Машаққат билан пул топиб, сўнгра бозорлик қилиб уйга келасан. Иштаҳа билан овқат тайёрлаш учун келтирган масалиқларингни арчиб, товраб тайёрлаб қозон олдига қўясан. Бирма-бир ёғ, пиёз, гўшт ва ҳоказолар соласан. Овқат пишаман деганда уни янада мазали бўлсин деб бир дона чиройли тухумни қозон четига уриб синдириб қозонга солишинг билан...

Тухум палағда экан! Айниганидан унинг сассиқ ҳиди бутун овқатни ҳаром қилди.

Айнан ўша тухумни деб бор меҳнат, харажат, нафсинг ва вақтингга рози бўлиб бор нарсани ахлат қутисига улоқтирасан. Йўқ! Кўчага чиқариб қўясан. Унинг ҳиди оиланг муҳитини бузмасин дейсан!

Ҳаёт мана шундай! Навбатдаги ризқинг учун эрта тонгда чиқиб яна иглашга тушиб кетасан! Бу сафар ичини билмайдиган тухум ўрнига асал олишни ўрганган бўласан.

Асал нақадар ширин ва шифобахш?!

@elmadad

Йиллар давомида ўзбеклар Хитой, Дубай, Россия ва бошқа давлатларга бориб савдо қилади. Табиийки ўша давлат қонун қоидаларига амал қилади.

Толибонни мусиқа бобидаги талабига Ташқи ишлар вазирлиги муносиб жавоб қайтармас экан, у ҳолда халқимиз орасида нима биз шунчалик заиф бўлиб қолдикми деган савол туғилади. Иқтисодий ҳамкорлик талабларига мувофиқ икки томонлама савдо масалаларида ҳар доим ички ишларга аралашмаслик банди бўлиши керак. Пули бор экан деб мижозни жоҳиш истакларига мослашиш бу журъатсизлик. Бу халқимизнинг конституциявий ҳуқуқларимизга дахл қилишни англатади.

Толибон хоҳишини инобатга олган ҳолда бозорларимизда мумтоз наволаримизни эшитиш тақиқланиши мумкинми?!

Кучни эмас ҳеч бўлмаса қатъиятни кўрсатиш керак!

@elmadad

ИЛОҲИЙ КУЧ

Инсон ҳаётининг бир қисмида шундай бўшлиқ пайдо бўлиши мумкинки уни бирдан тўлдириш имконсиздир. Балки йиллар кетар балки бир авлод вояга етгунча вақт ўтар, аммо ўша бўшатилган жой албатта ўз ўрнини билдириб турар.

Тўсатдан илоҳий куч шундай аҳволга соладики бошида тушунмай қоласан, вақт ўтган сари бўшлиқ тўлаётганини ҳис қиласан.

Отанг ёки онанг оламдан ўтса, ҳаёт тўхтагандек туюлсада аммо уларни ўрнини ва меҳрини маълум маънода тўлдиривучи бу ИЛОҲИЙ КУЧДИР!

Кўнгил хотиржам бўлади, ҳаётинг ўзгара бошлайди. Номуносиб инсонлар ортда қолганини тушуниб етасан. Тўғрисини айтганда ортга қарашга ҳам вақт топа олмайсан. Чунки сен энди хотиржам бўлгансан.

Сени алдаган, сендан фойдаланган ва қадрсизлаганларни эслашга жирканасан! Кўнглинг айнийди.

Сени ўзлигингга қайтарган ўша Илоҳий куч қаршисида бошингни эгиб таъзим қиласан.

@elmadad

Инсон борки асл зотига охир оқибат тортади. Минг тарбия қилманг, минг уни ўзгартиришга уринманг барибир ДНКсидаги унга хос бўлган формулани ўзгартира олмайсиз. Зоти паст деган гаплар осмондан тушмаганку?! Келиб чиқишига тўғри келадиган одатларга мойил бўлади. Нав ниҳол пайтида беғубор бўлади, навқирон даврида содда бўлади аммо ҳақиқий ҳаётга қадам қўйган заҳоти хоҳламасангизда ўзлигига қайтади.

Тарбиячи?! Тарбия кўп ҳолатларда то ўзини тиклаб олиш учун ёрдамчи восита бўлиши мумкин. Зоти паст инсонлар бошида иш ўргангунча жудаям мулойим бўлади аммо бир икки ишни ўрганган заҳоти асл башарасини намоён этади. Кўрнамаклик қонида бўлгани учун ҳам охир оқибат кутилмаган зарбани беришга ҳаракат қилади.

Унинг ахлоқсизлик илдизи етти пуштига бориб тақалади. Аждодларга бориб тақаладиган ўзгармас одатларни ўзгартираман деб ҳаракат қилиб вақтингизни кеткизманг! Бу маълумотлар нима учун?! Ҳаммасига олдидан тайёр бўлинг! Ўзингиз билан асло ундай кимсаларни тенг кўрманг! Ўхшатманг! Ўхшамайди.

Ёшлигидан тарбия берганлар гўёки ўзини тиклаб олиб биринчи чораҳада бошқа томонга кетишини гувоҳи бўлиб турибмиз...

@elmadad