‏فيديو من العلويه ام ضيغم المحنا

،قصیده لمولاتي زینب سلام الله علیها بحر الطويل ــــــــــــــــــــــــــــــــــــــــــــــــــــــــــــــــ ظل حایر علي السجاد یاهي الي تغــسلها وکل الي تصل لیـــها تگـــله ما اجـــربلها ****** تگله اشلون اغسلها دعاین شوف…

موشح لام البنین ع بقلم العلویه ام ضیغم المحنا ـــــــــــــــــــــــــــــــــــــ شابحه عیـوني واتاني عالدرب بلکي یرجـعلي الولد ريع الگلب ►✺┅●✥💠✥●┅✺◄ ویــن ویـلادی انـــاطر مـايـجــون عالدرب من عندي مشبوحه العیون اشعطل العباس ابــو گلب الحنون مــن…

قال رسول الله ( ص)  ::
فاطمة بهجة قلبي،
وابنائها ثمرة قلبي،
وبعلها  نور  بصري،
والأمة من ولدها أمناء ربي وحبل  ممدود بینه وبین خلقه من اعتصم بهم نجی  ومن تخلف عنهم  هوی.
ـــــــــــــــــــــــــــ

https://vt.tiktok.com/ZS2vuAfLT/

لطميه لسيدة الزهراء ع
ــــــــــــــــــــــــــــــــ

الیـوم زینب بالـمـنـاحه یتـمـتـها ام الحـسن

اصیح من شلتي یبمه اهروش گلبي اتگطعن

•┈┈•⊰✿⚫✿⊱•┈┈•

یمه من عنه مشيتي..یاهي بینه تلتزم

والیتم تدرینه ذله اشلون نتحمل یتم

اشلون امنه الدللتنه ترضه نبقه بالهضم

من زغر سني لفاني الهضم والهم والحرن

•┈┈•⊰✿⚫✿⊱•┈┈•

من زغر سني یبمه اشلون عني اتغـربین

طاوعچ گلبچ ییمه عفـتي بالدار الجنین

یمه گعدي وباصریني شنهو الیصبر الحسین

یـمه گلیلـي شــاگله یا عـسه عیــوني عمن

•┈┈•⊰✿⚫✿⊱•┈┈•

عمیه عیني یا ابن امي. امنین اجیب امي بعد

امي راحـت ما تجـینه وهــذا مــن ربنه وعد

والحـــــزن خیم علینه ورکـــز اوتــاده وگعـد

هالبدت بینه المصایب وآه مـن الـــــي يجـن

•┈┈•⊰✿⚫✿⊱•┈┈•

یمه من تلفي المصایب یاهــو ویـانه یگف

ارید یحبیبه تجیني حضري بساعت الطف

الحزن عاشرني من زغري وصار لگلیبي ولف

من سمعت امي الزچیه امن الضلع ظلت تون

•┈┈•⊰✿⚫✿⊱•┈┈•

آه یا ضلعچ ییمه صابني بلب چبدتي

ما انام اللیل بعدچ لا ابـــطــل ونـتي

لیلي وانهاري انادي یمه واتهل دمعتي

آه یا کسره کسرني الباب وافعال الزمن

•┈┈•⊰✿⚫✿⊱•┈┈•

الزمن غدراته چبیره وانه طگني من الصبه

شالـــت امـي ویتمـتني عمـري کله امعـذبه

الباب هو الي الکسر گلبي وحزني هو السببه

من شفت ضلعین منچ وره البـاب اتکسرن
►✺┅●✥?✥●┅✺◄
تمـــ بعون الله ـــت
☘️بقلـ✍️ـم شاعرة اهل البیت ع
العلويه ام ضيغم المحنا
✋لانجيز حذف إسم الشاعره او التلاعب بالکلمات
نسالکم الدعاء?
https://t.me/omdegim