گتلك خيزران شلون اصيرن ناي
اتعبك موش گصبة معلمة على الذل

وحگ مابينك وبيني
انا بشمس الظهر حطيت عين بعين
بس عينك عمت عيني

انا معلمك ترد مثل المراجيح
بس هالروحة يمكن روحة سهام

ينطبگن ظلوعي من يمر طرواك
مثل طبگة جنح فراشة ملزومة

عجينة شص ابد ما لايحك تنوّر
و انا محرگ من صباي لأحلامي

ساعة احچي بيك وساعة اهذري
ساعة ادري بيهم ساعة مدري

گلت چذبة ومشيت بخوفي عطشان
اعاين حِب شفت بس عادم الطوس

من گتلك معزتك من معزة الماي
ما اقصد الماي الـ بالنهر موجود
تذكر من وگف عباس بين الجيش
گدامة العطاشى و من وراه عامود
و اجه ذاك السهم بالجود و اتبديت
اقصد عالتبدة من هذاك الجود

عليَّ الهم ركض يتسابگ سباگ
و گبل چان بوجودك ماله رجلين

بالروح لكعة حزن
من أبتسم ما تنمحي
و بالماي ما تنغسل