- البرد مَيمنعني أسوّي السكن كير مالتي 🎀.

- مُمتنة لله على وجود الأشخاص إللي يبالغون بحُبي ،
يبالغون بالتعبير تجاهي ،
و أني أستحق هذهِ المُبالغة و جدًا ،
و إذا تعاملني بأقل مِن هيچ ، يبقى أنتَ مَتلزمنيش 💅🏻.
و هذا الشي يذكرني بنص مي صالح :
أرغبُ فِي مَنْ يَختارُني كُلّ يَومٍ ،
وَ كأنَّ الأرض خالِيةٌ ،
وَ كأنَّني السَببُ الوَحِيد للعَيش .

- مُمتنة لله لأن گدرت أصوم أوّل خميس مِن شهر رجب ،
لأن صليت و دعيت بهذهِ الليلة المُباركة ” ليلة الرغائب “ ❤️.
العام مِثل هيچ وقت دعيت شغلتين بهذهِ الليلة و إثنينهُم مُستحيلات ،
وحدة تحققت الحمد لله و الثانية رادت تصير بس مَكملت ، و إن شاء الله تكمل ❤️.

- مُمتنة لله لأن في جعبتي الكثير مِن الكلِمات الحَنونة 💚.

- مُمتنة لله لأن خلقني بهذه الصورة 💚.

- مُمتنة لله لأن خلقني عراقية 🇮🇶.

- مُمتنة لله لأن هذهِ السنة أحِس شهر مُحرم عِندي غير عن باقي السنين ، أحِسه صدُگ هَذبني !
مَرّت بس ١٠ أيام منه ، بس چانت أيام مَليانة إنجازات مِن الناحية الدينية ?.

- مُمتنة لله لأن كُل سنة يتجدد يوم عاشوراء بصورة أقوى مِن السنة القبلها .
و مِثل مَگالت السيدة زينب بنت عَلي بن أبي طالب ( عليها السلام ) في خطبتها أمام الطاغية يزيد بن معاوية في مجلسهِ :
فَـ وَاللهِ لا تمحو ذِكرَنا ، وَ لا تُميت وحيَنا .

- مُمتنة لله لأن خف توتري و قلقي عكس ذيچ الأيام .
صرت أحسن بعد ما صار عِندي يقين تام أنهُ إختيارات ربّي إللي أحسن مِن إختياراتي ، و إذا چان هذا الشي مقسوم إللي فَـ مَراح يصير لِغيري ?.