилингизлар

Учликлар

Сувратинг эриди бўсадан,
Ўзганинг дилида  бўлса ҳам,
Мени сев.

Кимгадир бевалик талоғи тушса,
Эр уйдан кўчага аёғи тушса,
Тўй хабари келар итларга.

Фоҳиша бўйига бўлди маст,
-Бўлдингми, куттирма келди сас,
Дўзахда кутгандай бўляпмиз.

Бемалол кўчани сайр этди қотил,
(Машҳур изқуварнинг ҳидин унутди
Бейкер-стрит 226).

Ичингда дард қичқирар,
Лекин кўрпанг кичкина,
Оёқ букиб ётасан.

ЖаҳонгирҒойибов

Тамуғ

Бизга қайғу йўқ кеча,
Бизга уйқу йўқ кеча,
Онам оч, тўрт боланинг,
Кўз-у, қорни тўқ кеча.
Байрам яқин, қиш эди,
Янги эди палтолар,
Хаяжонда ич этим,
Титрар эди таталаб.
Етмиш сура ўқилмиш,
вақт ўтгувчи муддатда,
Кўзга уйқу тўкилмиш,
Туши мовий, муаттар.

Ўша куни осмондан,
Қор сўраб борган эдик.

Йиллар ўтди эмаклаб,
Кейин чопди тиз букмай.
Мўйловимиз эрмаклаб,
Йигит бўлдик бургутдай.
Асов эдик, эр эдик,
Эл бўлганга эл эдик,
Лек мазлумнинг ёшини,
парво қилма, тер дедик.
Мажнунтолнинг шохлари,
Қуриб битди уятдан,
Бўй қизларнинг оҳлари,
Ўтар бўлди суякдан.
Ўзимизча қалбимиз,
Тоза эди, пок эди,
Бизни кутгувчи қизлар,
Ҳанузгача тоқ эди.
Бир сўз билан айтганда,
Виждонимиз йўқ эди.

Ўша куни осмондан,
Ёр сўраб борган эдик.

Изғиринда адашган,
Итдек дайдиб кўчада.
Бир бировни алдашга,
бўлган хоҳиш ўчмаган.
Ёшга етдик елкадош,
Тошга етдик елкадош,
Бошимиз уриб кўриб,
Бошга етдик елкадош.
Ҳақиқатни кўрганда,
Кўзларимиз кўр қилдик,
От устида турганга,
Секин жойин тўр қилдик.
Қамчи тушди бўйинга,
Тушиб бердик ўйинга,
Масрур эдик ва лекин,
Эгилган қул кўйида.
Ватанга фойда тегмай,
Бир ойлик маош қадар,
Ўзлигимизни билмай,
Юрабердик дарбадар.
Ва бир куни қуёшга,
Тикка келгач кўзимиз,
Жиққа тўлиб кўзёшга,
Азоб берди бўғзимиз.

Ўша куни осмондан,
Дор сўраб боролмадик.

Жаҳонгир Ғойибов