​​​​СЎНГГИ ПАРДА
(Занжирлар қияди алпкелбат кифтин,
Пойгакка тиз чўкар ўғлон беқўрқув.
Паризод Буддадай кўтарар кафтин, 
Оломон тек қотар. Ва сўзлайди у:)
– Гапингни қайтиб ол, бўлма пушаймон,
ўйла, толеингни бўғизламагин!
– Сўзимдан қайтмайман, сўзимга ишон:
мен ҳали сендайин жонон кўрмадим!

– Ҳаётингни сақла. Қолма йўлингдан,
кетавер. Йўл очиқ. Ана, тўрт тараф!
– Эй чироғи олам, сенинг кўйингда,
жон таслим этмоқлик мен учун шараф!

– Гапингни қайтиб ол, ҳамон кеч эмас,
кечиксанг... жаллодга иш топилади.
– Йўлидан, сўзидан қайтган эр эмас!
Мен сени севаман!.. 

(Бош чопилади)...
@Alibek_Anvariy

**Дунёга назар

ДЎСТИНГ КИМЛИГИНИ АЙТСАНГ...

ЁХУД СССР'ГА ЭРГАШИШНИНГ АЯНЧЛИ ОҚИБАТИ ХУСУСИДА

Қачонлардир СССР даврида (1975 йил) чиққан Ўзбек совет энциклопедиясидан қуйидаги маълумотни кўчириб олган эканман:

«ШИМОЛИЙ КОРЕЯда революция муваффақиятли ривожланди. ЎТКАЗИЛГАН ДЕМОКРАТИК ИСЛОҲОТЛАР НАТИЖАСИДА мустамлакачилик ва феодализм қолдиқлари тугатилиб, Шимолий Корея СОЦИАЛИЗМ ҚУРИШ йўлига ўтди.
КХДР (яъни Шимолий Корея) экономикаси социалистик мамлакатлар, жумладан, СССР билан яқиндан ҳамкорликда ривожланмоқда.

АҚШнинг ҳукмрон доиралари ЖАНУБИЙ КОРЕЯДА халқ манфаатига зид режим ўрнатишга ҳаракат қилди. Корейс халқининг хоҳишига зид ҳолда номигагина ўтказилган нолегал сайловдан кейин КОРЕЯ РЕСПУБЛИКАСИ деб аталмиш ФОРМАЛ РЕСПУБЛИКА тузилди (1948 йил август) ва унга Ли Син Ман бошлиқ ИМПЕРИАЛИСТЛАР МАНФААТИНИ КЎЗЛОВЧИ РЕАКЦИОН КУЧЛАР раҳбарлик қила бошлади.

1948 йил августда ШИМОЛИЙ КОРЕЯда Олий халқ мажлисига умумий сайлов (тўппа-тўғри овоз бериш йўли билан) ўтказилди. Мажлис халқ-демократик давлатининг конституциясини ишлаб чиқди...

ЖАНУБИЙ КОРЕЯ – формал республика... Америка босқинчилари ҳомийлигида Жанубий Кореяда йирик буржуазия ва помешиклар диктатураси ўрнатилган.
Жанубий Кореяда ҳарбий харажатларнинг кўпайиши, МИЛИТАРИЗАЦИЯнинг (қарангки, бу сўз янги эмас экан) кучайиши пролетариат ва деҳқонларни, айниқса, оғир аҳволга солиб қўйди. Озиқ-овқат ва бошқа зарур маҳсулотлар нархи доим ошиб турди. Ишсизлар сони кўпайди. Саноат, асосан, чет эл капитали (яъни, ҳозирги тил билан айтганда, инвестициялар) ҳисобига ривожланди. Ҳуқуқсизлик интеллигенцияга ҳам таъсир қилди, айниқса, ўқувчи-ёшлар ўрта мактабни битиргандан кейин ишсиз қолди.
Жанубий Кореяда прогрессив спектакллар таъқиб қилинмоқда. Кинематография кучли цензура ва чет эл киноси рақобати туфайли кризисга учрамоқда...»

ХУЛОСА
«Империалистлар манфаатини кўзловчи реакцион кучлар раҳбарлик қилаётган, америка босқинчилари ҳомийлигида йирик буржуазия ва помешиклар диктатураси ўрнатилган формал республика»нинг бугунги тараққиётига қаранг.

МАЪЛУМОТ УЧУН: айни пайтда Жанубий Корея иқтисодиёти ривожланган ЭНГ КУЧЛИ 20 ТА МАМЛАКАТДАН БИРИ ҳисобланади. Ялпи ички маҳсулот умумий ҳажми бўйича жаҳонда 13-ўринни эгаллаб турибди (жон бошига ҳисоблаганда, 28-ўринда).
Шимолий Корея эса бу борада кучли 200 таликдан мустаҳкам ўрин олган. Википедия маълумотига кўра, киши бошига ЯИМ ҳажми бўйича шимолликлар 178-ўринда. Бу Ўзбек совет энциклопедиясида таъкидланганидек (марҳум СССРнинг беғараз кўмаги билан албатта), 75 йил давомида «ўтказилган демократик ислоҳотлар натижаси» бўлса керак.

Тиркама: қизиқ устида, яна бир факт.
СССРга эргашган ўнлаб қолоқ давлатлар билан АҚШ инвестициялари ёрдамида, унинг тараққиёт йўлидан бориб ривожланган мамлакатлар ҳаётига разм солинг. Япония ва Жанубий Корея бунга яққол мисол. Советлар миллиардлаб одамларни қай тарзда қолоқлик ва қашшоқлик ботқоғига, иқтисодий жарликка бошлаганини кўринг. Ўзи-ку асфаласофилинга, Гайдай комедиясида айтилганидек, энг чуқур жарнинг энг чуқур жойига кириб кетди. Унинг касофати кўпни урди лекин.
Ўткир БОЛТАЕВ,
иқтисод фанлари докторлигига доимий номзод**

​​ЎЛЧОВ БИРЛИКЛАРИБир шеър кучи билан тортдим умрни,
Сўзнинг оғирлиги узди томирни.

Бир шеър тезлигида соғинчлар тошди,
Сўзлар бу тошқинга кор қилса кошки...

Бир шеър лаҳзаси ҳам етди асримга,
Сўзлар қолиб кетди доим касримга.

Бир шеър шарорини шуурим туйгач,
Қаторим охирги сўзгача куйгач –

Бир шеър овозида яна чорландим,
Ўзим чақирдиму ўзим бормадим...

Бир шеър зирвасидан қуладим кескин,
Сўзнинг зўри билан маҳкамдир тизгин.

Бир шеър косасидан сипқордим, мастман,
Шу бўйи ҳеч қачон ўнгланолмасман.

Бир шеър кенглигича эшигинг лангдир,
Бир қадам сўз қолди сенгача, Тангрим!

@Alibek_Anvariy

#Бир_пиёла_чой_устида

**Ўзбекистон халқ ёзувчиси Шукур ХОЛМИРЗАЕВ билан суҳбатдан...

Эшқобил ШУКУР:**Бутун умрингизни адабиётга бағишладингиз. Барибир шу саволга бугун ҳам тўхталишни истардим.
Кимдир адабиётга тарбия воситаси деб қараса, кимдир санъат деб, яна кимдир, шунчаки, эрмак деб қарайди. Ҳўш, сизнинг хулосангиз қандай? Адабиётнинг ўзи нима ва бу жараёнда шу ёшга етиб келган хулосангиз нима бўлди?

2000-йил

@Eshqobil_Shukur_ijodi

Мен истайман, ҳамма рост гапирса. Мен истайман, нафсдан ўзини устун қўйсалар. Тамом, бошқа ниятим йўқ. Шунинг замирида маънавият ётибди.

Telegraph

ХОЛМИРЗАЕВ САБОҚЛАРИ

Чинакам ёзувчи ҳаётни теран мушоҳада этади, зиммасидаги вазифа моҳиятини англашга интилади. Ҳақиқат йўлидаги саъй-ҳаракатлар, пировардида, унинг яшаш тарзига, умр мазмунига айланиб кетади. Санъаткор қалби халқнинг аҳвол-руҳияси, кечмишу тақдири акс этадиган…

​​#Abdulla_Oripov
#Daho_shoir

СОҒИНЧ

Сени соғинсинлар,
Сен кўп соғиндинг,
Чора йўқ барибир икки ҳолда ҳам.
Дарёдек тошардинг, кўл каби тиндинг,
Фақат руҳинг қолди сен билан ҳамдам.

Афсус, соғинчнинг ҳам бордир адоғи,
Кейин унутилиш, бари абасдир.
Соғинган одамнинг кўнглида доғи,
Соғинтирганга ҳам осон эмасдир.

*© Абдулла ОРИПОВ*

​​O‘LUV
*Nochor toshustunda chiroq mo‘ltirar,
O‘chishga ulgurmay qolgan... boshi xam.
Parda orasidan boqar diydirab,
Tunga asir tushgan men kabi u ham.

Shovqinni muzlatar sovuq jarangi,
Derazada majhul tasvir qoldirib.
Yuzimga urilar bir his – qalang‘i,
Horg‘in haroratda ruhni yondirib.

Gʻijim choyshabdagi gullar pichirlar,
Shu’la sirpanadi ekranda o‘chiq.
Girdobli temir sim cho‘ziq g‘ichirlar,
So‘ng ohang o‘tadi so‘ngakka ko‘chib.

Derazada singan mashina nuri,
Bir lahza qandilni tilib ketadi.
Tong otar. Hademay yuragim urib,
Ko‘ksimda qaytadan o‘lib ketadi.*Alibek ANVARIY

​​#Бугун қадрдоним, елкадошим, курсдошим Нажижоннинг таваллуд санаси. Кўп яшасин! Элнинг суюкли шоири, қўрғони бўлсин!

Яшасин, дўстларим!

▫️▫️▫️

Тушларда қушларга қўшилиб учдим,
Гоҳо булутларга тўш уриб учдим,
Ўнггим оғир келди, пойингга тушдим,
Тийрамоҳ, титраб оҳ чеккани келдим.

Сарбон йўл кўрсатди, ўзи кўр эди,
Гўрўғли чиқмади , оғзим гўр эди,
Жасорат унмади, манглай шўр эди,
Бағрингга бир гиёҳ эккани келдим.

Тақвим қашқирдайин умримга ўчми?
Яширин бир титроқ бўғзимга кўчди,
Кўзимда бир чироқ бор эди ўчди,
Ўзимни мен сўроқ этгани келдим.

Бир сулув қалбимга ўт қалаб ўтди,
Ҳижронга кўнувчан жон тилаб ўтди,
Лек руҳим ўтгунча ишқталаб ўтди,
Ёшимни мен гувоҳ этгани келдим.

Қабрлар қирларга туташиб борар,
Йиллар бирин-кетин қир ошиб борар,
Руҳим само сари тирмашиб борар,
Қисматдан мен йироқ кетгани келдим.

Ул туғмас қабрда сўзлар сурунгай,
Қашқирдан қочиб тан бекор урунгай,
Асли тириклигим ёлғон кўрингай,
Дор келтир, мен гуноҳ этгани келдим.

https://t.me/Najmiddin_Ermatov

"YOMG‘IR
HAQIDA
BALLADA"

✍ Usmon Azim

🎬 Alibek Anvariy

@Alibek_Anvariy

​​#Бугун ўзбек адабиётининг чинорларидан бири севимли шоиримиз, нуктадон муаррих олим, меҳрибон, хайрихоҳ ва бағрикенг устоз Хуршид Даврон муборак 72 ёшни қаршиладилар. Устознинг адабиётимизга қўшган ҳиссаси беқиёс. Юз ёшларида ҳам қутлаш насиб қилсин!

АСЛИДА

“– Қаерга кетяпмиз, устоз?
Шайх Кубро ака-укага тикиларкан:
– Ватанга, бўтам, деди…”

“Шаҳидлар шоҳи” қиссасидан

Устоз Хуршид Давронга атадим

Аслида, бу йўлдан юргулиги йўқ,
бу йўлнинг ўзи йўқ, аслида…
элтгулик сиёҳи йўқдек Ватанга,
қайтанга пайсалга солгувчи
минг тур нағмаси бор…
Парвардигор!
Аслида, шу “аслида” – деган
сўзнинг ўзи йўқ.
Ўзи йўқнинг кўзи йўқ!
Йўқ сўз поясига,
ҳақиқат тиркаймиз!
Йўқлик ғоясига
қурт тушмасин, деб
оҳак суркаймиз.
Неча минг пуштдан бери…

Аслида, вақт ҳам йўқ.
Ёруғлик йили ҳам,
ёруғликнинг ойи,
куни,
соати,
дақиқаси,
лаҳзаси бўлмай,
унинг йили бўларканми?!

Бу ғирром ўйиннинг
ҳе-е-е-ч завқи йўқ,
аслида, фарқи йўқ!
Аввалу охирнинг,
ботину зоҳирнинг.
Яшаш ҳудуди йўқ,
Изтиробдан нари,
Соғинчдан холи,
Армондан ўзга!
Аслида, яшагулиги йўқ бу
турган-битгани синовлию ўлчовлида
илк синов –
Одам Ато эди, аслида!

(ўлда-жўлда қолган насаб тақдири эмас)

Лекин биз –
уриниб кўрувчиларнинг
учинчи сайёрасида –
абадий сарсонлик ҳуқуқи билан
Ватанга қайтяпмиз
навбатма-навбат,
билиб ё билмай…
Бор-йўқ маъни шу.
Фақат борганимизда Ватаннинг
Одам Ато қувилганидан ташқари
яна икки шамойили кўринар…

Аросат Ватани,
Дўзах Ватани.
Бу ғирром ўйиннинг
ҳе-е-е-ч завқи йўқ,
аслида, фарқи йўқ!
Ўқигулиги йўқ бу шеърни!
Бу шеър ҳам эмас, аслида…
лекин сиз ўқидингиз…

Алибек Анварий