مرات لمن ازعل من امي اگللها انتي ماتحبيني
فـ دائمًا تدعيلي دگلي الله ينطيج بالمستقبل بنت حتى تعرفين شنو شعوري وشكد قلبي يحبج،
لكن ما لا تعلميه يا أمي إني من هسه قبل لا اكبر وقبل لا يصير عندي بنت
احسني حابتها اكثر من الدنيا كلها وقلبي متعلق بيها وانا ماعرف منو هي ..

اريد اتعلم الحياكة واجيد صنع الحلويات واتقن الطبخ واصير فنانة تعبر عن حزنها بالرسم واضبط المكياج
بالوقت اللي مافاهمة نفسي ولا اعرف انا منو وشنو اريد من هالدنيا بعد! ،
بس للصراحة ماحس شخصيتي ممكن تتحدد تحت موهبة وحدة هسه لذلك اريد اجرب كلشي لحد ماكتشف نفسي شنو اريد بالضبط ..

كلما حسيت هاي النهاية والطريق ضاق والدنيا بدت تتقفل
رب العالمين يمدني ببداية جديدة وطريق جديد ويوم ثاني حتى اكمل بي اللي ماكدرت اكمله ويفتح عيني على كل الأبواب الثانية اللي جنت جاهلتها بسبب وقفتي كدام باب مقفول انتظره يفتح ،
شكرًا ياربي ياحبيبي شكرًا لأن سامعني وشكرًا اكثر لأنك ماكتبتلي بعض من دعواتي الغبية وجنت احسبها خير اليه ..

من بعد أذن الدنيا
انا اريد اشارك وياك المشي والسوالف اللي تطلع بالمشي ..

اكتشفت شغلة أن المشاعر اللي تتغير بسبب كفخة من الأدراك تجيك عمرها ماراح ترجع مثل الأول ولا تتصلح ..

اكتشفت شغلة
أن المشاعر اللي تتغير بسبب كفخة من الأدراك تجيك عمرها ماراح ترجع مثل الأول ولا تتصلح ..

أحب الابدية
واكره رؤية الأشياء وهي تنتهي
لا أستسيغُ النهاية!
ولا أحب السطور الأخيرة
فأنني أبغضُ رؤية
الأيادي وهي تُفلت
والعهود وهي تنقض
لذا
قُمت بنهاية كل شيء محدود
منذُ البداية

-فاطمة موفق.

باتت محاولة مشاهدة فلم لتعديل المزاج بالفشل
هي هالمزاجية مالها رداد؟ ..

لازلتُ أتمنى انو اكون ذات مشاعر مُعتدلة ومتوازنة
لازلتُ أكافح وانضال حتى اعدل بمشاعري واحاسيسي وما اصبها كلها بفد مكان من غير وقبل لا أتاكد إذا جان يستاهل أو لا ..

فرق أن تكون حي
أو تُعتبر عايش! .