ابلايه عباس الحنين
انشال نعش ام البنين
اليوم الحره يويلي جنازه
وعازت الشبان هسه عازه

بقلمي المتواضع
✍ الشاعرة رقية العامري

بصوت خــــادم الــــزهــراء
الرادود المبدع والمتــــــألق
زين العابدين العامــري

قصيدة الى سيدتي ومولاتي ام البنين ع
____

بلايه عباس الحنين
نشال نعش ام البنين
اليوم الحره يويلي جنازه
وعازت الشبان هسه عازه
🏴🏴🏴
حيل يجرح ياخلكَ هذا المصاب
كل ولدهه ميته والله عذاب
ام تموت و فاكَده اربع شباب
ياهو يدفنه ويهل هسه التراب

ابو فاضل وسفه وين
نشال نعش ام البنين
بلدفن واحد يريد اعزازه
وعازت الشبان هسه عازه
🏴🏴🏴
ربت وتعبت تريد رباها
بلدفن لازم ولدهه وياها
بلحضه لكن هلزمن خاناها
اخذ من عدهه يحيف ضناها

العمر خلصته بونين
نشال نعش ام البنين
علبجي حكَها تره تتوازه
وعازت الشبان هسه عازه
🏴🏴🏴
عدهه وحده امنيه جانت ترى
تمنت من تروح وسط المكَبرى
يحضر العباس سبع الكَنطرى
هيه ام وما تشبه كل. مرى

بالوفه معروفه زين
نشال نعش ام البنين
والده وبكلشي ما تتجازه
وعازت الشبان هسه عازه
🏴🏴🏴
كَال آه بهضم وينك يلكفيل
بحسره من نزلهه للحد العليل
وقرا الهه الفاتحه ودمعه يسيل
رجع من الدفن مهموم ونحيل

يبجي زين العابدين
نشال نعش ام البنين
سند رادته الولد عكازه
وعازت الشبان هسه عازه
🏴🏴🏴

تمت والحمد لله
بقلمي المتواضع
✍للشاعره وخادمة الحُسين
رقيه العامري

قصيدة للإمام الحجه المنتظر عجل الله فرجه الشريف

أُناجيك أُناجيك عجل ضهورك مولاي أُناجيك أُناجيك عجل ضهورك مولاي
??
تدري أُناجيك لچن بگلبي يغايب حسره
مولاي دمـرنه الزمن أضهر عليك الزهره
بلسم أعــــرفك للذي توجد بگلبه كسره
يــابلسم انتَ للجرح والگلب انتَ تجبره

أُناجيك أُناجيك بالگلب لچمات هواي
أُناجيك أُناجيك عجل ضهورك مولاي
??
مـــولاي أقسم بعلي هـوايه عندي سوالف
أرويلك أوجاعي وبعد أوجاع الطف حالف
عن كسرتي يــــاسيدي هايه گلت ميخالف
بس جـدك چبيره يضل عطشان گلبه تالف

أُناجيك أُناجيك شكبره الظلم بدنياي
أُناجيك أُناجيك عجل ضهورك مولاي
??
مكسور گلبي سيدي شنهو سبب لچماتي
لحسين جـــــدك والظلع تـزداد ياكسراتي
للگطعو چفوفه تـــــــره تكسر كسر وناتي
ولعَمت الساده بعد چبيــــره يـــاحسراتي

أُناجيك أُناجيك ياحجة الله وتچواي
أُناجيك أُناجيك عجل ضهورك مولاي
??
منهو حبيب گليبــــــــي الكل بقت تعرفه
محبوب يخذل المحب سيدي هـايه كلفه
اني حبيبي بجيته كل جـــرح بيــه يشفه
من تجي ياوجه الصبح گلبي يلاگي ولفه

أُناجيك أُناجيك يــامسندي ويا رجواي
أُناجيك أُناجيك عجــل ضهورك مـولاي
??

تمت والحمد لله
بقلمي المتواضع
✍ للشاعرة وخادمة الحُسين
رقيـــة العامـــري

مــاتــردني يــاخــو زينب واني اعرفنك كريم?
جــايك تجــري دمــوعي واگف ابـــابك يتيم ?
✍ الشاعرة رقية العامري

الوكت لوت العبايه. لا تردني
وصرت عاله وعيالي. لا تردني
عليك اقسم بزينب. لا تردني
الا وحاجتي گاضيها اليه
✍الشاعر فاضل الغريباوي

يــابو الفضل مولاي حچايه تنگال
اقسم عليك بـزينب وبذيج العيال
لاتـــردني منكسر يــالغالي اجيتك
بحرگه گلب تدريني بختك نخيتك
لا مــاتردني ادريـك بالكرم معروف
انته السهام ضيوفك ومگطع چفوف
✍ الشاعرة رقية العامري

ما يحتاج اسولف انته تدريهن
هاشتگول اذبهن لو ارد بيهن
بيدك كلشي انته وگاصدك مولاي
عليك عيون زينب لا تخليهن
✍ الشاعر فاضل الغريباوي

ابــو فــاضل شهم معـروف بالغيره
يـــا يـــوم النــدبته وعــافك بحيره
بــاب الكرم معـــروف وإبن بــدويه
وكل شده يم عباس بلحضه مگضيه
✍ الشاعرة رقية العامري

كلشي بيده
والتريده
اعليه ما يصعب تره
مو عجيبه
ولا غريبه
مثله ما جابت مره
✍ الشاعر فاضل الغريباوي

مـوش كلفه
كلهــه سهله
نــدري أبـو فـاضل حنين
ابــابـه ابچي
نطاني كلشي
غيــــــر إبـــن أم البنيــن
✍ الشاعرة رقية العامري

مثل الگمر عبـــــاس وين بصفــاته
حتئ الهوه من يفوت يمه شحلاته
✍ الشاعر فاضل الغريباوي

غيره وشهامه وزود وبلسم للجروح
عبـــاس بس يمه تره ترتاح هالروح
✍ الشاعرة رقية العامري

كفه وگضاها بساع بس گتله عباس
لحگ عليه ارجـــوك لا تشمت الناس
✍ الشاعر فاضل الغريباوي

الحاجه گضاها بساع وطيب تره لچماتي
عبــاس هــو وبس الطيبهه كـــل كسراتي
✍ الشاعرة رقية العامري

كل كسر يمه يطيب بس اعتنيله
زود وكرم موجود مامش مثيله
✍ الشاعر فاضل الغريباوي

رحت لضريحه هناك ونطاني نيشان
لغيــرك گلت مـــاروح يـــاگمر عدنان
✍ الشاعرة رقية العامري

ابيتي وصحت عباس لحگ عليه
مــا واصــــل الشباك خلصها اليه
✍ الشاعر فاضل الغريباوي

عنه بعيـد هــواي وبحـالي يدري
ماطــول بلحضات طيبلي كسري
✍ الشاعرة رقية العامري

قصيدة الى سيدتي ومولاتي فاطمه الزهراء عليها السلام
(خاب من غيرچ عشگ)
غيـر فاطم ابد مااعشگ تـره
الزهره حبي تضل دنيه واخره

عذريني يازهره.   بحب غيرچ اني تحيرت
عذريني يازهره.   ويـــاج كــلش قصــرت
عذريني يازهره.     عذريني يازهره
==============
بحب غيرچ اني تحيرت ولا وين وداني
يــافاطمه غـلطه غـلطت وتنـدمت انــي
محد ابد غيرچ شخص من صدگ حباني
كل العشگ مفروض الچ مايستحق ثاني

عذريني يازهره.    جيت بندم يالطاهره
عذريني يازهره.    مقصـــر  بحقج تره

عــذريني يازهــره    عــذريني يازهــره

سجلته بسمچ الگلب وداعت گمـر عدنـان
من عشگت هاي البشر والله صدگ غلطان
الي يحب غيرچ شخص كل العمر نـدمـان
بس اليعشگچ يم حسن هـوا تره الربحـان

عذريني يازهره.  غيرچ عشگ هذا الگلب
عذريني يازهره.  قـررت اغير هل الـدرب

عــذريني يازهــره.  عــذريني يازهــره

صفنت اني كلمت الگلب وبكلشي حاچيته
حبــي وغـــرامي والـــوفه للغيـــر وديتــه
لكــن يمـولاتي أدركت ذنب انـــي سويتــه
دروب المحبــه و العشگ للــماضي خليتـه

عذريني يازهره   غيـرني حبچ وشكثـر
عذريني يازهره  خجلان اجيتچ واعتذر

عــذريني يازهــره.   عــذريني يازهــره

من عندچ أرجو المعذره واتعـذر هوايه
غرتنـي دروب العشگ غــرتني دنيـايه
عـافتني ناسي وهلي وبس انتي ويايه
واخر كلام احچيه الچ سمعي هلحچايه

عذريني يازهره.  أمنيتي أرضي حضرتچ
عذريني يازهره.  وفقيني كـون لخدمتچ

عـذريني يازهـره.   عــذريني يازهــره

تمت والحمد لله
بقلمي المتواضع
✍للشاعرة وخادمة الحُسين
          رقية العامري

قصيدة للدنيه

رايحين هاي دنيه وكلنه باچر رايحين
راديـن للمگــــــابــــر كلنه والله رادين
رايحيـــــــــــن رايحيــــــــــن
????
الدنيه ليش تحبهه گلي
وانتـه تــدري بيهه زين
تضحك الـدنيـــه علينه
واحنه ضنه مسيطرين
چذبه هاي الدنيه والله
وبيهه ضيعنــه السنين
ليش هـا مــــا حسبينه
بيــــوم احنــه راحلين

غافلين الدنيه حلوه نگول واحنه غافلين
مهاجرين مـانبــالي وگلنه يــوم مهاجرين
رايحيـــــــــــن رايحيـــــــــــن
????
غــافليـــن ويــا حسافه
الدنيــه مـاگلنــه سراب
أبــــد لا مـــــا فكــرينه
بــاچــر حسـاب وكتاب
يلـي تخطي گلي باچر
لــــربك شعندك جواب
شكثر ذنــوب ومعاصي
وانتــــه تــاليك التراب

ضالين بــوسط حفــره ظلمه آه وضـالين
نايمين بــالتــراب وديــرة غــربه نايمين
رايحيــــــــــن. رايحيـــــــــن
????
أعمالك بس التفيدك
مــن تنــــــام بمگبره
لا مـــــال لا قصـــور
مـاكــو شي ينفع تره
قبل ليفـــوت الأوان
الله روح استغفـــره
گله دخيـــلك إلالهي
منك أرجــو المعذره

نادمين كــون نستغفـــر الباري ونادمين
ضايعين نگله من دونــك يربي ضايعين
رايحيــــــــــن رايحيـــــــــــن
????
بنـدم كـون إتقي ربك
تعرف الله شگد كريم
بصــادق النيه إگصده
تـدري بـالخالق رحيم
نــذنب ونـــرد نجيله
ياعظمته شگد عظيم
كافي يبنادم معاصي
دنيه تخلص ما تديم

حايرين ليش يوم الحشر نوگف حايرين
مذنبين شلون نحچي ويه ربنه ومذنبين
رايحيـــــــــــن رايحيــــــــــــن
????

تمت والحمد لله
بقلمي المتواضع
✍ للشاعرة وخادمة الحُسين
رقية العامري

✅ مؤسسة بني هاشم عليهم السلام ✅

- #بوت خاص لخدام الحسين ع لتلبية طلباتهم بثواني ??
طلب قصيده، نعي، حديث، الخ... دز طلبك بالبوت وانتظر التلبية بأسرع وقت ?????
♦️ @Talabat_1bot ♦️

- للانضمام للدعم المراسله هنا ? { مَٰـُـٰٓحَٰـُمَٰـُـٰد تٌقُيْ " 3‌1‌3‌ " }